ئەسسالاممۇ ئەلەيكۇم،كۇچار مۇنبىرىنىڭ ئەزىز ئىشتىراكچىلىرى!!!
ئۆتكەن يىلى مۇنبىرىمىزنىڭ كەيپىياتىنى تېخىمۇ يۇقىرى كۆتۈرۈش بىلەن بىر ۋاقىتتا مۇنبىرىمىزدىكى كۆزگە كۆرۈنگەن باشقۇرغۇچىلار ۋە ئەزالار بىلەن مۇنبىردە سۆھپەت ئېلىپ بېرىپ ئۇلارنى تېخىمۇ ياخشى چۈشۈنۈپ،ئۆز_ئارا تۇنۇشۇپ ئىناق_ئىتىپاقلىقىمىزنى تېخىمۇ ئىلگىرى سۇرۇشنى مەخسەت قىلغان كۇچار سۆھپەت پىروگىراممىسىنى يولغا قويغان ئىدۇق،ھەمدە بىرىنچى سانى ئوڭۇشلۇق مۇنبەرداشلار بىلەن يۈز كۆرۈشكەن ئىدى،تور ئىتىلىش مۇناسىۋىتى ۋە باشقا سەۋەپلەر تۈپەيلىدىن سۆھپەت پىروگىراممىسى توختاپ قالغان.بۈگۈندىن باشلاپ كۇچار سۆھپەت پىروگىراممىسى مۇنبەرداشلار بىلەن داۋاملىق يۈز كۆرىىشدۇ .بۇ يىللىق تۇنجى سان پىروگىراممىزدا مۇنبىرىمىزنىڭ قابىل ،ئىقتىدارلىق باشقۇرغۇچىلاردىن بىرى بولغان مەنزىل ئاكىنى زىيارەت قىلماقچى،مۇنبەرداشلارنىڭ مەنزىل ئاكا بىلەن تۇنۇشقىسى ھەمدە ئۇنىڭ كۆڭۈل سۆزىنى ئاڭلىغۇسى بار بۇلىشى مۇمكىن ،ئۇنداق بولسا سۆھپىتىمىزگە دىققەت.
كۇچار مۇنبىرىدە ھاردىم ،تالدىم دىمەي ئۆزىنىڭ كەسكىنلىكى،ئىقتىدارى ،خوش پېئىللىقى بىلەن مۇنبەردىكىلەرنىڭ قوللىشىغا ئېرىشكەن مۇنبەر مەسئۇللىرىدىن بىرى بولغان مەنزىل ئاكا بىلەن سۆھپەتنى باشلايمىز!!!
يۇپۇرماق: ئەسسالاممۇ ئەلەيكۇم ياخشىمۇسىز؟
مەنزىل: ۋەئەلەيكۇم ئەسسالام ،مەن ياخشى ئۆزىڭىزچۇ؟
يۇپۇرماق: مەنمۇ ناھايىتى ياخشى.مەنزىلكا سۆھپىتىمىزنى باشلاشتىن ئاۋال ،كۇچار مۇنبىرىدىكى قېرىنداشلارغا سالىمىڭىزنى يوللاش بىلەن بىرگە،ئۆزىڭىزنى قىسقىچە تۇنۇشتۇرۇپ ئۆتسىڭىز؟
مەنزىل: ئەسسىلامۇ ئەلەيكۇم كۇچا مۇنبىرىدىكى بارلىق ئەزالار، مەن مەنزىلىدن سىلەرگە ئوتلۇق سالام،مۇشۇ پورسەتتىن پايدىلىنىپ سىلەر بىلەن تېخىمۇ ياخشى تۇنۇشۇش،چۇشۇنۇش پورسىتىگە ئىگە بولغىنىمدىن تولىمۇ خوشالمەن،شۇنداقلا يۇپۇرماق خانقىزگە ئالاھىدە رەخمەت ئېيتىمەن.
مەنزىل ئاكا بىلەن قىسقىچە تۇنۇشۇپ چىقايلى:
مۇنبەردىكى باش سۆرىتى
ئىسمى: ئابدۇراخمان ئېزىز.
مۇنبەردىكى ئىسمى: مەنزىل.
يۇرتى: كۇچا ناھىيىسى.
خىزمەت ئورنى: كۇسەن ئۇرۇقچىلىق شىركىتى .
كەسپى: دىخانچىلىق تېخنىكا كادىرى.
قىزىقىشى: كىتاپ ئۇقۇش، ساياھەت قىلىش،
ئالاھىدىلىگى: خۇش چاقچاق،يۇمۇرىستىك،دوس تۇتۇشقا ئامراق.
