جاۋزوخەي قويۇپ بېرىلدى ، يەنە ئىككى ئەرۋاھنى كىم قويۇپ بېرىدۇ؟

جاۋزوخەي قويۇپ بېرىلدى ، يەنە ئىككى ئەرۋاھنى كىم قويۇپ بېرىدۇ؟
جاۋزوخەي تەلەيلىك ئىكەن
ئۇنىڭ تەلىيى زىيانكەشلىككە ئۇچرىغۇچىنىڭ تىرىلىپ قېلىشى بولۇپلا قالماستىن ، موھىمى ئۇ ھېلىقى خاتا ، ناھەق دېلو سەۋەبى بىلەن جېنىدىن ئايرىلىپ قالمىدى .
جاۋزوخەي دېلوسى بىلەن ئوخشاش نەتىجىگە ئىگە باشقا ئىككى ئادەم جاۋزوخەيدەك تەلەيلىك ئەمەس ئىكەن . بۇ ئىككى ئادەمنىڭ ئىسمىنى جامائەتچىلىك بىلسە كېرەك ، بىرىنىڭ ئىسمى نېې شۇبىڭ ، يەنە بىرىنىڭ ئىسمى خۇگې جىلتۇ .
ئۇلارمۇ قىستاپ ئىقرار قىلدۇرۇشتىكى قىيىن-قىستاققا بەرداشلىق بېرەلمەي ، ئىقرارنامىغا ئۆزلىرىنىڭ قولىنى قويۇشقا مەجبۇر بولغان ، قىلمىغان ئىشى ئۈچۈن ھاياتىدىن ئايرىلغان . يېمىگەن مانتىنىڭ پۇلىنى تۆلىگەن .
ھالا بۈگۈنگە قەدەر ، جاۋزوخەي قويۇپ بېرىش گۇۋاھنامىسىنى باغرىغا باسقىنىچە ئاخبارات ۋاستىلىرىنىڭ فوكۇسلۇق چىرىقى ئاستىدا ئۆز بېشىدىن ئۆتكۈزگەن ھېلىقى ئىنسان قېلىپىدىن چىققان كەچۈرمىشلىرىنى سۆزلەپ بەرگەن چېغىدا ، ئاللىقاچان ئەرۋاھقا ئايلىنىپ كەتكەن ھېلىقى ئىككۆيلەنگە قانچىلىك ئادەم كۆڭۈل بۆلەر ؟ ئۇلارنىڭ روھىي يەنىلا ئۆلۈمگە ھۆكۈم قىلىنغانلار ئارخىپى ئىچىگە مەھكۈم قىلىنغان ، لېكىن ئۇلارنى ئۆلۈمگە ئىتتىرىپ بەرگەن جاللاتلار ھازىرغىچە ئۆزلىرىنىڭ خاتالىقىنى ئېتىراپ قىلغىنى يوق .
نېې شۇبىڭنىڭ دېلوسى كۆپچىلىككە ئايان ، ئۇشتۇمتۇت قاتىل دېگەن ئاتاققا قالغان خېبېيلىك ياش . كۆزنى يۇمۇپ ئاچقۇچىلا پۇت-قولى كىشەنلىنىپ ، ياۋۇزلارچە قاتتىق قىيناشتىن روھىي يېمىرىلىپ ، ئادەتتىكى ئادەم ئويلاشقىمۇ جۈرئەت قىلالمايدىغان دەھشەتلىك سوراقتىن كېيىن ، ئۆلۈم خېتىگە قولىنى قويۇپ ، ئاجىز تېنىنى ئۆلۈمگە تۇتۇپ بەرگەن .
بىراق نېې شۇبىڭنى ئۆلۈمگە ئىتتىرىپ بەرگەن ئەمەلدارلار ئويلاپ كۆرمىگەنكى ، تېخى نىې شۇبىڭنىڭ جەسىدى سوۋۇماي تۇرۇپلا ھەقىقى قاتىل تورغا چۈشۈپ ، پۈتۇن دېلونىڭ ھەقىقى ئەھۋالى ئاشكارىلانغان .
