قايغۇلۇق بىر كۈن

كۆرۈش: 105\|ئىنكاس: 7	go قايغۇلۇق بىر كۈن

iptihar * توردا يوق

بۇ جىنىسسىز توردا يوقكەن، ئۇنىڭغا سۆز قالدۇرۇڭ

دەرىجىسى: ئالى ھۇقۇقلۇق ئەزا
تىما سانى: 740 (0)
جۇغلانما: 8602 نومۇر

243

7160

0

تىزىم ۋاقتى: 2010-12-29
ئاخىرقى ۋاقتى: 2012-3-27
ئالاھىدە ئىلگىرلەش

يوللانغان ۋاقتى 2012-1-18 12:48 |بارلىق يازمىلارنى كۆرسىتىش


	(بۇ ئەسەر كونا تىما بولسىمۇ ساخلاش قىممىتى بولغاچقا كۈچۈرۈپ يوللاندى) قايغۇلۇق بىر كۈن ئوسمان ئىسمايىل شاھيارى مىلادى 1995-يىلى 10-ئاينىڭ 5-كۈنى چۈشتىن كېيىن ئۈرۈمچى ۋاقتى 15تىن بەش مىنۇت ئۆتكەندە مىللىتىمىزنىڭ ئەلسۆيەر ئوغلانى ئابدۇرېھىم ئۆتكۈر ئەپەندى مەڭگۈلۈك كۆز يۇمدى.6-كۈنى ئۈرۈمچى ۋاقتى سائەت 12دىن50مىنۇت ئۆتكەندە بۇ مەشھۇر زاتنىڭ مېيىتى ئۈرۈمچى ‹‹ياڭخاڭ››مەسچىتىدىن ئېگىز كۆتۈرۈلگەن ھالدا ئاستا،ئەمما ھەيۋەت بىلەن ئېلىپ چىقىلدى.كوچىدا ئادەم مىغىلدايتى.چىرايلىق بېزەلگەن تاۋۇت نەچچە مىڭلىغان ئادەم دېڭىزى ئىچىدە قېيىقتەك يېنىك چايقىلىپ ئالغا ئىلگىرلەيتى.زېمىن تىترەيتى.دەل-دەرەخلەر نالە قىلاتتى.پۈتكۈل ئۈرۈمچى شەھىرى سۈكۈتكە چۆمگەنىدى.كىشىلەر بۇقۇلداپ يىغلىشاتتى. تاۋۇت كىشىلەرنىڭ باش ئۈستىدە ئەمەس بۇلۇتتەك لەيلەپ ئالغا ئىلگىرلەيتى.كىشىلەر ئۇنى مۈرىسىدە ئەمەس بەلكى خۇددى شىتانكا كۆتۈرگەن تەنھەرىكەت ماھىرلىرىدەك ئالقىنى بىلەن مۇمكىن بولىدىغان ئەڭ يۇقىرى چەككىچە ئېگىز كۆتۈرەتتى.نەچچە يۈزلىگەن قوللار تاۋۇتقا ئۇزىتىلغانىدى.ھەبىر كىشى تاۋۇتنى بىردەم كۆتۈرۋىلىشنى،ھېچ بولمىغاندا تاۋۇتقا بىر قېتىم قول تەگكۈزۋىلىشنى ئارزۇ قىلاتتى.پۈتكۈل‹‹يەنئەن››يولىدا قاتناش توختىغان.يول بويىدىكى بارلىق ئاشخانا ۋە دۇكانلار تىجارەتنى توختىتىپ كوچىغا چىقىپ سۈكۈتكە چۆمگەن ھالدا مەزھۇر زاتنى ئۇزاتماقتا ئىدى.ئائىلىدىكىلەر بىناسىدىكى بارلىق دېرىزىلەر كوچىغا قارىتىپ ئېچىۋىتىلگەن،دېرىزىلەردىن نۇرغۇن ئاياللار ۋە بالىلار ياشلىرىنى چىقىرىشىپ،ئۆزلىرىنى بېسىپ ئالالماستىن ئىختىيارسىز ھېقىقداپ يىغلايتى.كوچىدا ئادەملەر ھەسرەتلىك كۆز ياشلىرىنى تۆكۈپ ئاقاتتى. تاۋۇت ئادەملەرنىڭ دېڭىزىدا قېيىقتەك ئاستا-ئاستا قاراپ ئالغا ئۈزەتتى.ئۇنىڭ ئىچىدە خەلقنىڭ بىر ئوغلانى مەڭگۈلۈك ئۇيقۇغا كەتكەنىدى.ئۇنىڭ ئەسلى ئىسمى ئۇنتۇلغان بۇلۇپ كىشىلەر ئۇنى ‹‹ئۆتكۈر ئەپەندى››دېگەن مۇبارەك نام بىلەن ئاتايىتى.