ھاراق خىتابى

ھاراق خىتابى

مەنسىز ھايات داستانىغا ئېچىلمايدۇ بەت،
مەنسىز يىگىت نىگارىغا يازالمايدۇ خەت.
مەنسىز غەمگە قوشماق بۇلۇپ قۇشۇلمايدۇ دەت،
مەنسىز شەيتان دۇشمىنىنى قىلالمايدۇ لەت.
مەنسىز ئادەم مايمۇن كەبى بۇلالمايدۇ سەت.

مەن بولغاچ سۇرۇندا قىزىيدۇ بەزمە،
مەن بولغاچ گاچىمۇ ئۇقۇيدۇ نەزمە.
مىنى ئىچ ،لىقلاپ ئىچ ئاچچىقنى سەزمە،
خوشلا دەپ دەس كۆتەر ،ئەزمەڭنى ئەزمە.
دوزاققا يېقىنلاپ،ئارزۇ -ئارمانىڭغا يەت.

سۆزئاچما ئەدەپ - ئەخلاقتىن ،ھايادىنمۇ ھەم،
قورىقمىغىن قەۋمىڭدىن،ئاتا - ئاناڭدىنمۇ ھەم،
ئۈمىد ئۈز خۇتۇن دىگەندىن،بالاڭدىنمۇ ھەم،
ئۆي - بىسات قۇيۇڭدىن،شۇ كالاڭدىنمۇ ھەم،
مىھرىڭ بىلەن قۇچاقلاپ،مىنى باغاش ئەت.

تىلەيمەن مەكتەپ دىگەن بىلىم يۇرتى كەم بولسا،
ئۆلپەتلەر نادانلىقتا ئوتلىرىمغا يەم بولسا،
كىتاپلارنى تاشلىسا ،سورۇنلارغا جەم بولسا،
ئىچسە مىنى توختىماي،كۈلسە ياكى غەم بولسا،
دەرمىش لىكىن ئاقىللار‹ شۇ نىجىستىن نېرى كەت›.

مەنبە؛ ‹ پىيادە › 2011- يىلى 1- ئاينىڭ 6- كۈنى تەر -مېھنىتىمگە ھۆرمەت قىلىڭ. رەخمەت.