كەمچىلىگى: سەل چوڭ مىجەز،ئالدىراقسان،مۇشۇنچىلىك دەپ تۇرايمىكىن، دەۋەرسەم چقىۋەرگۇدەك قالغىنى سىلەردىن ئاڭلاي،نۇقسانسز ئادەم يوق بۇ جاھاندا...
يۇپۇرماق: ئەمدى سۆھپىتىمىزنى باشلاپ كەتسەك ،مەنزىلكا سىز كۇچار مۇنبىرىگە نېمە سەۋەپ بىلەن ئەزا بولغان ئىدىڭىز؟ئەزا بولغىلى قانچىلىك ۋاقىت بولدى؟
مەنزىل: مىنىڭ تۇنجى تورغا چىققان ۋاقتىم2006-يىلى بولسا كېرەك، شۇ ۋاقىتتا مەن ئەڭ ئاۋال قىزىققان ئىشىم توردىن يىڭى ناخشا ئاڭلاش بولدى، چۇنكى توردا باشقا تەشۋىقات ۋاستىلىرىغا قارىغاندا،يىڭى ناخشا-مۇزىكىلارنى ئاۋال ئاڭلاشقا مۇيەسسەر بۇلىدىغان ئىشكەن، ئوزەممۇ كىچىگىمدىنلا ناخشا تىڭشاشقا ئامراق ئىدىم،كىيىنچە چ چ دىن ئىبارەت مۇنداق ئىقتىدارلىق سوزلىشىش قورالنىڭ ۋاستىسى بىلەن تور دۇنياسىغا ئىچكىرلەپ كىرىشكە باشلىدىم، تور دۇنياسىنىڭ ھەقىقەتەن چوڭ ئىكەنلىگىنى ھىس قىلىپ يەتتىم.بۇنىڭدىن نۇرغۇن بىلىملەرنى ئوگىنىۋالدىم،خىزمىتىمگىمۇ زۇر ياردىمى بولدى.شۇ تەرەققىسىدە مۇنبىرىمىزنىڭ ئالى باشقۇرغۇچىسى يۇلتۇز خانقىزنىڭ تەۋسىيىسى بىلەن مۇنبەردىن ئىبارەت بۇ مۇنازىرە سەھنىسىگە قەدەم باستىم،مەن ئىلگرى مۇنبەرنىڭ نىمە ئىكەنلىگىنىمۇ بىلمەيتىم، مەن يۇلتۇز خانقىزنىڭ تەۋسىيىسى بىلەن 2008-يىلى ئەڭ دەسلەپتە بۇ مۇنبەرگە ئەزا بۇلۇپ كىردىم، تۇنجى بۇلۇپ ئۇقىغان تېما يۇلتۇزنىڭ( ئاخىرقى تىنىق) ناملىق ھىكايىسىدىن باشلاندى، بۇ ئەسەرنى ئۇقۇپ بۇلۇپ شۇنداق تەسىرلەندىم ،شۇ ۋاقىتتىكى ھىسياتىمنى تەسۋىرلەپ بىرەلمەيمەن، بۇ ھىكاينىڭ ۋەقەلىگى چىن بۇلۇپ، ماڭا بەك تەسىر قىلغان، ھەتتا كوزۇمدىن ياشمۇ چىقىپ كەتكەنلىگىنى سەزمەي قاپتىكەنمەن. شۇ كۇندىن باشلاپ مىنىڭ مۇنبەرچىلىك ھاياتىم باشلاندى،شۇنىڭ بىلەن باشقا مۇنبەرلەرگىمۇ ئەزا بۇلۇپ مۇنبەر زىيارەت قىلىشقا باشلىدىم،بۇ ئارلىقتا كۇچا مۇنبىرىگە ئالاھىدە مىھرىم چۇشتى،ئەمما مۇنبەر مىنى يەكىلىگەندەك بىر قانچە قېتىم ئەزا بوپ بولدۇم، ھەر قېتىم ئەزا بولۇپ،قايتا كىرسەملا مۇنداق ئەزا مەۋجۇت ئەمەس دەپ چىقۋالىدۇ،ياكى يوللىغان تېمىلىرىم يوقاپ كىتىدۇ،شۇ خاپىلىقتا مۇنبەر دىگەن مۇشۇلامىدى، باشقا مۇنبەرگە كىرسەملە بولمىدىمۇ دەپ يامانلاپمۇ باقتىم، يەنىلا كۇچا مۇنبىرى مىنى ئوزىگە جەلىپ قىلۋالدى،ئاخىرى بۇ مۇنبەرنى تاللىدىم،كىيىن بىلسەم مۇنبەر سېستىمىسىنىڭ خاتالىغى سەۋەبىدىن بولغان ئىشلار ئىكەن، بۇ ئىشنى بىلمەي مەن مۇنبىىرىمىزىڭ كونا ئەزاسى گۇلۇم بىلەنمۇ نەچچە قېتىم سۇقۇشۇپ كىتىپتىكەنمەن گەپنى يىغنىچاقلسام، بۇ مۇنبەرگە كىرىشىمگە يۇلتۇز خانقىز ئاساسلىق سەۋەپ بولغان،ئەمما ئۇ ھازىر مىنى باشلاپ قۇيۇپ جاپاغا مىنى قۇيۇپ ئوزى كەم دىدار بولۋالدىغان بوپ قالدى .