‹‹ئۆتكۈر››دېگەن بۇ سۆز بۇ زاتنىڭ نامى سۈپىتىدە ئىسمى-جىسمىغا لايىقلاشقان،ئۆزىنىڭ چوڭقۇر مەناسىغا تۇلۇق تۇيۇنغانىدى.‹‹ئەپەندى››دېگەن سۆزنى ئۇيغۇر خەلقى پەقەت دانىشمەن خوجا نەسىردىننى ۋە ئەل دىلىغا ئىلىم سالغۇچى مۇئەللىملەرگە ئاتاپ ئىجاد قىلغان بولسا،بۇ زاتنى ئۆزلىرىگە ئىلىم بەرگۈچى ئۇستاز سۈپىتىدە كۆرۈپ ئۇنىڭغا ئىنئام قىلغانىدى. تاۋۇت كىشىلەرنىڭ يىغا-زارلىرى ئىچىدە ئاستا-ئاستا ئالغا ئىلگىرلەيتى.كىشىلەرنىڭ ئاياق ئاستىدىن،ئانا تۇپراقنىڭ تەكتىدىن دىرىلدىگەن ئاۋاز كېلەتتى.شۇ تاپتا تارىم دەرياسى نالە قىلاتتى.ئېلى دەرياسى شاۋقۇنلايتى.ئۆزىنىڭ بۇ سۆيۈملۈك ئوغلانى ئارقىلىق‹‹مەن ئاق بايراق ئەمەس››دەپ پۈتۈن جاھانغا جاكارلىغان تەڭرى تاغلىرى چوڭقۇر سۈكۈت ئىچىدە مۈكچىيىپ ئېغىر-ئېغىر تىناتتى.سوغۇق‹‹قەشقەر كېچىسى››كىشىلەرنىڭ قەلبىنى مۇزلىتىپ،پۈتكۈل قەشقەر ئاسمىنىنى ھەسرەت تۇمانىغا ئورىغانىدى.يىراق تەكلىماكان بويىدىكى بوستانلىقلاردا ياشاۋاتقان ‹‹ئۇلۇغ ئانا››لار ‹‹چۆچەك››ئېيتىشىنى توختىتىپ،بۇ ئاددىي ئەمما سۆيۈملۈك ئوغلى ئۈچۈن ياش تۆكمەكتە ئىدى.بۇ زات ھەقىقىي خەلق ئوغلى ئىدى.خەلق يىغلىغانغا يىغلاپ،خەلق كۈلگەنگە كۈلەتتى.ئۇنىڭ خەلق غېمىدىن باشقا شەخسىي مەنپەئەتى يوق ئىدى،خەلق ئارزۇسىدىن باشقا شەخسىي ئارزۇسى يوق ئىدى.خەلقتىن ئىبارەت بۇ بايلىقتىن باشقا شەخسىي بايلىقى يوق ئىدى.بىر چاغلاردا بارلىق ھەقىقەت ئىگىلىرىگە ئوخشاش ئۇمۇ ئازار يېگەنىدى.بىراق،ئۇ قىلچىمۇ زارلانماي‹‹مالامەت يەتسىمۇ بەزەن دىلىمغا ئۆز دىيارىمدا،بۇسۇغىدا دالجىماس ئىتتەك،ماڭا ئەھدە ۋاپا ياخشى››دەپ جاكارلاپ،ۋەتەن-خەلققە بولغان مۇھەببەتنى ھەممىدىن ئۈستۈن ئورۇنغا قويغانىدى.ئۇ ھەقىقەتەن بىر مەشھۇر ئالىم بۇلۇپلا قالماستىن،بەلكى كامالەتكە يەتكەن پەزىلەت ئېگىسى ئىدى! تاۋۇت كىشىلەرنىڭ دولقۇنى ئىچىدە ئاستا-ئاستا ئالغا سىلجىيتى.ئۇنىڭ پاك روھى ئۇنىڭ ئۈچۈن ۋاقىتلىق شەكىل بۇلۇپ بەرگەن تېنىدىن ئايرىلىپ چىقىپ ساماغا كۆتۈرۈلدى.ئۇنىڭ ھاياتلىقى كىرتىك نۇقتىدىن ھالقىپ كەتتى.تۇغۇلۇش،ھاياتلى ۋە ئۆلۈم بىر-بىرىگە سىڭىشىپ كەتتى.مۇئەييەنلىك ئىنكار قىلىندى،ئىنكار يەنە قايتا ئىنكار قىلىندى.ئۇ ئەسلىدىكى چىقىش نۇقتىسىغا قايتىتى.تاشادىپىيىلىق بارلىق ئۇيغۇرلانىڭ يۈرىكىنى ئېزىپ،مۇقەرەرلىكنى نامايەن قىلىۋاتاتتى... تاۋۇت كىشىلەرنىڭ بېشى ئۈستىدە كۆكتە جەۋلان قىلاتتى.