قائىدە بويىچە ھەقىقى قاتىل تورغا چۈشكەندىن كېيىن ، ئەسلىدە نېې شۇبىڭگە ھەققانىيەت بېرىلىشى كېرەك ئىدى ، بىراق نېې شۇبىڭ ئائىلىسىدىكىلەر ناھەقچىلىك ئاقلانغاندىن كېيىنكى ھال سوراش دېگەننى كۆرمىدى ، ئاقلاش خېتىنىمۇ كۆرمىدى . ئۇلارنىڭ كۈتكىنى پەقەت بارلىق ئەدلىيە ئورۇنلىرىنىڭ سۈكۈت قىلىشى ، ئۆلۈكتەك سۈكۈت قىلىشى بولدى . مەيلى ئۇلار ئۆلكە ، شەھەر ، ناھىيەلەردىكى ئەدلىيە ئورۇنلىرىغا قاترىسۇن ، ئۇلارنىڭ ئايىقى تېشىلگەن ۋە ئاغزى ئۇپرىسۇن ، مەيلى ئۇلارنىڭ ئاللىقاچان كۆز ياشلىرى قۇرۇپ كەتكەن بىر جۈپ كۆزلىرىدە چاقنىغان كىچىككىنە ئۈمىد نۇرى ئۆچۈپ قالسۇن ، نېې شۇبىڭنى ناھەق ئۆلتۈرگەن ھېلىقى كىشىلەر ئۇلارغا سوغۇق نەزىرىدە باقماقتا ، ئەمىلى يەنىلا ئۆسمەكتە ، يېنىنى ئوخشاشلا توملىماقتا ... ...
يەنە بىرسى نېې شۇبىڭ بىلەن ئوخشاش تەقدىرگە ئۇچرىغان ، جازا مەيدانىغا ئاپىرىلغاندا تېخى ئەمدىلا 18 ياشقا كىرگەن موڭغۇل ياش خو گې جىلتۇ
1996-يىلى4-ئاينىڭ بىر ئاخشىمى ، ئەمدىلا 18 ياشقا كىرگەن خوگې جىلتۇ زاۋۇت سىرتىدىكى ئاممىۋى ھاجەتخانىدا ھاجەت قىلىۋېتىپ ئاياللار ھاجەتخانىسدىن چىقىۋاتقان ئۆز ئارا ئېلىشىۋاتقان ئاۋازنى ئاڭلاپ قېلىپ ، دەرھال ساقچىغا مەلۇم قىلغان . ئۇ ساقچىلارنى نەق مەيدانغا باشلاپ كەلگەندە كۆرگىنى ، ئاياق-ئاستى قىلىپ ئۆلتۈرۈلگەن بىر ئايالنىڭ جەسىتى بولغان . شۇ ۋاقىتنىڭ ئۆزىدە ، ساقچى تەرەپنىڭ گۇمانى نەزىرى چىرايىدىن مەسۈملىك چىقىپ تۇرغان بۇ يىگىتكە چۈشكەن . "j-
ئۇنىڭ كەينىدىنلا يۈز بەرگەن ئىشلار پۈتۈنلەي نېې شۇبىڭ ھەتتا جاۋ زوخەي بىلەن ئوخشاشلا بولغان ، تىل ۋە يېزىق بىلەن تەسۋىرلەشكىمۇ تەس قىيىن-قىستاق ، فاشىستلارچە قاتتىق سوراق باشلانغان ... ...
بىر نەچچە كۈندىن كېيىن ، ئادەم سىياقى قالمىغان خوگې جىلتۇ ئاخىرى ساقچى تەرەپنىڭ ئېيتقىنى بويىچە ئۆزىنىڭ ئىقرارنامىسىنى يازغان ھەمدە ئۆلۈم خېتىگە قول قويغان .
