دىيارىمىز ئوغلانى قەيسەر قىران (تەرجىمھال)

مۇنبىرىمىزدە شائىرلارنىڭ كۆپ ئىكەنلىكىنى ھېس قىلدىم .شائېرلىرىمىزنىڭ يەنىمۇ تىرىشىپ ،تېخىمۇ مول ھېسىياتىلىق شئېرلارنى ئىجاد قىلىشىنى چىن كۆڭلۈمدىن ئۈمۈت قىلىمەن ھەم تىلەكداشمەن .
ئەسسالامۇ ئەلەيكۇم ھۆرمەتلىك مۇنبەرداشلار!
ئۆز دىيارىمىز (كۈسەن) دىن يىتىلىپ چىقىۋاتقان ئۆتكۈر پىكىرلىك ياش شائېرىمىز قەيسەر ( قىران ) نىڭ ئىجادىيەت ئىش ئىزلىرىغا بېغىشلانغان ئۇشبۇ رېسالەمنى يېزىشتىن بۇرۇن سەل ئىككلىنىپ قالدىم.چۇنكى بۇ ئاددى ئىش ئەمەس.ئۇنىڭ ئۈستىگە مەن تۇنجى قېتىم ئەسەر يىزىشىم . مۇنبىرىمىزدىكى ھەر-ھەر يازغۇچى، شائېرلار تۇرغان يەردە مەندەك تېخى بۇرتى خەت تارتمىغان، قانات- قۇيرۇقى ئەمدىلا كۆكلەۋاتقان سويمىغا چوڭ سۆزلەشنى كىم قويۇپتۇ؟ ئەمما كونىلار:<خورازمۇ ئۆز بىلگىنىنى چىللايدۇ.>دىگەنغۇ! ئابدۇرېھىم دۆلەت:< ئەسەر يېزىش يالغۇز يازغۇچى-شائىرلارنىڭ ئىشى ئەمەس. سەندە پەقەت نورمال گىراماتىكىلىق جۇملىلەرنى تۇزۇش ئىقتىدارى ۋە ئاز- تولا قابىلىيەت بولسلا قولۇڭغا قەلەم ئېلىىپ يازساڭ بولىۋېرىدۇ>دىگەنىكەن. شۇڭا يازىۋېرەي ھە! لىكىن مېنى تىللاپ كەتمەسلىكىڭلار ئۇچۇن قايتا دەپ قوياي، مەن بۇ كەسىپنىڭ ئەھلى ئەمەس. ئاڭلىدىڭلارمۇ؟؟؟؟!!
شائېر شائېرنىڭ قەلبىدىكىنى چۈشىنىدۇ .ئەمما شائېر ئەمەسلىرىمىز ئۇلارغا مەدەت ئىلھاملارنى بېرىپ ،ئۇلارنىڭ ئەسەرلىرىدىن ئسىتىدىك خوشاللىق ئالالىساق ،ئۇنىڭدىن تەربىيۋى ئەھمىيەتلەرنى ئۆگىنۋالساقمۇ ئەنە شۇ جاپەكەشلىرىمىز ئۆز ئەجرىدىن خۇرسەن بولغان بۇلاتتى .بىزنىڭ ئەلۋەتتە تۇرمىشىمىزغا خوشاللىق ئاتا قىلغان ، قىلۋاتقان ،مىللىتىمىز ئۈچۈن ،جەمىيتىمىز ئۈچۈن باش قاتۇرۇپ ،پۈتۈن ۋۇجۇدىنى بىزلەرنىڭ بەختىيار تۇرمىشىمىزغا ئاتىغان ،ئاتاۋاتقان بۇرۇنقىلارنىڭ ،ھازىرقىلارنىڭ ،كىيىنىكىلەرنىڭ ئىش ئىزلىرىدىن بىلىش ،خەۋەر تېپىش ئارزۇيىمىز بار .
مەن بۇ يەردە شائېرنىڭ تەپسىلى تەرجىمىھالىنى سۆزلەپ يۇرمەيمەن. شۇنداق دەپ ئېيتىشقا بولىدىكى، قەيسەر (قىران) تېخى ئېچىلمىغان ئۆتكۈر پىكىرلىك شائېر .ئۇ خۇشچاقچاقلىقى ،سۆزمەنلىكى ۋە كەمتەرلىكى بىلەن تىزلا ئۆز زامانداشلارى ئارىسىدا كۆزگە چېلىقتى .ئۇ ئۆز ئەسەرلىرىدە خەلقىمىزنىڭ روھىغا يۇشۇرنغان ناچار خاھىشلارنى مەردانىلىك بىلەن كۆرستىپ كەلدى .ئۇنىڭ يازغان كۆپ قىسىم شئېرلىرى مىللەت تەرەقىياتى توغىرىسىتىدۇر .شائېرنىڭ تۇنجى توپلىمى ‹‹قىران روھى›› ئەل ئارىسىدا تارقالغاندىن كىيىن نۇرغۇن دوسلارنىڭ ياقتۇرىشىغا ئېرىشتى . شائىرنىڭ ئانىسى ئىجتىھاتلىق ،كىتاپخۇمار بۇلۇپلا قالماي سەنئەتكە بولغان مۇھەببىتى قىزغىن، شئېر ھەۋەسكارى ئىدى .ئۇ زېرەك ھەم خۇش پئېل چوڭ بۇلىۋاتقان ئوغلىغا دائىم چۆچەك ،ھىكايە داستانلارنى سۆزلەپ بىرەتتى .شۇڭا قەيسەر (قىران) ‹‹مىنىڭ قەلبىمگە ئەدەبىيات ئۇرۇقىنى چاچقان ئانامنى ھەر دائىم ئىپتىخارلىق ۋە مەمنۇنىيەت ئىچىدە ئىسىمدىن بىر مىنىتمۇ چىقارمايمەن .›› دەيتى .
شائېر ھازىر ئۆزىنىڭ ‹‹ۋىسالسىز ئاشىق›› ناملىق توپلىمىنى نەشىرگە تەييارلاش خىزمىتى ئۈستىدە .تۆۋەندە شائېرنىڭ بىر نەچچە پارچە شئېر سۇندۇم :

