يوقالغان روھ (يالپۇز)

يوقالغان روھ
خاسىيەت ساملاق
يالپۇز



ئىچىۋىلىپ ئىلى داچۇينى ،
قىستۇرۋىلىپ يەتتە بۇرىنى.
سىڭا قىسىق كۆزلەردە شەھۋەت،
ئاپپاق يوتا يۇتۇپ غورورنى .

دىبالاردا بۇلۇپ پادىشاھ ،
ھەر تەرەپتىن ئىزدەيدۇ ئولجا.
قاشنى ئىتىپ ئۇنىڭ بۇنىڭغا ،
نى ئىپپەتلەر پايخاندۇر بۇندا .

نۇزۇگۇم ھەي ئاشۇ سەنەملەر،
زارزار يىغلار ئەركەك قىنى دەپ.
پايخان بولغان يىگىتلىك ئىپپەت،
ئەيدىزنىمۇ قۇچاقلار شۇ تاپ .

ئۆمۇچۇكلەر تۇقۇيدۇ تورنى ،
ئەخلاتخانا بولغان روھىڭدا .
چىۋىنلەرمۇ گىژىلدار شۇنداق،
سىسىمچىلىق تولغان قىنىڭدا.

گۇڭگا چىراق تۇمانلىق دۇنيا،
ئەللىتەي ۋىجداننى ئۇندا .
ئۇخلىماقتا ئوغۇزنىڭ روھى ،
بوزلىماقتا كۆك بۆرە شۇندا .

قالدى ئۇخلاپ قاۋاقتا نۇزۇك،
تولغانماقتا سەنەم بەللىرى .
شەھۋەت ئۇچقان پۇللارغا قۇل بۇپ ،
غۇۋالاشتى زۆھرە كۆزلىرى .

جىنەستىدەك تاتلىق لىۋىڭدىن ،
تۇكۇلمەكتە غىلجىڭ ۋەدىسى .
مەۋھۇملاشقان قۇرۇق روھىڭدا،
ئۇگدىمەكتە قىزلىق ئىپپىتى .

بۇيۇكلۇكتە مۇقەددەس ئىپپەت،
جان بىقىشنىڭ بولدى دەسمىسى.
قىز قەلبىدە تۇنجۇققان روھنىڭ ،
يۇرەكلەرنى ئەزدى نالىسى .

ۋۇجۇدۇڭدا ئوينار ناپاكلىق ،
ھايا نۇمۇس سىلىنسا تەندىن.
ئازغۇن روھلار كەيدى يالىڭاچلىق،
نازۇك تەنلەر يىغلار ئىچىڭدە .

ئاي قۇياشتىن خىجىل بولماقتا،
يوتا مەيدە نۇمۇسچان كىندىك .
ئەمما روھىڭ مەغرۇر ماڭماقتا ،
بۇلغانغاچقا ۋىجدانىڭ لايدەك.

غىرىپلقتا ياتماقتا سويگۇڭ ،
بىخلانمىغاچ ئەقىدە ۋاپا.
ھىجران چۆلىدە ۋىسال ئۇمۇدۇڭ،
چاڭقىماقتا ۋىجدانلىق نىدا.




ئىلتىجا


ئۇسسۇزلىققا بىر قىنىپ كۇلسۇن،
قىزقەلبىدە پارلىغان غورور .
يامغۇرلاردا بىر سەگىپ كەتسۇن ،
قاۋاقلاردا مۇگدىگەن ئويغۇر .

ئىڭرىماقتا نى نى ئىپپەتلەر ،
قان بۇپ ئاققان دەريا لىۋىدە.
سۇنۇلماقتا نىمجان قوللىرى،
ساپ نىكاھقا زارقىپ ئۆتەڭدە.

ئەركەك بولساڭ تاتىۋال ئۇنى ،
قان يىرىڭدە ياتمىسۇن تىنى.
ئۇ ئاناڭنىڭ سىڭلىڭنىڭ روھى،
كۇرۇپ باققىن سۇغرۇپ ۋىجداننى.

ئەركەك بولساڭ سۆكمە قىزلارنى ،
نامىزىڭدا تىلە ئىنساپنى .
ئۇ مىللەتنىڭ ئانىسى جېنى ،
ئۇنىڭ ئۇچۇن ئايىما جاننى .

ئاچچىق تىنىپ يالپۇزۇم يالغۇز،
ئۆستەڭ بۇيىدا ساقلاي يىگىتنى.
چىن سۆيگۇ ھەم ۋاپا،ساداقەت،
ۋەتەن ئۇچۇن جان بىرەر ئەرنى.



ئۇمىد

ئوسمىلارنى سىغىنغان قىشىڭ ،
كۆك ئوسمىدا ئايدەك ئىگىلسۇن.
بوياقلاردا بويالغان چىچىڭ،
يىلىملاردا تۇيۇنۇپ كەتسۇن.

سەھنىلەردە ئوينىغان دوپپا،
باشلىرىمىزغا كىلشىپ قونسۇن،
ئەتلەس شايى يىپەك كىيىملەر،
قىزىل گۇلدەك كۇلۇپ ئىچىلسۇن.

ئويغانماقتا قەلبىڭدە باھار،
ۋىجدان غورور،ۋاپا ساداقەت.
ساپ سۆيگۇدە سۇغرۇلغان قىزلار،
چىن ئىشقىڭغا بىرەر ھارارەت .

ئويغۇر قىزى جاھانننىڭ كۆزى ،
ناز كۇلكىسى تاتلىق خۇيلىرى.
سەھرا ھىدى تۇكۇلسا دىلدىن،
مەھلىيا بۇپ ئويغۇر يىگىتى .

چىچى ئۇزۇن قەلەم قاشلىقنى ،
سىغىنىدۇر ئويغۇر يىگىتىمۇ .
شەرمى ھايا لىۋەن قىزلارغا،
قۇچاق ئىچىپ كۇلەر بەخىتمۇ .




بەخىت


ناغرا سوناي چىلىندى شادىمان ،
قىز يىگىتنىڭ بەختىگە ياڭراپ .
ئۆي-ئۆيلەردە كۇلكىلەر ھامان ،
دۇئالارنى بىرىدۇ كۇلۇپ .

ئاپپاق ساقال گىجىم روماللار ،
سامالارغا چۇشمەكتە شۇتاپ .
ساپ قەلىپتىن بەخىت تۇكۇلەر،
ئامەت بەخىت يار بولسۇنلا دەپ.

كۆك بىدىدە ئىتىلگەن چۆچۇرە،
چىنىلەردە ھورى كۆتۇرۇلسە .
نە ئارمان بار ئۇشبۇ ئالەمدە ،
بەخىت كۇيى ئېيتىلسا ئۆيدە .

ئىككىلەنمە تەقدىردىن زىنھار ،
بۇ يۇرەكلار پاكتۇر تا ئەبەت .
بىر سەن ئۇچۇن يانىدۇ گۇلخان ،
قەلبىڭدىكى ئايالىڭ ھامان .

ھاياجانلىق تاتلىق ھىسلارغا ،
چۇمۇلىدۇ ۋىسال تاپقانلار .
گەر كىچىدە مۇزلاپ قالغاندا ،
ئىلىتىدۇ يىقىملىق نىگار ..



مەنبە :ئۆز قەلىمىم .