دېلو يۈز بېرىپ 61 كۈندىن كېيىن ، كوكخۇت شەھەر ئەتراپىدىكى جازا مەيدانىغا ئاپىرىلىپ ، بىر پاي ئوق بىلەن ئۇنىڭ مىڭىسى پارە-پارە قىلىپ تاشلانغان ، شۇنداقلا ئۇنىڭ ئاتا-ئانىسىنىڭمۇ يۈرىكى پارە- پارە قىلىپ تاشلانغان ...
تەڭرىنىڭ كۆزى باركەن ، 2006-يىلى ج خ مىنىستىرلىقىنىڭ ھەيدەكچىلىكىدە ، تەلۋە قاتىل دەپ داڭقى چىققان جاۋ جېخوڭ تورغا چۈشىدۇ ، ئۇ قولغا چۈشكەندىن كېيىن تاپشۇرغان بىرىنچى قېتىملىق سادىر قىلغان دېلوسى دەل 10 يىل بۇرۇنقى ھاجەتخانىدا باسقۇنچىلىق قىلىپ ئادەم ئۆلتۈرۈش دېلوسى بولۇپ چىقىدۇ .
سوراق مەيدانىدىكى ئاخبارات ۋاستىلىرى دەرھال ئاخبارات تارقىتىپ ، جاۋ جېخوڭنىڭ 10 يىل ئىچىدە 26 قېتىم باسقۇنچىلىق قىلغانلىقى ، 11 نەپەر ئادەمنى ئۆلتۈرگەنلىكىدەك قەبىھ قىلمىشىنى تەپسىلى ئاشكارىلايدۇ . دەل مۇشۇ خەۋەر ھېلىقى خوگې جىلتۇنى جازا مەيدانىغا ئىتتەرگەندىن كېيىن ئاللىبۇرۇن مەنسىۋى ئۆسكەن ئەرباپلارنى قاتتىق چۆچۈتىۋەتكەن بولسىمۇ ، ئۇلارنىڭ ھەممىسى ئەۋلىيالار قاتارىدىن ئورۇن ئېلىشىپ ، يارلىق چۈشۈرىدىغان غوجاملارغا ئايلىنىپ بولغان . [V!
جاۋ جېخوڭنىڭ ھەممە ئىشنى قەستەن ئۆزىگە ئارتىۋالغان ياكى ئارتىۋالمىغانلىقىنى ئېنىقلاش ئۈچۈن، دېلو بېجىرگۈچى ئورۇن دەرھال 1996-يىلقى ھېلىقى دېلو ئۈستىدە قايتا-قايتا سوراق قىلغان . جاۋ جېخوڭ بولسا N قېتىملىق ئوخشاش سۇئالغا جاۋاپ بەرگەندىن كېيىن دېلو بېجىرگۈ- چىلەرگە قاراپ كۈلۈپ تۇرۇپ : سىلەر ئەينى يىلى ئادەمنى خاتا ئۆلتۈردۈڭلار ، ئۇ ئىشنى مەن قىلغان ، ئىشەنمىسەڭلار مەن سىلەرنى باشلاپ بېرىپ نەق مەيداننى تونۇپ بېرىمەن ، دېگەن . Wf ئون يىل دېگەن قىسقا ۋاقىت ئەمەس ، ئەڭ بولمىدى دېگەندە ئەينى يىلى دېلو سادىر بولغان نەق مەيدان ئاللىقاچان ئاھالىلار ئولتۇراق رايونىغا ئۆزگەرگەن بولىشى مۇمكىن . لېكىن جاۋ جېخوڭ ئەينى يىلدىكى ھاجەتخانىنىڭ ئورنىنىڭ نەدە ئىكەنلىكىنى ، قانداق قۇرۇلمىلىق ئىكەنلىكىنى قىينالمايلا كۆرسىتىپ بەرگەن ۋە ئېيتىپ بەرگەن ... ...
جاۋ جېخوڭنىڭ ئىقرارى بىلەن خوگې جىلتۇنىڭ ئاتا-ئانىسى ۋە ئائىلىسىدىكىلەر ئوغلىنى ئاقلاشنىڭ ئۈمىدىنى كۆرگەندەك بولغان !