يۇپۇرماق: يۇلتۇزنىڭ ``ئاخىرقى تىنىق``ناملىق ھېكايىسى، ھەممە مۇنبەرداشنى ئۆزگە جەلىپ قىلغان بولىشى مۇمكىن،مەنمۇ ئۇ ھېكايىنى ئوقۇش جەريانىدا تەسۋىرلەپ بەرگۈسىز ھېسىياتقا كەلگەن ئىدىم،مەن ۋە سىزلا ئەمەس بەلكى مۇشۇ تېمىنى ئوقۇغۇن ھەر بىر مۇنبەردېشىمىز بۇ ھېكايىنى ھازىرغىچە ئۇنتۇپ قالمىدى دەپ ئويلايمەن. گۈلۈم ھەدەمنى تىلغا ئېلىشىڭىز بىلەن مۇنبىرىمىزنىڭ بۇرۇنقى ئاساسلىق ئەزالىرىدىن كۈسەنى،تۈنپەرى،ئىشەنچ قاتارلىق ئەزالارنى سېغىنغانلىقىمنى ھېس قىلىۋاتىمەن ،مۇشۇ پۇرسەت بىلەن گۈلۈم ھەدىمىزنىڭ ھەمدە باشقا كونا مۇنبەرداشلارنىڭ مۇنبەرگە تىزرەك قايتىپ كېلىشىنى ئۈمۈد قىلىمەن.ئۇلارنىڭ سىزنى مۇنبەرگە باشلاپ قويۇپلا،سىزنى جاپاغا قالدۇرۇپ قويغانلىقىدىن ئۇلارغا نىسپەتەن ئاچچىقىڭىز بارمۇ قانداق؟
مەنزىل: سىز دىگەندەك گۇلۇم ،ۋە باشقا كونا ئەزالارنى بىزمۇ سېغىندۇق ئەمدە ئۇلارنىڭ تىزرەك مۇنبەرگە قايتىپ كېلىشىنىى ئۈمۈد قىلىمەن.ئۇلارنىڭ ئىجادىي تېمىلىرى مەندە ،تور دۇنياسىدا ئالاھىدە ياخشى تەسىر قالدۇرغان ئىدى. يۇلتۇز خانقىز پات -پات كىرىپ تۇرۋاتىدۇ، لىكىن بۇرۇنىقىدەك ئەسەر يوللاپ بولالمايۋاتىدۇ، مۇنداق دىيىش ئارقىلىق يۇلتۇز خانقىزدىن رەنجىگىنىم ئەمەس، بەلكى تا ھازىرغۇچە ھورمىتىمنى بىلدۇرۇپ قويماقچى. بەلكىم يۇلتۇز خانقىز ۋە باشقا كونا_يېڭى مۇنبەرداشلارنىڭ خىزمەت ئالدىراشچىلىغى ۋە ياكى باشقا سەۋەپلەر بىلەن مۇنبەرگە بۇرۇنقىدەك كىرىپ ،كۇڭۇل بۇلۇپ بولالمىغانلىغى مۇمكىن، ئىشىنىمەنكى يۇلتۇز خانقىز ۋە باشقا كونا _يېڭى مۇنبەرداشلار چۇقۇم بۇ ئانا دىيارىمىزدا قۇرۇلغان مۇنبىىرمىزنى چۇقۇم ئۇنتۇپ قالمايدۇ..
مىنىڭ (مۇنبەرگە مىنى باشلاپ جاپاغا قۇيدى) بۇ سوزىم ئارقىلىق بۇلارغا بولغان سېغىنىش، ھورمىتىمنى ئىپادىلەشنى مەقسەت قىلغان، ئىشىنىمەنكى گۇلۇم ھەم باشقا كونا مۇنبەرداشلار چۇقۇم مۇنبىرىمزىگە قايتىپ كىلىپ مۇنبەر ئۇچۇن چۇقۇم كوچ چىقىرىدۇ، مەنمۇ ئۇلارنى ساقلىغاچ ئوز ۋەزىپەمنى ياخشى ئۇرۇنلاشقا تىرىشىمەن.
