بۈگۈنۈم مىنىڭ يەنە ھىجابسىز.... [ئادىرسىنى كۇچۇرۇش]

         سائەتنىڭ  سايرىشى بىلەن ئۇيقۇنۇپ كەتتىم ...ناماز بامدات ۋاقتى بولغانىدى. ئاسمانغا قاراپ كۇلۈمسىرىدىم :ئى رەببىم كىچىنىڭ بالا-قازالىرىدىن يىراق قىلىپ يەنە بىر كۈن كۈننىڭ يۇرۇقىنى كۆرۈشكە نىسىپ قىلغىنىڭغا ھەمدۇ-سانالار بۇلسۇن ،ئەلھەمدۇلىللاھ...
   ئەمما مەن خۇشال ئەمەس ...چۇنكى بۈگۈن بىر كۈنۈم يەنە ھىجاپسىز ....كۈندە ئەتتىگەندە تۇرغاندا كۆز ياشلىرىم مۇنچاق كەبى  ئاقاتتى. كۇندە مۇشۇنداق يىغلاۋەرسەم بىر كۇنلەردە قارىغۇ بۇلۇپ قالامەنمۇ دەپ ئەنسىرەيدىغان بۇلۇپ قالدىم. خىزمەتكە ئېغىر قەدەملىرىم بىلەن مەجبۇرى جىنايەتچىدەك چىقاتتىم....مانا خىزمەتكە چىققىلىمۇ بىر يىل بۇلاي دەپتۇ ،ئەمما مەن بىرەر كۈن خىزمەت ئورنۇمدا خۇشال يۈرگىنىم يوق...
    بۇندىن بىر يېرىم يىل ئىلگىرى مەن ئاتا -ئاپامغا : جىنىم ئاتا -ئاپا مىنىڭ پەقەت ھۈكۈمەت خىزمەتچىسى بولغۇم يوق، ھىىجاپ قىلغۇم ،اللە يۇلىدا ماڭغۇم بار . دىگەنتىم ،ئەمما ئۇلار : قىزىم ، 17يىل مەكتەپتە باردا بار يوقتا يوق دىمەستىن  شۇنچە جاپادا ئۇقۇدۇڭ ، ئەمدى مانا راھەت كۈرىدىغان ۋاقتىڭ كەلدى، بىر تەرەپتىن خىزمەت قىلغاچ يەنە بىر تەرەپتىن نامىزىڭنى ئۇقۇپ اللە دەپ يۈرسەڭ بۇلىدۇ، ھەر قارىيلارمۇ بىر تەرەپتىن سودا قىلىپ بىر تەرەپتىن قارىيلىقنى قىلىۋاتمامدۇ ..ساڭا خىزمەت تۇسالغۇ بۇلمايدۇ دەپ مىنى يۇلغا سالغانىدى ..دېمىسىمۇ ئاتا-ئاپام دىھقان بۇلغاچقا ئۆزلىرى كەيمىسىمۇ يىمىسىمۇ مىنى مىڭ جاپالاردا ئالىي مەكتەپنى ئۇقۇتتى، بالىلارنى دەپ بەللىرى مۈكچەيگەن جاپاكەش ئاتامغا ،  بىزنى دەپ تۈزۈكمۇ كىيىنىپ يۈرمىگەن ئاپامغا قاراپ ئۇلارنىڭ گىپىنى رەت قىلالمىدىم، خىيالىمدا ئاۋۋال1-2 يىل ئېشلەپ تۇراي ،ئازراق بۇلسىمۇ ئۇلارنىڭ ماڭا قىلغانلىرىنى قايتۇرۇپ بىرەي،ئاندىن خىزمەتتىن ئىستىپا بىرەي دەپ خىيال قىلدىم -دە ئۆيدىن 7-8سائەتلىك يىراق يەرگە خىزمەتكە چۈشتۇم...ھەر قىتىم مائاش چىققاندا ئۇلارغا ئازراق بۇلسىمۇ ئەۋىتىپ تۇردۇم....