ئەپسۇسلىنارلىقى ، دېلو بېجىرگۈچى ئورۇن مەزكۈر دېلوغا ئوخشاشلا كۆرۈپ تۇرۇپمۇ كۆرمەسكە سېلىش پوزىتسىيىسىدە بولغان ھەمدە سوتقا جاۋ جېخوڭنىڭ 10 يىل ئىچىدە 25 قېتىم باسقۇنچىلىق جىنايىتى ئۆتكۈزگەنلىكى ، 10 نەپەر ئادەم ئۆلتۈرگەنلىكى توغرىلىقلا ئەيىپنامە سۇنغان ، بەزىلەرنىڭ مەنسەپ تاجىدىن قۇرۇق قېلىشىغا سەۋەپ بولىدىغان ھېلىقى 1996- يىلقى ھاجەتخانە دېلوسى قانداقتۇ مەقسەتلىك ھالدا يوشۇرۇلغان . -
تېخىمۇ قىزىق يېرى ، 2006-يىلى 11-ئايدا ، مەقسەتلىك ھالدا تېز سوتلاپ ، تېز ھۆكۈم چىقىرىپ ، ئالى خەلق سوت مەھكىمىسى ئۆلۈم جازاسىغا قايتا قاراپ چىقىش ھوقۇقىنى قايتۇرۇپ ئېلىشتىن ئاۋال ، جاۋ جېخوڭنىڭ چاتاق تېرىپ قويۇشىدىن ئەنسىرەپ ، ئۇنىڭ ئاغزىنى ئېتىش ، دېلونى يوق قىلىۋېتىش ئۈچۈن ، مەزكۈر دېلوغا ئالدىراپ-تېنەپلا سوت ئاچقان . دەل مۇشۇ چاغدا ، تۇتۇپ تۇرۇش ئورنىغا قامالغان جاۋ جېخوڭ بىر نەرسىنى سېزىپ قالغاندەك بىر پارچە تازىلىق قەغىزىگە «خۇن تۆلەش ئىلتىماسنامىسى» يېزىپ ، پۈتكۈل ئىشنىڭ جەريانىنى ئىنتايىن ئېنىق يېزىپ قالدۇرۇپ قويغان .
شۇنىڭ بىلەن ئادالەتنى ياقلىغۇچىلار مەزكۈر دېلونى مەركىزى سىياسىي قانۇن كومېتىتى ۋە ئىككى مەھكىمىگە تېزدىن يوللاپ بەرگەنلىكتىن ، ئاغزى ئېتىۋېتىلمەكچى بولغان جاۋ جېخوڭ بۈگۈنگىچە ئامان قالغان . شۇنىڭدەك 70 تىن ئوشۇق داڭلىق سوتچى ، تەپتىش ئەمەلدارىدىن تەركىپ تاپقان بىرلەشمە تەكشۈرۈش گۇرۇپپىسى دەرھال ئىچكى موڭغۇل ئاپتونۇم رايونىغا كىرىپ مەزكۈر دېلونى ئۈزۈل-كېسىل قايتا تەكشۈرۈپ چىقىشنى باشلىۋەتكەن .
كىشىنى ئەپسۇسلاندۇرىدىغىنى ، پېقىر بۇ يازمىنى يېزىۋاتقان چاغدا ، خۇ گې جىلتۇنىڭ ئاتا-ئانا ۋە قېرىنداشلىرى تېخىچە دېلودا ھېچقانداق ئىلگىرىلەش بولغانلىقىنى كۆرمىگەن ، ھەر ھەپتىدىكى مەھكىمە باشلىقى قوبۇل قىلىدىغان كۈنى سوت مەھكىمىسىگە بېرىپ ئەھۋال ئۇقماقچى بولسىمۇ ، بىراق ئوخشاش باھانە بىلەن مەيدىسىدىن ئىتتىرىپ چىقىرىۋېتىلگەن ، ئۇلار ئامالسىز ئوغلىنىڭ تۇپراق بېشىغا چىقىپ ، قەبرىسىگە توپا يۆلەپ ، كۈجە كۆيدۈرۈپ ... ...