ساقلىدىم يار سېنى ساقلاۋاتىمەن
قەيسەر قىران

بىر گۈلنىڭ ئىشقىدا بۇلۇپ سەدپارە ،
ئۇزۇندىن بىرى مەن سايراۋاتىمەن .
‹‹تۇيمۇدۇم پەقەتلا،بىلمىدىم› دېمە ،
ساڭىلا كۆز بېقىپ قاراۋاتىمەن .

سەن مېنى مەھلىيا قىلغاندىن بېرى ،
ئۆزۈمنى قەلەندەر چاغلاۋاتىمەن .
ئىقرارمەن سېنىڭدە گۇناھ يوق پەقەت ،
قەلبىمنى كۆيەكتە داغلاۋاتىمەن .

بىلسەممۇ گۈلخاننىڭ كۆيدۈرەرىنى ،
يۈرەكنى شۇ ئوتقا قاقلاۋاتىمەن .
سەن ئۆزۈڭ سۇ قۇيغان ئەشۇ تەشتەكتە ،
ئۆسۈپمەن بىخلىنىپ ،شاخلاۋاتىمەن .

بەرمىسەڭ قۇلۇڭنى بوپتۇ ئۇ مەيلىڭ ،
ئۆزۈمنى مۇشۇنداق ئالداۋاتىمەن ،
ۋە لېكىن قىلىشتىن قىلمىغىن مەھرۇم .
يۈرەكتىن ئازاپنى قوغلاۋاتىمەن .

پىغانلىق ھەسرەتتىن توشسا كۈلدانمۇ ،
ئۈمۈتلۈك كۆزلەرنى باغلاۋاتىمەن .
ئىشىەنگىن سەن ماڭا مەيلى ئىشەنمە ،
ساقلىدىم يار سېنى ساقلاۋاتىمەن .

رۇبائىلار
قەيسەر قىران

رەقىبىڭ قالدۇرسا دىلىڭدا يارا ،
سەۋەردىن سەپكىن سەن ياراڭغا دورا .
بىلسەڭ گەر غەزەپنى يەڭگەن چىن باتۇر ،
ئاچچىقىڭ ئۆزۈڭگە كولايدۇ ئورا .

چېچەن بول ،مۈشكۈلگە قىلغىن بىر ئىلاج ،
قەيسەر بول ،سىناققا بەرگىن سەن بەرداش .
كۆردۈڭمۇ ! دائىملا بۇلۇتلار يېرىپ ،
ھەيۋەتتە نۇر چاچار تەڭداشسىز قۇياش .

ئۆتمىدى بۈگۈن دەپ كېتىسەن قاخشاپ ،
كۈلمەيسەن قىلچىلىك كىتىسەن يېغلاپ .
بىلمەمسەن سەن ئەسلا كەتسىلا بۈگۈن ،
ئەجىلىڭ كېلىدۇ بىر كۈن يېقىنلاپ .