ئۇنى كۆتۈرۈپ،ئوراپ،يىغلاپ،ئۆكسۈپ كېتىۋاتقان مىڭلىغان كىشىلەر ئىچىدە زىيالىيلار،ھۆكۈمەت خىزمەتچىلىرى،كارخانىچىلار،سودىگەرلەر،ئۇششاق تىجارەتچىلەر،ئىشچىلار،قول-ھۈنەرۋەنلەر،دىننىي زاتلار،ئالىي-ئوتتۇرا مەكتەپ ئوقۇغۇچىلىرى،ئىشقىلىپ ھەر قايسى كەسىپلەرنىڭ،ھەر قايسى قاتلام كىشىلىرىنىڭ ھەممىسى بار ئىدى.بۇ بىر خەلقنىڭ ئىرادىسىنى نامايەن قىلىدىغان تەسىرلىك كۆرۈنۈش ئىدى.بۈگۈنكى بۇ ھەيۋەتلىك كۆرۈنۈش خەلقىمىزنىڭ ئۇنچىلا نادان ئەمەسلىكىنى كۆرسىتىپ قويدى.ئۇلار كىمنى ياخشى كۆرۈپ،كىمنى ياخشى كۆرمەسلىكنى ،قانداق ئادەمنى ھۆرمەت قىلىپ،قانداق ئادەمدىن نەپرەتلىنىشنى ئىنتايىن ياخشى بىلىدىغانلىقىنى ئىسپاتلىماقتا ئىدى.ئەگەر بەزىلەر ھايات ۋاقىتتا خەلق تەرىپىدىن ھۆرمەتلەنمىگەن،ياخشى كۆرۈشكە ئېرىشەلمىگەن بولسا ئۇنى ئۆزىنىڭ پەزىلىتىدىن كۆرۈشى كېرەك!ئۇنىڭ خەلقتىن ئاغرىنىشقا قىلچىلىك ئاساسى يوق!خەلق كۈچى قۇدرەتلىك،ئەقىل-پاراسەتنىڭ،دانىشمەنلىكنىڭ مەنبەسى!ھەقىقەتنى ئۆلچەيدىغان ھەقىقىي ئادىل تارازا پەقەت خەلق ئاممىسىنىڭ قولىدا! ئېگىز كۆتۈرگەن تاۋۇت قۇياش نۇرىدا ۋالىلدايتى.كىشلەر رەتلىك سەپ تۈزۈپ توختىماي ئالغا ئىلگىرلەيتى.پىشقەدەم ياشلارغا نەسىھەت قىلىپ تاۋۇتنى ماشىنىغا سالماقچى بۇلۇشاتتى.ئەمما تاۋۇتنى كۆتۈرۈۋالغانلار زادىلا ئۇنىمايتى.ئۇلار بۇ ئاخىرقى پەيتتە ئۆتكۈر ئەپەندىنىڭ مۇبارەك تېنىنى ئۇزۇنراق كۆتۈرۋىلىشنى،ئۇنىڭ بىلەن ئۇزۇنراق بىللە بۇلۇۋىلىشنىلا ئويلايتى.ئۇلار قىلچىلىك چارچاش ھېس قىلمايتى.ئۇلار تاۋۇتنى شېھىتلىككە ئەمەس،بەلكى جاھاننىڭ ئۇ تەرىپىگە كۆتۈرۈپ ئېلىپ بېرىشقىمۇ رازى ئىدى! سائەت 2دىن 50مىنۇت ئۆتكەندە يەنى توپتوغرا ئىككى سائەت يول يۈرگەندىن كېيىن بۇ زاتنىڭ مۇبارەك تېنى شېھىتلىككە ئېلىپ بېرىلىپ،يىغا-زار ئىچىدە يەرلىككە قۇيۇلدى.مىڭلىغان كىشىلەر ئالقانلىرى بىلەن توپىلارنى سىقىمداپ ئېلىپ ئۈستىگە تاشلاپ ئاخىرقى قېتىم خوشلاشتى،ئۇنى تۇغقان،ئۇنى پەرۋىش قىلىپ گىگانت ئادەم قىلغان ئانا تۇپراق يەنە ئۇنى ئۆز قوينىغا ئالدى.