    شۇنداق ،بىشىمدا كىچىك بولسىمۇ ئارتىۋالغان ياغلىقىم بار ئېدى، ھىلىمۇ ياخشى ئىدارىنىڭ ياغلىقىڭنى ئال دەپ باقمىدى، ئەمما ئۇ كىچىك ياغلىق چىچىمنى ياپالغان بىلەن ئەۋرەت ھىسابلىنىدىغان ئاپئىاق بويۇنلىرىمنى ياپالمايتتى ...ياتىقىم ئىدارىنىڭ ئىچىدە بولغاچقا نامازلىرىمنىمۇ ۋاقتىدا ئۇقۇۋاتاتتىم....ئەمما مەن يەنىلا ھەقىقىي مۇسۇلمانلىق سۈپىتىدە يۈرەلمەيۋاتاتتىم ...
   ھىجاپنىڭ بىز ئايال -قىزلارغا پەرز ئىكەنلىكىنى بىلىپ تۇرۇپ قىلالمايۋاتقىنىمغا شۇنچىلىك ئازابلىنىپ كىتىۋاتىمەن ..ھەر قىتىم يۇللاردا ، تورلاردا ھىجاپ قىلىۋالغانلارنى كۆرەگىنىمدە ئۆزەمدىن شۇنچىلىك خىجىل بۇلىمەن ...
   ئشخانىدا قىرىشقاندەك مەن بىر ئايال 2سى ئەر ، شۇڭا ئشخانىدا ئولتۇرۇش ماڭا تېخىمۇ ئېغىر كىلىۋاتىدۇ ..ئىشتىن چۈشكەندە كۇنلىرىم يىغلاش بىلەن ئۆتىدىغان بولدى ..اللەغا بەك دۇئا قىلىمەن ،مىنى تېزرەك بۇ تۇرمۇشتىن چىقارسىكەن دەپ تىلەيمەن ....
اللە خالىسا تېزرەك خىزمەتتىن ئىستىپا بىرىش پىلانىم بار ...شۇ ئاتا -ئاپامنى ، تۇققانلارنى قانداق قايىل قىلارمەن دەپ بىشىم قىتىۋاتىدۇ ، ھەر قىتىم ئۇيگە قايتقاندا ئۇلار خىزمەتنى تاشلىما دەپلا سۆزلەپ كىتىدۇ، ھەتتا بەزىدە خىزمەتنى تاشلىساڭ بىز سەندىن رازى ئەمەس دىگەن گەپلەرمۇ چىقىپ قالىدۇ . تېخىمۇ قىزىق ئش، تاغام مىنىڭ خىزمەتنى قىلماي تاشلايمەن دىگەن گىپىمنى ئۇيدىكىلەردىن ئاڭلاپ ئاچچىقىدا قان بىسىمى ئۆرلەپ دوختۇرخانىدا نەچچە كۈن يىتىپ چىقىپتۇ...ئەمما ئۇلارنى دىسەم اللەغا ئاسىيلىق قىلىدىكەنمەن ...
     مانا بۈگۈنمۇ مىنىڭ كۈنۈم ھىجاپسىز.....

