كەچۈر پەرىشتەم !!!

بىز بىر كۈن قارنى تاماشا قىلاتتۇق ، باغچىغا بېرىپ قاردىن پومزەك ياساپ بىر - بىرىمىزگە ئېتىشاتتۇق ، قار بوۋاي ياساپ ئوينايتۇق ،
ئىشقىلىپ قار ياغسىلا مەن ئىنتايىن خوشال بولاتتىم ، پەقەت قار ياغقانلىقى ئۈچۈنلا ئەمەس ، بەلكى ئەشۇ بىر كۈننى سەن بىلەن بىرگە
ئۆتكۈزگەنلىكىم ئۈچۈن شۇنداق ئىدى .

مانا بۈگۈنمۇ بۇ قار مەنزىرسىنى سەن بىلەن بىرگە تاماشا قىلغۇم ، ئاپئاق قارغا دەسسەپ سەن بىلەن بىللە كوچا ئايلانغۇم بار ،
ئەمما يېنىمدا سەن يوق بەك ئەپسۇسلاندىم . ئويلىسام سىنى بەك سېغىنىپتىمەن ، سەنمۇ مىنى سېغىنىۋاتامدىغانسەن ؟
مىنى ئەسلەۋاتامدىغانسەن ؟......
پەقەت قار ياغقانلىقى ئۈچۈنلا سىنى سېغىنۋاتقىنىم يوق ، بىلەمسەن ، مەن ھەركۈنى ، ھەر دەقىقە سىنى سېغىنىمەن ، ساڭا بولغان
سېغىنىشىم خۇددى ئۆركەشلەپ ئېقىۋاتقان دەرياغا ئوخشاش كۈنسىرى ئۇلغايماقتا ...

بىلەمسەن ، مەن سىنىڭ مېنى مەلىكەم دەپ چاقىرىشىڭنى نەقەدەر ياقتۇرىمەن ، ئۇ چاقىرىشىڭ ماڭا شۇنچىلىك يېقىملىق ئاڭلىنىدۇ ،
سەن مىنى شۇنداق چاقىرساڭ ئالەمچە سۈيۈنۈپ كىتىمەن ، خۇددى ئۆزۈمنى چۆچەكلەردىكى مەلىكىلەردەك ھېس قىلىپ ، سىنى
ئاق ئاتلىق شاھزادىگە ئوخشىتىمەن . توغرا ، سەن مىنىڭ ئاق ئاتلىق شاھزادەم ...مەن سىنىڭ مەڭگۈ ماڭا ھەمرا ئاق ئاتلىق
شاھزادەم بۇلۇشۇڭنى چىن كۆڭلۈمدىن ئۈمىد قىلىمەن .

قارا ،شاھزادەم قار توختىماي يېغىپ ، سىنى تېخىمۇ بەك سېغىنىپ كەتتىم ، قار كۈچەيگەنسىرى ساڭا بولغان سېغىنىىشم كۈچىيىپ بارماقتا .
ئەشۇ قاردىن مىنىڭ سىنى قانچىلىك سېغىنغىنىمنى ھېس قىلالايسەن . كۆڭلۈم تۇيۇپ تۇرۋاتىدۇ ، شۇ تاپتا سەنمۇ مىنى سېغىندىڭ ،
ئەسلىدىڭ ، شۇنىڭغا ئىشەنگىنكى بىز ھامان جەم بولىمىز ، ۋىسال شاتلىقىغا بىللە جۆر بولىمىز ...

ھەراست ، شاھزادەم سەن ھەرۋاقىت سىنىڭ مۇھەببىتىڭگە تەشنا بىر يۈرەكنىڭ بارلىقىنى ئۇنۇتما !