ئۇنىڭ‹‹ئويغانغان زېمىن››دىكى مۇبارەك ‹‹ئىز››لىرى مەرۋايىتتەك پارقىراپ جۇلالىنىپ قالدى. ئارىمىزدا ئۆتكۈرنىڭ روھى ھەسەن تىلىۋالدى يۈسۈپ بوۋام چىللاپتۇ ئۇنى، كېتىپ قالدى شۇڭا پەتىگە. مەھمۇد بوۋام بىلەن كۆرۈشۈپ، قايتىپ كېلەر چوقۇم ئەتىگە. جەننەت ئىچىدە تەييارلاپ سۇرۇن، تۇرغان ئىكەن فارابى كۈتۈپ. يېتىپ كەلدى نەۋائى،لۇتفى، ئۆتكۈر كېلىپ بىر مىنۇت ئۆتۈپ. قۇچاقلىشىپ كۆرۈشتى ئۇلار، پەن ئۈستىدە سۆھبەتلىشىشتى. زەلىلى ھەم سەككاكى دەرھال، ئۆتكۈر ئۈچۈن ئەشئار ئۇقۇشتى. ئامانىسىا چالدى ساتارنى، ئابدۇرەشىتخان باشلىدى مۇقام. راۋابىنى ياڭرىتىپ تاشۋاي، دېدى ئاڭلاپ ئەقىللىق ئۇكام. سادىر پالۋان كەلدى ئالدىراپ، نۇزۇگۇمنى ئېلىپ پەتىگە. موللا بىلال،موللا سايرامى يېنىپ كەلدى چۈشۈپ مەپىگە. قىزىپ كەتتى سۇرۇن باشقىچە، دىدارلاشتى روھلار قانغۇچە. ھاياتلاردىن ئەھۋال سوراشتى، يەتتە ياشتىن يەتمىش ياشقىچە. خەۋەردار بىز دېدى نۆبىتى، پاك ياشاپسىز پانىي ئالەمدە. رەزىللەرگە ئۆتكۈر تىغ بۇلۇپ، قادىلىپسىز ھەر قانداق يەردە. توغرا،دېسى كۈلۈپ ئەخمەتجان، ئابدۇخالىق قۇشۇلدى گەپكە. قەلبىڭىزگە قوندۇرماپسىز كىر، ئاچ كۆزلۈك قىلىپ بېرىلىپ نەپكە. قورقۇنۇچلۇق ئەمەستۇر ئۆلۈم، ئەل نەپرىتى ئۆلۈمدىن يامان. بەزىلەرنىڭ بولماس قىممىتى، مىڭ يىل ياشاپ يۈرسىمۇ ئامان. ئۆلۈم دېمەك ھەممىگە ئورتاق، بىراق ئۇنىڭ بولىدۇ پەرقى. ياشىسىمۇ بەزىلەر قىسقا، تەڭرىتاغدەك بىباھا نەرقى. ئاڭلاپ بېقىڭ، دېدى زىكرىكام، ناخشا قىلدىم سىز يازغان‹‹ئىز››نى. تۆمۈر خەلىپە،خوجىنىياغا، كۆرسىتەيمۇ ئاپىرىپ سىزنى. مۇتەللىپمۇ بولىدۇ پەيدا سىز كەلگەننى بىلسىلا شۇ تاپ. ئېيتىپ قۇيۇڭ‹‹ئويغانغان زېمىن›› مۇسىبەتكە چۆممىسۇن يىغلاپ. ئارام ئېلىڭ ئەمدى خاتىرجەم، ھېرىپ-چارچاپ كەتتىڭىز قەۋەت. بۇندا ھەممە ئىناق ۋە ئىجىل، بۇ يەردە يوق ئاداۋەت،ھەسەت. بۇ يەردە يوق پىتنە ھەم پاسات، بۇ يەردە يوق خۇشامەت،تۆھمەت. بۇ يەردە يوق يۇرتۋازلىق،گورۇھ، نادانلارغا تېپىلماس ئۈلپەت. ھەممە ئادەم كېلەر بۇ ياققا، باقىي ئەمەس ھاياتلىق دېگەن. ئىككى ئالەم تاپار ساۋابلىق، ئەل ۋە يۇرتنىڭ غېمىنى يېگەن. ئارىمىزدا ئۆتكۈرنىڭ روھى، ئۇنتۇمايمىز ئۇ باسقان ئىزنى. ئازارلىشىپ يۈرمەيلى ئەمدى، ئۇنىڭ روھى ئۇرمىسۇن بىزنى. ئابدىرھىم ئۆتكۈر ئاۋازلىق ئەسەرلىرى: http://www.tordax.com/upload/media/3663/1304194939-X05.mp3 مەنبە:مىللەتلەر نەشرىياتى نەشىر قىلغان ‹‹ئابدىرھىم ئۆتكۈر ئابىدىسى››دېگەن كىتابتىن ئېلىندى. كۆچۈرۈلگەن مەنبە : مىسرانىم تورى كۈچۈرمىكەش رۇلىدا يەنىلا ئىپتىخار بۇ يازمىنى ئاخىرىدا iptihar تەھرىرلىگەن. ۋاقتى 2012-1-18 12:50

