كەچۈر مىنى بارالمايمەن تۇيۇڭغا (ئورخۇن)

كەچۈر مىنى بارالمايمەن تۇيۇڭغا

نىمە دەيمەن ئەي بىۋاپا بۇنىڭغا ،
ئەۋەتىپسەن توي باغىقىڭ قۇلۇمدا .
مىڭبىر ئازاپ چاڭگال سالدى دىلىمغا ،
شۈكرى لىكىن يىقىلمىدىم ئارقامغا ،
كەچۈر مىنى بارالمايمەن تۇيۇڭغا .


يۈرەكلەردە تۇرۇپ ئوتلۇق ئىنتىلىش ،
قانچە ئازاپ چىن يايرىغا خوش دىيىش ،
كەلمەس مەندىن بەخىت تىلەپ خۇش ئېيتىش ،
ھەسرىتىمنى يۇيالمايدۇ نىل - ئېرتىش ،
كەچۈر مىنى بارالمايمەن تۇيۇڭغا .


ئۆتكەن كۈنلەر كۆز ئالدىمدىن كەتمەيدۇ ،
ئاھلىرىمدىن بۈگۈن تاغلار تىترەيدۇ ،
قارچۇقۇمدا ئۈكسۈپ دۇنيا يېغلايدۇ ،
شۇم رەقىپلەر چېلىپ دۇتتار يايرايدۇ ،
كەچۈر مىنى بارالمايمەن تۇيۇڭغا .


قېنى مىنىڭ غەمسىز خوشال كۈنلىرىم ،
بولدى بەربات تامام شىرىن چۈشلىرىم ،
ئازاپ بىلەن تولدى كۈڭۈل دەپتىرىم ،
بەزلىمەڭلار ، زورلىماڭلار دوستلىرىم ،
كەچۈر مىنى بارالمايمەن تۇيۇڭغا .


قېنى بىزنىڭ باشتىكى چىن ۋەدىمىز ،
قېنى تاتلىق كۈلۈپ تۇرغان ئەتىمىز ،
قاچان توختار ئەمدى بىزنىڭ يېغىمىز ،
ئاھ ... شۇمىدى بىزنىڭ كۈتكەن بەختىمىز ،
كەچۈر مىنى بارالمايمەن تۇيۇڭغا .


قالدىم بۈگۈن يۈرۈكۈمنى يۇنۇپمەن ،
پەريات ئۇرۇپ چاچلىرىمنى يۇلۇپمەن ،
قۇرۇپ قاخشال بولدۇم گۇيا سۇلۇپمەن ،
سىقالمايمەن قوللىرىڭنى كۈلۈپمەن ،
كەچۈر مىنى بارالمايمەن تۇيۇڭغا .

ئورخۇن يازمىللىرىدىن ...