يۇپۇرماق: مىنىڭ بىلىشىمچە سىزنىڭ مۇنبەر باشلىقلىق ۋەزىپىسىنى ئۈتەپ كېلىۋاتقانلىقىڭىزغا خېلى ۋاقىت بولۇپ قالدىغۇ دەيمەن،باشلىق بولماق بىر خىل تەس ئىش ئەلۋەتتە. مۇنبەرباشلىقى بولۇش جەريانىدە قىيىنچىلىقلارغا ئۇچرىدىڭىزمۇ ؟ئۇچرىغان بولسىڭىز قانداق ھەل قىلدىڭىز ؟
مەنزىل: مەن مۇنبەرگە دەسلەپكى كىرگەن چاغلىرىمدا كوپ نەرسىلەرنى بىلىپ كەتمەيتىم، كىيىنچە يۇلتۇز، ئىشەنىچ، گۇلۇم قاتارلىق مۇنبەر باشقۇرغۇچىلىرىنىڭ ياردىمىدە كوپ بىلىملەرنى ئوگىنىۋالدىم، كومپۇيۇتۇرنى ئېچىپ بىرىنىچى قىلىدىغان ئىشىم كۇچار مۇنبىرىگە كىرىش بولدى، مۇنبەرگە شۇنداق بىرىلىپ كىتىپتىمەنكى تاماق يىيىشنىمۇ ئۇنتۇپ قالىمەن، ئويدىكىلەر خاپا بوپ تېخى مەندىن نىمە قىلۋاتىسەن، مائاش بىرىدىغان ئىشمۇ بۇ دەپ سوراپمۇ كەتتى،كىيىنچە مۇنبەردە خېلى كوزگە كۇرۇنۇپ قالغان بولسام كېرەك،گۇلۇم بىر كۇنى مىنىڭ باشقۇرغۇچىلىق ۋەزىپىسىنى ئوتەپ بېقىشىمنى دەۋەت قىلىپ، بۇ ۋەزىپىنى بەردى،دەسلەپتە شۇنداق جىددىلەشتىم، خاتا قىلىپ ياكى قىلالماي باشقىلارنىڭ كولكىسگە قالارمەنمۇ دەپ ئەنسىردىم، كىيىنچە كۇنۇپمۇ كەتتىم ،شۇنىڭ بىلەن مىنىڭ مۇنبەردە بۇلىدىغان ۋاقتىم ھەسسىلەپ كوپەيدى، بۇ ئىشمۇ ئاسان ئەمەسكەن، بەزىدە ئەزالانىڭ تىل ھاقارىتىگىمۇ ئوچىردىم،لىكىن بۇ ئىش مۇنبەرگە بولغان قىزىقىشىنى سوۋۇتالمىدى....كىيىنچە مۇنبەر باشلىغى بولدۇم ،بۇنىڭ بىلەن مىنىڭ ۋەزىپەم تېخىمۇ ئېغىرلاشقاندەك ھىس قىلدىم،شۇنىڭ بىلەن تېخىمۇ مۇنبەر تەرەققىياتى ئۇچۇن ئىزدىنىشكە كىرىشتىم،مۇنبەر باشلىقلىق ۋەزىپىسى-ئالى باشقۇرغۇچىغا قارىغاندا مەسئۇلىيىتى ئېغىر،تېخىمۇ جاپالىق ئىشكەن،ھەممە ئەزالانىڭ دىققىتى مۇنبەر مەسئۇللىرىغا تىكىلىپ تۇرىدىكەن، بۇنى ھىس قىلىپ يەتكەندىن كىيىن، مەشغۇلاتىمغا ئالاھىدە دىققەت قىلىشقا تىرىشتىم،ئىزدەندىم، ئامال ئىجادى تېما يوللاشقا تىرىشتىم،مۇنبەر تەرەققىياتى ئۇچۇن يالغۇز ئەپەندى ۋە قاپلان ئەپەندىم بىلەن پات -پات پىكىر ئالماشتۇرۇپ بىلمىگەن يەرلەرنى ئوگەندىم،2009-يىلى5-ئاينىڭ3-كۇنى مۇنبەر مەسئۇللىرىنىڭ ئۇرۇنلاشتۇرۇشى، ئەزالارنىڭ كۇچلۇك تەلۋىگە ئاساسەن مۇنبەر يىغىلىشىنى مۇۋەقپىيەتلىك ئوتكۇزدۇق.بۇ يىغىلىشتا نۇرغۇن دوسلار بىلەن تۇنۇشتۇم.شۇنىڭ بىلەن بۇ ۋەزىپىنى تېخىمۇ ياخشى ئىشلەش قارارىغا كىلىپ تا بۇگۇنكىچە بۇ ۋەزىپىنى ئوتەپ كىلۋاتىمەن.لىكىن بۇ ۋەزىپىنى ياخشى ئادا قىلىپ كىتەلىدىم دىيەلمەيمەن، كوپچىلىكنىڭ ماڭا بولغان قانداق پىكرى بولسا ئىنكاس شەكلى ياكى باشقا ئۇسۇل ئارقىلىق پىكىر بىرىشنى ئۇمۇت قىلىمەن.