پېقىر ئىلگىرى-كېيىن خېبىي ئۆلكىسى ۋە ئىچكى موڭغۇل ئاپتونۇم رايونىدىكى ئەدلىيە تار- ماقلىرىنىڭ يۇقىرى دەرىجىلىك ئەمەلدارلىرىدىن ئىككى دېلونىڭ زادى قاچان ئاقلىنىدىغانلىقى ، ناھەق ئۆلۈپ كەتكەن ئىككى ئەرۋاھنىڭ قاتىل دېگەن نامىنىڭ ئارخىپتىن ئۆچۈرۈپ تاشلىنىپ ، ئۇلارنىڭ روھىنىڭ ئۇ دۇنيادا بولسىمۇ تەسكىن تېپىشى توغرۇلۇق سۈرۈشتە قىلدىم .
توۋا ، ھەر ئىككى ئورۇننىڭ جاۋابى ئوپمۇ-ئوخشاش ئىكەن : ئەينى يىللاردا دېلو بېجىرگەنلەرنىڭ ئەمىلى ئۆستى ، ئۇنىڭ ئۈستىگە پات ئارىدا پېنسىيىگە چىقىدۇ ، يەنىلا كۈتۈپ تۇرساڭلار ...
... ... ...
كۈتۈپ تۇرۇڭلار ، كۈتۈپ تۇرۇڭلار ، كۈتۈپ تۇرساڭلار ... ...j.
زىيانكەشلىككە ئۇچرىغۇچىنىڭ ئائىلە-تاۋاباتلىرىنىڭ كۆزى تېشىلگىچە كۈتەمدۇ ؟ تەلۋىلەرچە ئادەم ئۆلتۈرگەن ياۋۇزلار قېرىپ ئەجىلى يېتىپ ئۆلگىچە كۈتەمدۇ ؟ بىر مەيدان پانى ئالەمدىكى دەۋانى ئۇ دۇنياغا بارغىچە كۈتەمدۇ ؟ كەينىگە سۆرەپ ھەممىنى ئۇنتۇلدۇرۇپ ، زىمىن تامامەن ئاپئاق پاكىزىلەنگىچە كۈتەمدۇ ... ...
پېقىر بۇ يازمىنى يېزىۋاتقاندا خوتۇنۇم كۆڭۈل بۆلگەن ھالدا : يېزىپ نىمە قىلارسىز ، بىكار ئۆزىڭىزگە ئىش تېپىپ ، دېدى .
پېقىر كۆزۈمگە ياش ئالغان پېتى : مەن ئۆزۈمنى ئالىيجاناپ ۋە ئادىل ئادەم دېيەلمەيمەن ، لېكىن جاۋ زوخەي دېلوسى ئاشكارىلانغاندىن كېيىن ، نېې ، خۇ ئىككەيلەن ئېسىمگە كەلسىلا ، بىر خىل ئازاپ يۈرىكىمنى مۇجۇپ ، دەرت-ئەلەمنى قەلبىمگە سىغدۇرالماي قاتتىق ئازاپقا چۈمىمەن !
گېپىمنى توختۇتاي ، ئايالىمنىڭمۇ كۆزىدىن ياش تۆكۈلدى ، پېقىرنىڭمۇ كۆزىدىن ياش ئاقماقتا ، سىرتتا تۈن پەردىسى تارتىلدى ، شامال چىقماقتا ، ئۇ يەر بۇ يەردە يۇلتۇزلار چاقنىماقتا ... ...
چېن گۋاڭ (سۇبھى) قەلىمىدىكى بۇ يازما 2010- يىل 5- ئاينىڭ 13- كۈنى سوخۇ تورى بلوگ سەھىپىسىدىن تەرجىمە قىلىندى بېرىلگەن
مەنبە:مىسرانىم تورى
خەنزۇە مقالە مەنبەسى:http://chenguang084.blog.sohu.com/151390018.htmlenter]