ئەرگە تىگىڭ ئايپاتەم

بىر چىرايلىق ئۆزىڭىز،بىر جۈپ قارا كۆزىڭىز،
ئۆزىڭىزگە ماس ئەمەس قىلغان قىلىقلىرىڭىز.
يېشىڭىزمۇ ئوتتۇزدا تېخى ئويناپ يۈرۈيسىز،
ئەتىڭىزنىمۇ ئويلاڭ سىزمۇ ھامان قېرىيسىز.

بىرى يۈرسە چۆرگىلەپ، پۇلى يوقكەن دىدىڭىز،
بىرى كەلسە ئالاي دەپ، ئۆيى يوقكەن دىدىڭىز.
ئاتا-ئانا بىز لەرگە باقىۋەندە ئەمەسقۇ،
سىز ئۇلارنىڭ كۆڭلىنى، غېمىنى ھەم بىلسىڭىز.

سۆگەتباينى ياراتماي تاركەلدىغۇ بۇئالەم،
تېرەكباينى تاپالماي ماغدۇر كەتتى ئايپاتەم.
ھۆسنىڭىزنىڭ بارىدا ئەرگە تىگىڭ ئايپاتەم،
قېرىپ موماي بولغاندا كىم ئالىدۇ ئايپاتەم.

ئەمدى كۈتمەڭ كىلەر دەپ چۈشۈمدىكى شاھزادەم،
كۈتىۋىرىپ داق يەرگە موللاق ئاتماڭ ئايپاتەم،
ئۆزىڭىزمۇ ئاي ئەمەس،باشقىلارمۇ لاي ئەمەس.
مەغرۇرلۇقتىن يىراق بوپ،كەمتەر بۇلۇڭ ئايپاتەم.

ئەقلىڭىزنى تاپسىڭىز، كەڭرى ئەسلى بۇئالەم،
چىشىڭىزنىڭ بارىدا گۆشنى چايناڭ ئايپاتەم.
تۇرمۇش دىگەن بىر سىناق،تېتىپ كۈرۈڭ ئايپاتەم،
نەسىھىتىمنى ئاڭلاپ،ئەرگە تىگىڭ ئايپاتەم.