سەن ئەمەس --‹‹ ئەھەت مامۇت ››

سەن ئەمەس ،
ياق ئۇ كېچىسى سەن ئەمەس !
قاراڭغۇ كېچىلەرنىڭ بۇرجەكلىرىدىكى قارا چۆمۈلىدەك
ئېزىقىش كوچىسىدا مۆكۈنۈپ ماڭغان ،
تار كوچىنىڭ بۇرۇلۇشىدىكى ئاشۇ جايدا
پەلەمپەي ،
ئىككىنچى قەۋەت ،
يەنە شۇ ھېلىقى مىھمانخانا ...
خەنزۇ خوجايىننىڭ قاپاقىلىرى
كارۋات ،
ئاياغ تېۋىشى ،
دوپپا...
-، نەچچە پۇل ؟
-، ئوتتۇز كوي
-، ئاھ خۇدا!

سەن ئەمەس
ئۇنىڭ چېچى ئوخشايدۇ ساڭا
ئۆرۈملىرى بايا بۇزۇلغان ،
ئۇنىڭ قېشى ئوخشايدۇ ساڭا
ئوسمىلىرى بايا يۇيۇلغان ،
بۇرۇلۇشلىرى ،
ئۇيان بۇيان ئۆرۈلۈشلىرى ،
زىلۋا بويى ، نازۇك پۇتلىرى
مېڭىشلىرى...

سەن ئەمەس
نان تىلەپ جان سېتۋاتقان ،
تاماكىنى قىڭغىر چىشلەپ
قىزغۇچ تۈتەك ئىچىدىكى ئاشۇ بېنادا
روھىڭدەكلا قىڭغىيىپ يېتىپ
سودىلىشۋاتقان ...

سەن ئەمەس
نىمىشقىمۇ چىقتىم كوچىغا ؟!
بىر دوقمۇش ،
دوقمۇشتىن كىيىنكى يەنە بىر دوقمۇش
قىزىل چىراق ،
ئەرزان ياتاق ،
روباشكا ،
ئۇزۇن پاشنا ، خۇنۈك چىراي ...
-، توختاڭە ھاي !
-. نەچچە پۇل ؟
-، ئوتتۇز كوي ....

يېنىمدىلا
ئاڭلاندى دوللارنىڭ شىرىقلاشلىرى
تەڭگىنىڭ ئاۋازى كويچەننىڭ ھېدى
ئارقىدىنلا
( ئاھ ! نۇمۇسنىڭ ئاداققى كۈچى )
يەنە شۇ كارۋاتنىڭ غىچىرلاشلىرى ..
-، بۇلۇڭە چاپسان !
-، ھايۋان !

كېتىپ بارىمەن
سەرگۈزەشتىلىرى يىتكەن ئادەمدەك
ئادەملەر دوللاردەك ئاققان كوچىغا .
قۇلىقىمدا يەنە شۇ ئاۋاز ،
يۈرۈكۈمدە غەيرى دۈپۈرلەش ،
كۆزلىرىمدە يەنە شۇ سۆرەت ...
ئۆركەشلىدى ئەركەكلىك قېنىم
كۆز يېشىمنى يۇتتۇم بىر تېمىم
ئۇيغۇر قىزى ، ئۇيغۇر ئەرلىرى
ھەممىمىزنى كەچۈرسۇن خۇدا!