ئاللاھ رەھمەت قىلسۇن  ، ھىجاپلىنىشىڭىز ئۈچۈن تىرىشىڭ ،بۇ قىسقىغىنە ئۆتكۈنچى ھاياتنى دەپ ،مەڭگۈلۇك سائادەتنى قولدىن بىرىپ قويماڭ .شەيتانغا ئەل بولماڭ .ھىجاپلىنىپ شەيتاننى  قان يىغلىتىڭ ،
ئاللاھ ئىمانىڭىزنى مۇستەھكەم قىلسۇن . 

قىسقىغىنە ئۆتكۈنچى ھاياتنى دەپ ،مەڭگۈلۇك سائادەتنى قولدىن بىرىپ قويماڭ . شەخسەن مەنمۇ ئالىي مەكتەپنى پۈتتۈرۈپ خىزمەت قىلمىغان،سىزنى خىزمەتنى قىلماڭ دىمەكچى ئەمەس،ئوبدانراق ئويلىنىڭ.

پەيغەمبەر ئەلەيسالام رىمنىڭ باشلىقى ھىرەقلىگە مەكتۇپ  يوللىغاندا مۇنداق  دەيدۇ:<ماڭا  ئىتائەت قىلساڭ دۆلىتىڭ ھازىرقىدىن زىيادە بولىدۇ ، ئەگەر رەت قىلساڭ ئۆزەڭنىڭ ۋە سەن باشقۇرۋاتقان  خەلقىڭنىڭ گۇناھى ساڭا  يۈكلىنىدۇ>،شۇڭا بۇ گۇناھتىن نىسىۋىنىڭ  چوڭىراقىنى ئىلىشقا تىگىشلىكى  سىز ئەمەس..شەخسى پىكىر؛ بۇ ئىشلارنى ئۆزىڭىزگە روھى بىسىم قىلماڭ..ئاتا-ئانىڭىزغا ۋاپادار بولۇپ ئۇلارنى خاتىرجەم قىلىڭ..ئاندىن چارىسىزلىكتىن ئازاپلىنىپ ياش تۆككەن ۋاقتىڭىزدا دىن ۋە دۇنيالىق ئوتتۇرسىدا ھاڭ  پەيدا قىلىپ، بىر قەۋىمنى قىيىن ئەھۋالدا قويوۋاتقان كىشىلەرنى غالىپ دەپ  ئويلاپ  قالماڭ، ئۈمۈدسىزلەنمەڭ..بىشىڭىزدا ھىجاپ بولمىغان شارائىتتىمۇ ئەخلاق ۋە ئىنسانلىق قىممىتىڭىزنى مۇھاپىزەت  قىلىشتىن بوشاپ  قالماڭ..

اللە تائالە قۇرئان كەرىمدە <ئۇلار ئىمان ئېتتۇق دەپ قۇيۇش بىلەن سىنالايمز دوپ ئويلامدۇ؟> دىگەن ،ھەمشىرەم بۇلارنىڭ ھەممىسى اللەنىڭ بىزلەرگە بەرگەن سىنىقى،اللە ئىمانىڭىزنى كۈچلۈك قىلسۇن! ئامىن! ھىجاپلىنالمىغىنىڭىزغا كۆڭلۈڭىز بەك يېرىمكەن بۇنى چۈشەندىم،مىنىڭچە سز كۈنلىرڭىزنى بۇنداق ئازاب ئىچىدە ئۆتكۈزۈشنى خالىمايسىز، شۇ بىر پارچە رەخنى ئارتالمىغىنىڭىزغا نىمە ئۈچۈن بۇنچىلىك كۆڭلىڭىز  يېرىم بۇلدۇ؟ بۇنى چۇڭقۇر ئويلاب بېقىڭ!!!
ھىجاب ھەق تائالەنىڭ بىزگە قىلغان پەرزى، ئۇنىڭدىن سرت ھىجاب ھەرگىز ئاددى ھالدىكى بىر قانچە مىتىر رەخىت بىلەن ئۆزىنى ئورىۋېلىش ئەمەس ،ھىجاب مۇسلىمەلەرنىڭ سالاھىيتى ،بىز مۇشۇ ھىجابىمىز بىلەن باشقا كىشلەردىن ،يات دىندىكىلەردىن پەرقلىنىپ تۇرمىز،دۇنيانىڭ نەرىگىلا بېرىڭ ئۇچىڭىزدا ھىجابلا بۇلدىكەن سىزنى باشقىلار مۇسلىمەكەن دەپ تۇنۇيدۇ، مانا بۇ بىزنىڭ كىملىكىمىز ھەم پاسپورتىمىز. بىزدە كىملىك بولمايدىكەن بىزمۇ مەۋجۇد بۇلالمايمىز.
اللە دىن سىزگە كۈچلۈك ئىمان ھەم سەبىر تىلەيمەن.
ھەمسشىرەم سىزگە ئەڭ ئاخىرقى نەسىھىيتىم اللەنىڭ رازىلىقىنى قۇيۇپ كىشىنىڭ رازىلىقىنى ئىزدىسەك اللە بىزنى شۇ كىشىلەرگە تاشلاپ يۇقىدۇ، نەئۇۋزۇبىللەھ.
اللە مۇشكۈللىرڭىزنى ئاسان قىلسۇن! ئامىن!