يۇپۇرماق: مەنمۇ بىرىنچى قېتىم باشقۇرغۇچىلىق ۋەزىپىسىنى ئۆز ئۈستىگە ئالغاندا بىرخىل قورقۇش ،ئەنسىرەش،جىدىلىشىش بولغان ئىدى ،تېخى مەندىلا شۇنداق ئالامەت كۆرۈلسە كېرەك دەپ ئويلاپتىكەنمەن،شۇنىڭغا قارىغاندا سىزدىمۇ مۇشۇنداق ئالامەتلەر كۆرۈلگەنگە قارىغاندا ،ھەممە باشقۇرغۇچىلار بىرىنچى قېتىم باشقۇرغۇچىلىق ۋەزىپىسىنى ئۆز ئۈستىگە ئالغاندا بىزگە ئوخشاشلا ئالامەتلەر كۆرىلسە كېرەك.باشقا باشقۇرغۇچىلاردىنمۇ سوراپ باققىم كېلىۋاتىدۇ،سىلەردىنمۇ مۇشۇنداق پىسخىك ئالامەتلىرى كۆرۈلگەنمۇ؟؟؟؟
باشلىقلىق ۋەزىپىسىنى ئۆتەۋاتقان ۋاقىتلىرىڭىزدا ئاز بولمىغان قىيىنچىلىقلارغا يولۇقۇپسىز ،مۇشۇنداق چاغلىرىڭىزدا مۇنبەردىن زىرىككەن ،كۆڭلىڭىز سويىغان ،مۇنبەرگە كىرمەسلىكنى ئويلىغان ۋاقىتلىرىڭىزمۇ بولغانمۇ؟
مەنزىل: مەن مۇنبەر باشلقى ۋەزىپىسىنى ئوتىگەندىن كىيىن بەزى بىر كومپۇيۇتۇر تېخنىكا مەسلىسىگە دۇچ كەلدىم، ئارقا باشقۇرۇش رايۇنى مەن ئۇچۇن ناتۇنۇش بولغاچقا بەزىدە خاتا مەشغۇلات قىلىپ قۇيۇپ ئوزگەرتەلمەي يالغۇز0997 گە ئاۋارىچىلىق تېپىپ بىرىپ نىمىمۇ قىلاتىم بۇ ئىشىنى قىلىمەن دەپ ئىشىم يوق ئادەممۇ مەن دەپ ئويلاپ كەتكەن يەرلىرممۇ بولغان،كىيىن ئاستا-ئاستا بۇ ئىشقىمۇ كۇنۇپ كەتتىم،كوڭلۇمدىكىنى ئېيىتسام،مۇنبەرگە كىرسەملا سائەت-سائەتلەپ ئولتۇرۇپ كىتىمەن ،شۇ سەۋەپدىن ئائىلە ئەزالىرىمنىڭ ماڭا پىكرى چىقتى،شۇنداق چاغلاردا ئوز -ئۇزەمگە سۇئالمۇ قۇيۇپ باقتىم،بوش ۋاقتىمنىڭ كوپ قىسىمى مۇشۇ مۇنبەر بىلەن بوپ كىتۋاتىدۇ،توغرا قىلمىدىممۇ نىمە دىگەن خىيالنىمۇ قىلىپ باقتىم،ئامال بار ۋاقىتىنى توغرا تەڭشەشكە تىرىشتىم، بەزىدە شۇنداق جىددى ئىشىم بوپ قالسىمۇ، مۇنبەرگە كىرىپ قالساملا بۇ ئىشلارنى ئۇنتۇپ كىتىپ، ئوزەمگە گەپ كەلتۇرۇپ قويۇپ باشقىلار ئالدىدا خىجىلغا قالغان يەرلىرىممۇ بولدى،مۇشۇنداق ۋاقىتلاردا ئوز ئوزەمنى تەنقىتلەپ، قايسى ئىىش مۇھىم ماڭا دەپ ئوزمگە ئاچچىقلانغان ۋاقىتلىرىممۇ بولدى..ئاخىرىدا يەنىلا كۇنگەن يامانكەن، بوش ۋاقتىم بولسىلا مۇنبەرگە كىرىۋىلىپ ئوز ۋەزىپەمنى ئادا قىلىشقا تىرىشىپ يۇرۇپتىمەن.
