ئەرلەر بار  

كۆك ئاسماندا يۇلتۇزدەك چاقنايدىغان ئەرلەر بار،
ئەل ئۈمۈدى ،بۇرچىنى .ئاقلايدىغان ئەرلەر بار.

شەيتان چالغان داپقا ئۇ،تۇرۇپ ئۇسۇل ئوينىماس،
ۋەتەن ئۈچۈن ،ئەل ئۈچۈن ياشايدىغان ئەرلەر بار.

رىستۇرانغا،قاۋاققا رايى تارىتماس ئۇنىڭكى،
نايناقلىسا سەتەڭلەر،ئازمايدىغان ئەرلەر بار.

ياخشى دادا،ئوبدان ئەر دەيدۇ ئايال ،بالىسى،
يۇرۇتتا چۇڭى، كىچىگى داڭلايدىغان ئەرلەر بار.

ئاجىزلارغا ھەمدەمدە،ئۇ ئالدىدا ھەمىشە،
ئۆچسە غېرىپ ئوچىغى،پۈلەيدىغان ئەرلەر بار.

رازى قىلىپ ئاتىنى، كۈيۈمچاننى ئانىنى،
ئاتا - ئانا قەرزىنى تۆلەيدىغان ئەرلەربار

ئەر تۇغۇلسا زىمىنگە باغ كۈلىدۇ،يەرمۇ ھەم،
ئۈزى ئۆلسە شۇ نامى،ئۆلمەيدىغان ئەرلەر بار.

سالاسىغا غەپلەتنىڭ كەلمەيدىغان ئەرلەر بار،
تاڭ ئەلچىسى چىللىسا،سەزمەيدىغان ئەرلەر خار.