جان مۈردالنىڭ شىنجاڭدىكى ساياھىتى [ئادىرسىنى كۇچۇرۇش]

1970-يىللارنىڭ ئوتتۇرىلىرىدا ،مەملىكىتىمىزنىڭ چېگرالىرى ئاساسىي جەھەتتىن تاشقى دۇنياغا پۈتۈنلەي تاقىلىپ، «مەدەنىيەت ئىنقىلابى» نىڭ ئاخىرقى مالىمانلىرى تېخىچە داۋام قىلماقتا ئىدى.مەملىكىتىمىزدىكى ئەڭ سەزگۈر چېگرا رايون ھېسابلانغان شىزاڭ بىلەن شىنجاڭ ئۇيغۇر ئاپتونوم رايونىغا چەتئەللىكلەرنىڭ، بولۇپمۇ غەربلىك مۇخبىرلارنىڭ كىرىشى قاتتىق چەكلەنگەن ئىدى. ئەنە ئاشۇ پەۋقۇلئاددە شارائىتتا شۋېتسىيىلىك ماۋ ئىدىيەسىنى ياقلايدىغان يازغۇچى جان مۈردال ئايالى گۇن كېسلې بىلەن بىرلىكتە مەملىكىتىمىز تاشقى ئىشلار مىنىستىرلىقىنىڭ ئالاھىدە رۇخسەت خېتىنى ئېلىپ قونجىراپ ئېغىزى ئارقىلىق شىنجاڭ ئۇيغۇر ئاپتۇنۇم رايونىغا كىرىپ كېلىدۇ. ئۇلار 1976-يىلىنىڭ ياز ئايلىرىدا تاشقورغان ئارقىلىق قەشقەرگە كېلىپ ئۇ يەردىن شىنجاڭ ئۇيغۇر ئاپتونوم رايونىنىڭ ھەممە جايلىرىنى دېگۈدەك ئايلىنىپ چىقىدۇ ھەمدە شۇ ۋاقىتتىكى سىياسىي ۋە ئىجتىمائىي ئەھۋاللاردىن خاتىرە قالدۇرىدۇ. ھەتتا سوۋېت ئىتتىپاقى بىلەن جىددىي ئۇرۇش ھالىتىگە ئۆتكەن سەزگۈر رايون ئىلىغا بېرىپ تەكشۈرىدۇ، ئاندىن ئۈرۈمچى ئارقىلىق گەنسۇ ئۆلكىسىنى كېسىپ ئۆتۈپ ئىچكى ئۆلكىلەرگە بارىدۇ. 1976-يىلى سېنتەبىردە چىڭداۋدا تۇرۇپ ماۋ زېدوڭنىڭ ئۆلگەنلىك خەۋىرىنى ئاڭلايدۇ ھەمدە مەخسۇس بېيجىڭغا بېرىپ ماۋ زېدوڭغا تەزىيە بىلدۈرىدۇ.

ئۇنداقتا، جان مۈردال كىم؟

图片:shwetsiyilik-yazghuchi-jan-murdal-305.jpg

شۋېتسىيىلىك يازغۇچى جان مۈردال
مەلۇم بولۇشىچە، جان مۈردال شۋېتسىيىدىكى سول قانات كوممۇنىست ئېقىمىغا ماھىل يازغۇچى بولۇپ، 1963-يىلى «ئىنقىلاب داۋاملاشماقتا: ئىچكى جۇڭگودىكى بىر خەلق كوممۇنىسى ھەققىدە تەكشۈرۈشتىن دوكلات» ناملىق كىتابى بىلەن غەربكە تونۇلغان. ئۇ مەزكۇر كىتابى ئارقىلىق ماۋ زېدوڭنىڭ يولغا قويغان جۇڭگوچە كوممۇنىزمنىڭ ئۇتۇقلىرىغا مەدھىيە ئوقۇغان. شۇ سەۋەبتىن ئۇ ئامېرىكا يازغۇچىسى ئېدگار سنوۋ بىلەن بىرلىكتە ماۋ زېدوڭ يېقىن كۆرىدىغان غەربلىك يازغۇچىلاردىن بولۇپ قالغان.
«يىپەك يولى» ناملىق كىتاپنى ئېلان قىلىپ،غەربتىكى تۈرلۈك قاراشلارغا ئىگە ئوقۇرمەنلەر ئارىسىدا تاكى ھازىرغىچە مۇنازىرە قوزغاپ كەلگەن كىشى ھېسابلىنىدۇ.

图片:image.jpg

قەشقەردىكى ئەتلەس توقۇغۇچىلار مەنبە: جان مۈردال،

    ما خەۋەرنى مەن پەقەتلا ئاڭلىمىغان ئىكەنمەن.
    ماۋ خەلقنىڭ تۈمەنمىڭ يىللار ياشىسۇن دېگىنىگە ئۇنىماي ئۆلۈپكەتكەندىن كېيىن بۇ جان مۇردالنىڭ كۆڭلى بەك يېرىم بولۇپ كەتكەندۇ، ھە؟.

مۇمكىن بولسا جان مۈردالنىڭ ئسمىنىڭ ئىنگلىزچە ياكى خەنچە يېزىلىشىنى قالدۇرۇپ قويسىڭىز(ياكى كىتابىنىڭ)

جان مۈردالنىڭ ياكى يازغان كىتاىنىڭ ئسمىنىڭ ئىنگلىزچە ياكى خەنچە يېزىلىشىنى قالدۇرۇپ قويسىڭىز.

加你木日大力