يۇپۇرماق: مەنچە تىرىشچانلىقىڭىز بىكارغا كەتمىدى دەپ ئويلايمەن ،چۈنكى بىر ئىشنى باشلىغانكەنمىز چوقۇم ئۇنى ۋۇجۇتقا ئاچىقىشىمىز ،ياخشى بىرتەرەپ قىلىشىمىز ،باشقىلارنىڭ بىزدىن كۈتكەن ئۈمۈدىنى يەردە قويماسلىقىمىز كېرەك ،سىز مۇشۇنداق قىلالىدىڭىز دەپ قارايمەن،مەنلا ئەمەس مۇنبەردىكى باشقا مۇنبەرداشلارمۇ سىزنىڭ تىرىشچانلىقىڭىزنى،كەسكىنلىكىڭىزنى،ئىقتىدارىڭىزنى ئىتراپ قىلالماي تۇرالمايدۇ ئەلۋەتتە.
ئەمدى سىزدىن سوراپ باقسام سىز مۇنبەرگە ئەزا بولغاندىن باشلاپ سىز ئەڭ ياقتۇرۇپ كېلىۋاتقان سەيىپە قايسى؟نېمە ئۈچۈن؟
مەنزىل: مىنىڭ مۇنبەردە ئەڭ ياقتۇردىغان سەھىپە-كۇڭۇلدىكى سوز سەھىپىسى،ئەڭ ياقتۇرىدىغان تېما-مۇنازىرە قۇزغايدىغان تېمىلار ئىدى، ئۇزەممۇ تېما يوللىسام مۇنازىرە خارەكتىرىدىكى تېمىلارنى يوللاشقا تىرىشىمەن،ئەپسۇس، مۇنبىرىمىزدە بۇ تىپتىكى تېمىلار بەكمۇ ئاز، مۇنداق تېمىلار ئارقىلىق مۇنازىرە ئېلىپ بېرىلىپ، مەلۇم بىلىمگە، شۇنداقلا ئەزالارنىڭ بىر بىرنى چۇشۇنىشىنى ئىلگىرى سۇرۇپ، مۇنبىرىمزىنىڭ جەلىپكارلىغىنى ئاشۇرۇشقا تېخىمۇ پايدىسى بولاتتى.
يۇپۇرماق: دىگىنىڭىز كەلسۇن ،مەنچە بۇنىڭدىن كېيىن مۇشۇ سەھىپە سىز ئويلىغاندەك مۇنبىرىمىزنىڭ جەلىپكلارلىقىنى ئاشۇردىغان سەيىپىلەرنىڭ بىرى بوپ قالدىغانلىقىغا ئىشىنىمەن.
ئۆتكەن يىللىق مۇنبەر يىغىلىشى ئۆتكۈزگىلىمۇ بىر يىلدىن ئېشىپ قاپتۇ،ھەر بىر قېتىم ئۆتكەن قېتىملىق مۇنبەر يىغىلىشنىڭ ئىسمى چىقسىلا،يېڭى مۇنبەردىكى ئەزالار 2010 يىللىق مۇنبەر يىغىلىشى قىلىش توغرىسىدا قىزغىن مەسلىھەتلىشىپ كىتىدۇ ،شۇڭا سىزدىن سوراپ باقسام بۇ يىللىق يەنى 2010_يىللىق مۇنبەر يىغىلىشى قىلىشنى ئويلۇشۇپ باقتىڭلارمۇ؟؟؟بۇنى مۇنبەردىكىلەرنىڭ ھەممىسىنىڭ بىلگىسى بارغۇ دەيمەن ؟
مەنزىل: بىز مۇنبەر مەسئۇللىرى مەسلىھەتلىشىپ، بۇ يىل ئوكتەبىر بايرىمىدا مۇنبەر يىغىلىشى قىلىشنى ئويلاشقان ئىدۇق، ئەپسۇس ئويدىكى ھىساپ تالاغا توغرا كەلمەپتۇ دىگەندەك قاپلانكام ۋە مىنىڭ ئائىلەمدە كىسەل داۋالىتىش سەۋەبى بىلەن ھەر ئىككىمىز سىرىتتا بوپ قېلىپ بۇ ئىش روياپقا چىقماي قالدى،بۇ يىلمۇ ئاخىرلشاي دەپ قالدى، شۇنداقلا ئۇزۇنراق دەم ئالغۇدەك پورسەتمۇ يوقكەن، تىنىمىز ئامان بولسىلا 2011 يىلى مۇنبەر قۇرۇلغانلىغىنى4 يىللىغىنى تەبرىكىلىگەش يىغىلىش ئىشىنى ئۇرۇنلاشتۇرارمىز...ئەزالارنىڭ بىزنى قوللاپ تۇرغانلىغىغا رەھمەت..