ھۈر  ياشاش ئۈچۈن ..ھالال مىھنەتكە تايىنىشقا  توغرا  كىلىدۇ..ئۆزىڭىزدە مۇستەقىل قارار چىقىرىش  ئىقتىدارىنى  يىتىلدۈرۈڭ..
ياغلىق چىگمىسىڭىزمۇ سىز  ئاللانىڭ بەندىسى..قەلبىڭىزدە چىن ئىمان بولسا ئەگەر شارائىتىڭىز  مۇتلەق يار بەرسە پۈتۈن پەرھىزلەرنى ئادا قىلسىڭىز  تەقۋادارلاردىن بولىسىز..بۇنىڭ ئۈچۈن روھىڭىزنى تولوق ئازاد قىلىشىڭىزغا ،بارلىق ئەمەللەرنى ئەتراپتىكى كىشىلەر ياكى ئادەتنى دەپ ئەمەس پەقەت ئاللانىڭ رازىلىقىنى دەپلا  بىجىرىشىڭىزغا توغرا كىلىدۇ..مەن تىخى بۇنداق يىتىلگەن تەقۋادار  كىشىنى كۆرۈپ  باقمىدىم..ئەڭ مۇھىمى ئەتىراپتىكى چالا موللىلارنىڭ روھى دۇنيارىڭىزنى كادىن  چىقىرۋىتىشىدىن ئىھىتىيات  قىلىڭ..ئالى مەكتەپتە ئوقوغان ئىكەنسىز ئىشلىشىىڭىزغا توغرا  كىلىدۇ ..  مۇشۇ  ھۆكۈمەت بىز ياشاۋاتقان دۆلەتتىكى ئەڭ چوڭ شىركەت ھىساپلىنىدۇ،بىلمىگەن ئىشلارغا ئەگەشمەي ئاتا-ئانىڭىزغا  ياخشى قاراپ ئۇنۋىرسال  بىلىمىڭىزنى يۇقىرى كۆتۈرۈڭ..ئەگەر دىن ئۈگەنمەكچى بولسىڭىز ياخشى ئۇستازدىن بىرنى تۇتۇپ قۇرئاننىڭ ئەسلىسىنى  ئۈگۈنۈڭ(تەجۋىد). تەرجىمىسىنى پەقەت قوشومچە  كۆرۈپ  قويسىڭىز  بولىدۇ..چۈنكى ئىمان  ئىدىيە ئەمەس،ئۇنى چۈشۈنۈپ  بىلگىلى بولماس، ماھىيىتىدىن ئالغاندا ئۇ غەيىپكە  ئىشىنىش ۋە ئۆزىڭىز چۈشۈنۈپ كىتەلمەيدىغان ئىلاھى ھەقىقەتنىڭ قەلبىڭىزگە سىڭگەندىن كىيىن سىرىتىڭىزغا ئىپادىلىنىپ  چىققاندىكى ئەمەليەتنى كۆرسىتىدۇ. شەرىئەت ئاللاھقا ئىمان ئىيتقان ،ئۆزىنى ئۆزى  كونتۇرۇل  قىلالايدىغان كىشىلەر  ئۈچۈن يىتىلدۈرۈشكە تىگىشلىك ئادەتلەرنى  كۆرسىتىدۇ..ھەرگىزمۇ باشقىلارنىڭ  نازارىتى ئاستىدىكى تۈزۈم ئەمەس..

