تەكلىپ قىلاي باشلىقىم (ئۆگەنگۈچى)

تەكلىپ قىلاي باشلىقىم

(ئۆگەنگۈچى)

ساڭا سۈرۇن راسلىدىم، داخىل بولۇپ كىلىپ كەت،
ياخشى كادىر دەپ قۇيۇپ،ھۇزۇرلۇنۇپ كۈلۇپ كەت،
ئاچاي بىردەم كۆڭلۇڭنى،خاپىلىقنى ئۈنتۇپ كەت،
رەڭلىك سۈرۇن قىلايلى ،قۇشقاچلارنى تۈتۇپ كەت،
ئولتۇر بىر رەت مەن بىلەن،تەكلىپ قىلاي باشلىقىم.

جاپا چىكىپ ئشلەيسەن،كېچە -كۈندۇز ئارام يوق،
پاك ئەمەلدار داڭقىڭ بار، ھالال باريۇ ھارام يوق ،
تاشلاپ كەلدىم ئۆيۇمنى ، خىيالىمدا بالام يوق،
ھايىتلا دىسەڭ تەييارمەن ،سۇرۇنىمدا چالام يوق ،
سنچاي قۇياي قەن بىلەن ، تەكلىپ قىلاي باشلىقىم.

خەلقىم دەپلا كۈيىسەن ،سەن گۇياكى بولۇپ شام،
قۇرۇق گەپكە قۇلاق يوق،تۈسۇپ تۇرار قېلىن تام ،
تەربىلىگەن شاگىرىت كۆپ، ئۇلار ئەمەس ئەمدى خام،
ئېشىپ كەتتى سىنىڭدىن،تەيييار ئېغىز يەيدۇ ھام،
دەرىس بىرىشكە تەييارسەن ،تەكلىپ قىلاي باشلىقىم.

كۆپ ئاسرىغىن ئۆزەڭنى ،ئەلگە كېرەك كادىر سەن،
تۇرسا ھوقوق قۇلۇڭدا ،خېلى ئىشقا قادىر سەن،
چاپارمەنلەر ھەمنەپەس ،ھۆرمىتۇڭ بار سادىر سەن،
پۇتاقلىرىڭ بەكلا كۆپ ،ئەمما لازىم بادىر سەن،
تۇلكىدەك ھەم ھەييارسەن ،تەكلىپ قىلاي باشلىقىم.

پىكاپ مېنىپ يۈرىسەن ،مەن خەلقىنمنىڭ چاكىرى دەپ،
ئىشرەتخاندا ئالدىراش ،ئىشتىن چۇشسەم باكىرى دەپ،
كۆز-كۆز قىلدىنىڭ سەنمۇ ھەم.مەنمۇ باشلىق قاتىرى دەپ،
ئويلاپ ئەلنى -ۋەتەننى ، بولۇپ قالدىم تاقىرى دەپ،
خىزمەت قىلىپ ھارمايسەن، تەكلىپ قىلاي باشلىقىم . 

ئۆگەنگۈم بار مېنىڭمۇ ،سەندەك ياخشى ئىشلەشنى،
مەنمۇ مېڭىپ ئىزىڭدىن ،قوبۇل قىلىپ خىسلەتنى ،
ئۆزەم كۈلۇپ تۇرساممۇ ، ئۇنتالمايمەن كۈلپەتنى ،
دايىم داسقان سالايمەن، چاقىرىپ تۇر ئولپەتنى ،
نەپ يوق يەرگە بارمايسەن،تەكلىپ قىلاي باشلىقىم.

تەكلىپ قىلىپ تاماققا ، ئۇشبۇ نامە يوللۇدۇم،
خاتىرجەم بول باشلىقىم .ھەر چاغ سېنى قوللۇدۇم،
ماختاپ چاۋاك چېلىشقا ، تەييار مېنىڭ قوللۇرۇم،
مەنمۇ ماڭدىم ئەگىشىپ ، لېكىن غۇۋا يوللۇرۇم،
توسقان يولدىن يانمايسەن،تەكلىپ قىلاي باشلىقىم.