شۇ تاپتا ئەزالاردىن مۇنبەر يىغىلىشنىڭ قانداق ئەھمىيىتى بار؟ بۇ ئىشنىڭ پايدىلىق -پايدىسىز تەرەپلىرىمۇ بارمۇ شۇنى سوراپ كورمەكچىمەن....
ھەممە ئادەمنىڭ كوز قارىىشى ئوخشاش بولمايدۇ، مۇنبەر يىغىلىش توغرىسىدا ئوخشاش بولمىغان كوز قاراش، پىكىرلەر مەۋجۇت ...مەن بۇ ئارقىلىق ئەزالارنىڭ كوز قاراشلىرىنى، پىكىر-تەلەپلىرىنى بىلىپ باقماقچىمەن، ھەرگىزمۇ كوپچىلىكنىڭ قىزغىنلىغىغا سوغاق سۇ سىپىش خىيالىم يوق، كوچ- بىرلىكتە ، ئىش ئوملۇكتە، كوپچىلىك بىللە قارار قىلغان ئىش تېخىمۇ خەيىرلىك بۇلىدۇ....كوپچلىكنىڭ ئەركىن -ئازادە پىكىر قاتناشتۇرۇشىنى ئومۇت قىلىمەن..
يۇپۇرماق: توغرا دەيسىز ھەممە ئادەمنىڭ كۆز قارشى ئوخشاش بولمايدۇ،مەنچە بولغاندا مۇنبەر يىغىلىشىنىڭ ئەھمىيىتى ئىنتايىن چوڭ،مۇنبەر قۇرۇلغاندىن بىرى مۇشۇ سورۇندا ئەركىن ئازادە پىكىرلىشىپ ،كۈلكە_چاقچاقلىشىپ كېلىۋاتىمىز،بەزى چاغلارداچۈشنىشمەسلىك سەۋەبى تۈپەيلى بىر_بىرىمىزنىڭ دىلىغا ئازار بېرىپ قويغا بولساقمۇ لېكىن مۇنبەردىكى دوستلىقىمىز يەنىلا ئۈزۈلۈپ قالغىنى يوق.مانا دوستلۇقىمىزنى تېخىمۇ چىڭىتىش ،بىر_بىرىمىزنى تېخىمۇ چۈشىنىش ،مۇنبەرنىڭ كەلگۈسىنىڭ تېخىمۇ ياخشى بولىشى ئۈچۈن مۇنبەر يىغىلىشى تۈرتكىلىك رول ئوينايدۇ دەپ قارايمەن.سىلەرچىچۇ؟؟؟؟؟؟مەنزىلكام ئوتتۇرغا قويغاندەك مۇنبەر يىغىلىشىنىڭ قانداق ئەھمىيىتى بار؟پايدىلىق _پايدىسىز تەرەپلىرى بولسا ئېنىق ئوتتۇرغا قويۇپ بېقىڭلار ....مەنزىلكامنىڭ بىزدىن سورىغان سۇئاللىرىنىڭ جاۋاپسىز قالماسلىقىنى ئۈمۈد قىلىمەن.
ئاخىردا مۇنبەردىكىلەرگە دەيدىغان يۈرەك سۆزلىرىڭىز بولسا ئاڭلاپ باقساق؟
مەنزىل: 1.قانۇنغا خىلاپ ھەر قانداق تېما، ئىنكاسلارنى يوللىمىساق، مۇنداق ئەھۋاللارنى سەزگەن ھامان ۋاقتىدا ئىنكاس قىلساق،
2. تېما يوللىغاندا ساننى ئاساس قىلماي،ئەسەر مەزمۇنىنغا تېخىمۇ ئەھمىيەت بەرسەك،
3.باشقىلارنىڭ ئەمگىگىنى ھورمەت قىلساق،تېما يوللىغاندا مەنبەسىنى ئەسكەرتىشنى ئۇنۇتمىساق،
4.يوللانغان تېمىلارغا بۇلۇپمۇ ئىجادى تېمىلارغا قايىل قىلارلىق ئىنكاس يىزىشقا ئەھمىيەت بەرسەك،تېما يوللىماقمۇ ئاسان ئەمەس، يوللانغان تېما ئىنكاسسىز قالمىسا،تېما يوللۇغۇچىلارنى يېقىندىن قوللاپ تۇرساق، بولسا ئەزالىرىمىزدىن بىر قانچە ئوبزورچى چىقسا تېخىمۇ ياخشى بولاتتى،
5.كۇچا مۇنبرىنى قورغان ئىكەنمىز، ھەممىز بۇنى چوڭ بىر ئائىلىمىز دەپ قاراپ تېخىمۇ ئىناق -ئىتپاق ئۇتۇپ(مەن باشقىلاردىن مۇنبىرىڭلاردىكى ئەزالار كوپ بولمىغىنى بىلەن بەك ئىناق ئۇتىدىكەنسىلەر دىگەن گەپنى ئاڭلاپ بەكمۇ خوش بولغان ئىدىم) مۇنبىرىمىزنى داڭلىق مۇنازىرە سەھنىسىگە ئايلاندۇرۇپ،ئويغۇر تور ئەدەبىياتىمىزغا ئازراق بولسىمۇ ھەسسە قۇشۇپ، مۇنبىىرمىزنى بىلىم ماكانىغا ئايلاندۇرۇشقا بىرلىكتە كۇچ چىقارساق...