[url=http://www.kuqa.cn/bbs/home.php?mod=space&uid=1623&do=thread&view=me]مەن كۈلسەم سەنمۇ كۈلدۈڭ ،يىغلىسام سەن يەنىلا كۈلدۈڭ ،بۇ نىمە

ئىنكاس نەقىل

پاش قىلىش چوققىغا قايت

DILNARAY * توردا يوق

بۇ خانىم توردا يوقكەن، ئۇنىڭغا سۆز قالدۇرۇڭ

دەرىجىسى: ئالى ئەزا
تىما سانى: 1650 (1)
جۇغلانما: 4510 نومۇر

170

2367

0

تىزىم ۋاقتى: 2011-5-16
ئاخىرقى ۋاقتى: 2012-3-19
ئىجاتچان ئەزا

يوللانغان ۋاقتى 2012-1-18 13:12 |بارلىق يازمىلارنى كۆرسىتىش


	ئالىي مەكتەپكە بارغاندا ئەڭ ئاۋۋال ئابدۇرېھىم ئۆتكۈر بىلەن كۆرىشىمەن دەپ ئويلايتتىم..بەك ئەپسۇس، مەن ئالىي مەكتەپكە بارغاندا بۇ كىشى ئاللىقاچان ئارىمىزدىن كېتىپ بولغان.