مانا مۇشۇنداق دانا تەكلىپلەرمۇ چىقىدۇ .....

سىڭلىم ئاللاھ ئىشلىرىڭىزنى  ئاسان قىلسۇن ، مۇرادىڭىزغا يەتكۈزسۇن ، ئامىن . مەسئۇلىيەتچان ،ئەخلاقلىق ، ئىمانلىق يىگىت بىلەن توي قىلسىڭىز ، ئاللاھنىڭ ۋە ئېرىڭىزنىڭ ئەمىر پەرمانىنى تۇتۇپ ئۆيدە ئولتۇرالىشىڭىز مۇمكىن . قىيامەتتە  ھىساپ ئېلىنغاندا  ئاتا ئانام  ئىشلەشكە مەجبۇرلىغان ، ئۆزەمنىڭ خىزمەت قىلىش ئويۇم يوقتى دىگەندەك باھانىلار ئاقمايدۇ . ھەممىمىنى بىلگۈچى بىر ئاللاھ .

ماۋۇ ئۈستىدىكى قەۋەتتىكى adiyat ئاداشنىڭ  ئىدىيىسىگە قەتئىي قىزىقمىدىم، لېكىن بەزى گەپلەرنى قانداق دەپ قويغاندۇ دەپ ئويلاپ قالدىم، توغرا «ئۆزىڭىزدە مۇستەقىل قارار چىقىرىش  ئىقتىدارىنى  يىتىلدۈرۈڭ.. »  ، بىلسىز ھەق ئېنىق باتىل ھەم ئېنىق ئوتتۇردىكىسى شۈبھە ، سىز شۇ تاپ قانداق قىلسىڭىز توغرا ئىكەنلىكىنىمۇ بىلسىز ،سىز مۇشۇ يازمىڭىزنى قايتا ئوقۇپ ئويلاپ بېقىڭ سىز نىمە ئۈچۈن قىلۋاتىسىز ؟!   بەلكىم سىزنىڭ ھاياتىڭزىدىكى چوڭ بىر تاللاش بۇ ، بۇ تەرەپنى تاللىسڭىز  سىز بەلكىم خاتىرجەم بىر مەزگىل ئۆتىسىز ئۇ تەرەپنى تاللاش ئۈچۈن سىزدە چوقۇم بىر مۇقەددەس سۆيگۈ بولۇشى كېرەك ! بۇ سۆيگۈ سىزنىڭ قەلبىڭىزدە تېپىلغاندا مەيلى قانداق جايدا قانداق شارائىت بولسۇن ئىنشاللاھ بەخت ئۈچۈن ئۆزىڭىز قارار چىقىرىشقا قادىر بۇلسىز !
    ئەڭ مۇھىمى مۇقەددەس سۆيگۈ يەنى ئىخلاس بولۇشى كېرەك ھەر بىر ئەمەلدە، ئەگەر چىن ئىخلاس بىلەن ئاللاھ نىڭ مۇھەببىتىنى ئىزدىگەن بولسىڭىز ئاللاھ سىزگە چەكسىز ئەجىر ئاتا قىلغاي!

بۇ مەزمۇن 7قەۋەتتىكى qiqak119 نىڭ 2012-05-24 16:47 يوللىغان يازمىسىغا نەقىل :
سىڭلىم ئاللاھ ئىشلىرىڭىزنى  ئاسان قىلسۇن ، مۇرادىڭىزغا يەتكۈزسۇن ، ئامىن . مەسئۇلىيەتچان ،ئەخلاقلىق ، ئىمانلىق يىگىت بىلەن توي قىلسىڭىز ، .............
   ماۋۇ ياخشى پىكىر بوپتۇ ،  بولسا مۇشۇنى ئويلىشىپ بېقىڭ !