* مۇھەببەت ۋاپاسى بىلەن ، ھالاۋەت جاپاسى بىلەن .
* يارىڭنىڭ يۈزىنى كۆرگۈچە ،خۇيىنى كۆر .
* مۇھەببەت ئايدىك كېچىدە سەيلە قىلىش ئەمەس ،بوران-چاپقۇندا قول تۇتۇشۇپ مېڭىش دېمەكتۇر .
* گۇمان – مۇھەببەتنىڭ دەرىخىنى كېسىپ تاشلايدىغان پالتا دېمەكتۇر .
* تەڭشەلمىگەن يۈك تۆگىنى ئازاپلايدۇ ،نورمالسىز مۇھەببەت ۋىجداننى ئازابلايدۇ .
* تويدا گۈزەللىك لازىم ،تۇرمۇشتا مۇھەببەت .
* ئەر-خوتۇننىڭ ئىناقلىقى ئۆينىىڭ بەختى .
* گېپى ياماندىن قورقما ،كۆڭلى ياماندىن قورق .
* مەۋقەسى يوق يىگىتتىن ،ماي چىقمىغان چىگىت ياخشى .
* ۋىجدانسىزنىڭ گۈلى بولغۇچە ،ۋىجدانلىقنىڭ قۇلى بول.
* يىپ ئۈزۈلسە ئۇلىغىلى بولۇر ،كۆڭۈل ئۈزۈلسە ئۇلىغىلى بولماس .
* ئات ئالساڭ ئاي كېڭەش ،خوتۇن ئالساڭ يىل كېڭەش .
* ئىش يارىسا پۇلىغا قارىما ،قىز يارىسا ئانىسغا قارىما .
* ئەقىلسىزگە قول بەرمە ،سۆيمىگەنگە دىل بەرمە .
* ھەسرەت ـــ تاپا تەنىدە بىلىنىدى ،مۇھەببەت ـــ ۋاپادا بىلىنىدۇ .
* چىرىپ قالغان دەرەخ ئاسان يىقىلىدۇ ،ساقتا مۇھەببەت ئاسان بۇزىلىدۇ .
* ئاۋال ئادەم بول ،ئاندىن ئۆيلۇك بول .
* قەدىم جايدىن ئايرىلما چەت بولسىمۇ ،قەدىناستىن ئايرىلما سەت بولسىمۇ .
* تاشلاپ قاچىدىغان قىز بار .ئېلىپ قاچىدىغان جۇۋان بار
* يامان خوتۇن ئالغۇچە ،بويتاق ئۆتكىن ئۆلگۈچە .
* ئاجراشقاننىڭ كۆتى ئېچىلار ،ئاجراشمىغاننىڭ بەختى ئېچىلار .
* تولا ئەرگە تەككەننىڭ ياقىسى چىت ،تولا خوتۇن ئالغاننىڭ ياقىسى پىت .
* چىراي تاللىماي ،مىجەز تاللا
* خوتۇنسىز ئەر ،ئىگەرسىز ئات دېمەكتۇر .
* ئايالسىز ئائىلە خۇددى سۈيى يوق تۈگمەنگە ئوخشايدۇ .
* ئەر كىشى يوق ئائىلە خۇددى قۇياش چىقمىغان كۈندۈزگە ئوخشايدۇ .
* ئايالىڭنىڭ چىرايىنى ماختىما ، قابىلىيىتىنى ماختا .
* ئەرسىز ئايال رولسىز كېمە ، ئايالسىز ئەر يۈگەنسىز ئات .
مەنبە :«ئەدەب دېڭىزىدىن مارجان سۆزلەر» دىن