مەنمۇ مۇنبەر مەسئۇللىرىغا يېقىدىن ماسلىشىپ،سەھىپىلەرنى ئاۋۇتۇپ،مۇكاپاتلىق ئىجادى ئەسەر پائالىيىتىنى يولغا قۇيۇپ ئەزالارنىڭ قىزغىنلىغىنى ئاشۇرۇپ،مۇنبەر ئۇچۇن،ئويغۇر تور ئەدەبىياتىنىڭ تەرەققىياتى ئۇچۇن بىر كىشلىك ھەسسەمنى قوشسام دەپ ئويلايمەن..
ئاخىرىدا ھەممىڭلارنىڭ تىنىگە سالامەتلىك،خىزمىتىڭلارغا ئۇتۇقلۇق،تۇرمۇشىڭلارغا بەرىكەت-بەخىت تىلەيمەن....كوپچىلككە رەھمەت...
دىيارىمىز كۇچار بىزگە قۇچاق ئاچار.....
كۇچا مۇنبىرى-ھەممىزنىڭ ئىللىق چوڭ ئائىلىسى....
يۇپۇرماق: سىزنىڭمۇ بۇنىڭدىن كېيىنكى ھايات مۇساپىڭىزدىكى قەدەملىرىڭىزدە سىزگە سالامەتلىك ،ئۇزۇن ئۆمۈر ،بەخىت_تەلەي تىلەيمەن . قىممەتلىك ۋاقتىڭىزنى چىقىرىپ،سۆھپىتىمىزنى قۇبۇل قىلغانلىقىڭىزغا رەخمەت.
مەنزىل: سىزگىمۇ رەخمەت سىڭلىم.
يۇقۇردا مۇنبىرىمىزنىڭ مەسئۇللىرىدىن بىرسى بولغان مەنزىل ئاكىنىڭ يۈرەك سۆزلىرىنى ئاڭلاپ چىقتۇق،ئەزالارنىڭ مەنزىل ئاكىنىڭ كۈتكەن ئۈمىدىنى يەردە قويماسلىقىنى ئۈمۈد قىلىمەن.بۇ قېتىمقى كۇچار مۇنبىرى سۆھبەر پىراگگىراممىز ئىككىنچى سانى مۇشۇ يەردە ئاياقلاشتى. كىيىنكى قېتىملىق سانىدا يەنە كىم بىلەن سۆھبەت ئېلىپ باردىغانلىقىمىزغا قىزىقامسىز ؟
ئۇنداقتا دىققىتىڭىز داۋاملىق مۇشۇ پىراگگىراممىنىڭ داۋامىدا بولسۇن ....
سۆھپەت زىيارەتچىسى: مۇنبەر باشقۇرغۇچىسى: يۇپۇرماق.
تەھرىرلىگۈچى :مۇنبەر باشقۇرغۇچىسى: مەنزىل، يۇپۇرماق.
سوھپەت نازارەتچىسى:مۇنبەر قۇرغۇچىسى: قاپلان.
رەسىم لاھىلىگۈچى:مۇنبەر باشقۇرغۇچىسى: زەرخۇش.
پائالىيەت ئېلىپ بېرىلغان ئۇرۇن : كۇچارمۇنبىرى.
سۆھپەت ئېلىپ بېرىلغان ۋاقىت : 2010_ يىل 10_ ئاينىڭ 28 _كۈنى.
| 
قوللاش
كۇچاتەڭگىسى
يوللانغان ۋاقتى 2010-10-29 12:33
يوللانغان ۋاقتى 2010-10-29 15:47
يوللانغان ۋاقتى 2010-10-29 16:13