ئەمەل ئەۋزەل قەسەمدىن!...

باھا سۆز ئىنكاس نەقىل

پاش قىلىش چوققىغا قايت

timtas * توردا يوق

دەرىجىسى: توھپىكار ئەزا
تىما سانى: 251 (0)
جۇغلانما: 2960 نومۇر

71

2489

0

تىزىم ۋاقتى: 2011-12-29
ئاخىرقى ۋاقتى: 2012-3-26

يوللانغان ۋاقتى 2012-1-18 15:47 |بارلىق يازمىلارنى كۆرسىتىش


	ئۆتكۈر ئەپەندى ئۇزۇتۇلغان كۈندىكى ئەھۋالنى مەنمۇ ئاڭلىغان ، بەزىلەرنىڭ نەتىنجىسى ئۇلۇغ بولسىمۇ ، پەزىلىتى ئۇلۇغلۇق دەرىجىسىگە توشمىغاچقا ،ئۇلار ھەقىقى ئۇلۇغلۇق شەرىپىگە ئىرىشەلمەيدۇ ، ئۆتكۈر ئەپەندى ھەقىقى نەتىنجە بىلەن پەزىلەتتە تەڭ يىتىشكەن ئۇلۇغ زات، شۇڭا ئۇنى ھەممە ئادەم ئىتىراپ قىلىدۇ ۋە مەڭگۈ پەخىرلىنىدۇ .

باھا سۆز ئىنكاس نەقىل

پاش قىلىش چوققىغا قايت

meyipdos * توردا بار

دەرىجىسى: ئالى ئەزا
تىما سانى: 1056 (1)
جۇغلانما: 5903 نومۇر

181

4295

0

تىزىم ۋاقتى: 2011-10-10
ئاخىرقى ۋاقتى: 2012-3-28
ئالاھىدە ئىلگىرلەش

يوللانغان ۋاقتى 2012-1-18 16:42 |بارلىق يازمىلارنى كۆرسىتىش


	مەرھۇم يازغۇچىمىز ئۇيغۇر قەلبىدە مەڭگۈ ھايات بۇ يازمىنى ئاخىرىدا meyipdos تەھرىرلىگەن. ۋاقتى 2012-1-18 16:46

ئەسسالام ئەلەيكۇم . مۇنبەر دوسلىرىمىز چ چ توپىغا كىرىشىڭلارنى قارشى ئالىمەن ھازىر25 ئەزا بار 200822501

باھا سۆز ئىنكاس نەقىل

پاش قىلىش چوققىغا قايت

mosajan0997 * توردا يوق

بۇ يىگىت توردا يوقكە، ئۇنىڭغا سۆز قالدۇرۇڭ

دەرىجىسى: ئالى ھۇقۇقلۇق ئەزا
تىما سانى: 3462 (1)
جۇغلانما: 15541 نومۇر

277

11342

0

تىزىم ۋاقتى: 2011-4-20
ئاخىرقى ۋاقتى: 2012-3-27
تەشۋىقات ئەلچىسى

يوللانغان ۋاقتى 2012-1-18 16:59 |بارلىق يازمىلارنى كۆرسىتىش


	مۇنبىرىمىزنى ھازىرقى ھالىتىدىن ۋە تىما ئىنكاسلاردىن كۈندىن -كۈنگە كۆڭلۈم سۈيۈنىۋاتىدۇ... مەنمۇ بەك ياقتۇراتتم بۇ يازغۇچىمىزنىڭ ئەسەرلىرىنى ...ئەسلىمە بەرگىنىڭزگە رەھمەت ،بۇرادەر... مۇنداق تىمىلارنى كۈچۈرۈپ يوللىسىڭىز يامان بولمايدۇ مانا...ھاھاھاھا....

دۇنيادا ئاتا -ئانا ئۈچۈن، پەرزەنت ئۈچۈن تۆلىگەن بەدەل زايا كەتمەيدۇ.

باھا سۆز ئىنكاس نەقىل

پاش قىلىش چوققىغا قايت

Zahar * توردا يوق

دەرىجىسى: ئالى ئەزا
تىما سانى: 395 (0)
جۇغلانما: 3329 نومۇر

153

2483

0

تىزىم ۋاقتى: 2011-9-29
ئاخىرقى ۋاقتى: 2012-3-25
مۇنبەر قىززىقچىسى

يوللانغان ۋاقتى 2012-1-18 19:35 |بارلىق يازمىلارنى كۆرسىتىش


	ئابدۇرېھىم ئۆتكۈر (1923-1995.10.5) 20-ئەسىر ئۇيغۇر ئەدەبىياتىدا مۇھىم ئورۇن تۇتىدىغان داڭلىق ئەدىب، شۇنداقلا، ئۆزىنىڭ ئېسىل پەزىلىتى، مول بىلىمى، قىممەتلىك ئەدەبىي مىراسلىرى بىلەن خەلقىمىزنىڭ قەلب تۆرىدىن چوڭقۇر ئورۇن ئالغان ھۆرمەت ساھىبى ئابدۇرېھىم ئۆتكۈر ئۆزىنىڭ كۆپ قىرلىق ئىجادىيىتى بىلەن ئۇيغۇر ھازىرقى زامان ئەدەبىياتىنىڭ تەرەققىياتى ئۈچۈن گەۋدىلىك تۆھپىلەرنى قوشقان. «ئۇلۇغ ئانا ھەققىدە چۆچەك»، «قەشقەر قىزى»، «ياخشى»، «مەن ئاق بايراق ئەمەس» قاتارلىق شېئىرلارنى يېزىپ، ئۆزىنىڭ شېئىرىي تالانتىنى نامايەن قىلغان بولسا، «ئىز»، «ئويغانغان زېمىن» دىن ئىبارەت تارىخ تېمىسىدىكى رومانلىرى ئارقىلىق تارىخىي رومانچىلىقنىڭ يۇقىرى سەۋىيەسىنى ياراتقان. كۆپلىگەن ئىلمىي ئەمگەكلىرى ئارقىلىق ئۇيغۇر ئەدەبىياتى ۋە مەدەنىيىتى تەتقىقاتىنى يېڭى بىر پەللىگە كۆتۈرگەن. ئۇ يېرىم ئەسىردىن ئارتۇقراق داۋاملاشقان ئەدەبىي ئىجادىيەت ھاياتىدا ئەدەبىياتنىڭ ھەممە ژانىرلىرىدا دېگۈدەك قەلەم تەۋرىتىپ، بىر مۇنچە مۇنەۋۋەر ئەدەبىي ئەسەرلەرنى يېزىپ، ئىجادىيىتىدە ناھايىتى زور مۇۋەپپىقىيەتلەرگە ئېرىشىپ، خەلقىمىزگە ئاز بولمىغان قىممەتلىك ئەدەبىي مىراسلارنى قالدۇرۇپ كەتتى. ئۇنىڭ ئۇيغۇر ئەدەبىياتىنىڭ تەرەققىياتىغا، گۈللىنىشىگە قوشقان تۆھپىسى ئاز ئەمەس.

باھا سۆز ئىنكاس نەقىل

پاش قىلىش چوققىغا قايت

manzil * توردا يوق

دەرىجىسى: مۇنبەر باشلىقى
تىما سانى: 6282 (2)
جۇغلانما: 62070 نومۇر

2255

51124

90

تىزىم ۋاقتى: 2008-10-19
ئاخىرقى ۋاقتى: 2012-3-27
ئۆمۈرلۈك شەرەپ

يوللانغان ۋاقتى 2012-1-19 02:02 |بارلىق يازمىلارنى كۆرسىتىش


	مۇشۇنداق ئەھمىيەتلىك ئەسەر كوپرەك يوللانسا بەك ياخشىق بولاتتى....رەھمەت دوستۇم

تور بېتىمىزگە قەدەم تەشرىپ قىلغىنىڭىزغا كوپ تەشەككۇر، تور بىتىمىزگە كىرگەنكەنسىز تېما ۋە ئىنكاس يوللاشنى ئۇنۇتماڭ، تور بېتىمىزدە ئىزىڭىز قالسۇن qq:675835234

باھا سۆز ئىنكاس نەقىل

پاش قىلىش چوققىغا قايت

kaplan * توردا بار

دەرىجىسى: مۇنبەر باشلىقى
تىما سانى: 5302 (6)
جۇغلانما: 188063 نومۇر

52705

77090

2810

تىزىم ۋاقتى: 2008-10-13
ئاخىرقى ۋاقتى: 2012-3-28
ئۆمۈرلۈك شەرەپ

يوللانغان ۋاقتى 2012-1-19 12:07 |بارلىق يازمىلارنى كۆرسىتىش


	مەرھۇم شائېر، يازغۇچى، ئالىم، ئابدىرىم تىلەشۈپ ئۆتكۈرنى يەنە بىر قېتىم قايغۇ ئىچىدە ئەسلىدىم ،بۇ زاتتەك پاك ، غۇرۇلۇق ئۆز خەلقى ئۈچۈن ئاھ ئۇرۇپ، ياشىغانلار يوق دىيەرلىك ، مەرھۇمنىڭ روھى مەڭگۈ جەنەتتە بۇلىشىغا تىلەكداشمەن .

مۇنبەر باشلىغى ۋە مۇنبەر قۇرغۇچىسى
تور بېتىمىزگە قەدەم تەشرىپ قىلغىنىڭىزغا كوپ تەشەككۇر، تور بىتىمىزگە كىرگەنكەنسىز تېما ۋە ئىنكاس يوللاشنى ئۇنۇتماڭ، تور بېتىمىزدە ئىزىڭىز قالسۇن

باھا سۆز ئىنكاس نەقىل

پاش قىلىش چوققىغا قايت

تىزىملىككە قايتىش

1框架

كۇچا مۇنبىرى شۇنى سەمىمى ئەسكەرتىدۇ!

.كۇچامۇنبىرىدە ھەرقانداق بىر كىشىنىڭ دۆلەت قانۇنىغا خىلاپ بولغان ، مىللەتلەر ئىتتپاقلىقىنى بۇزىدىغان ، مىللى بۆلگۈنچىلىك خاراكتىرىدىكى ، باشقا شەخس ياكى ئورۇنلارنىڭ مەنپەئەتىگە دەخلى قىلىدىغان ، قورقۇتۇش ياكى تەھدىت سېلىش خاراكتىرىدىكى ، ساختا ياكى ئالدامچىلىق مەقسىتىدىكى ئېلان قاتارلىق مەزمۇنلارنى يوللىشى قاتتىق چەكلىنىدۇ ، مەيلى تىما ئىنكاس ياكى قىسقا ئۇچۇردا بولسۇن يوقارقىدەك ئەھۋاللار كۆرۈلسە ، بىكىتىمىز شۇ كىشىنىڭ بارلىق ماتىرىيالى ۋە تورغا چىققاندىكى IP سىنى جامائەت خەۋىپسىزلىك ئىدارىسىگە تاپشۇرۇپ بىرىدۇ. !!!!!!!!!!!!! كونۇپكا تاختىسىدىكى S D F G H J K L كونۇپكىلىرى ئۈستىگە يېزىلغان يېشىل رەڭلىك ھەرىپلەرنى Shift كونۇپكىسىنى بېسىپ تۇرۇپ باسسىڭىز بولىدۇ.

تاقاش تەستىق كودى

كۆرگەن سەھىپە