بالىلار بايرىمىغا يۇمران تىلەكلەر
ھەلىمە تۇردى
نەسىر
ئاڭلاڭلار ،ئەي يۇمران چېچەچتەك سەبى بالىلار ،بايان ئەيلىمەكچى ئىلىم -ئېرپان بېغىدا سۇ تۇتىۋاتقان باغۋىنىڭلار : "ئىڭڭە"لەپ دۇنياغا كۆز ئاچقان تۇنجى دەقىقىدىن "تە-تە" لەپ ماڭغان تۇنجى قەدەملىرىڭلارنى باشلىغۇچە،بۆك ئىچىگە پاتقىدەك يۇمران تىنىڭلارنىڭ يېتىلىپ ئادەم سىياقىغا كىرگىچە قۇياشتىن تۇغۇلغان ئۇلۇغ ئاناڭلارنىڭ يىەىنى ئاش ئەمەس تاش،ئىچكىنى سۇ ئەمەس ياش بولدى ھەر زامان،"تە-تە"دىن گۈرۈسلەپ يۈگۈرگىچىلىك بولغىچە،"بە-بە"دىن ئاش-نان يەيمەن دىگىچە چىھرىنى ئەجىر ئىزى تال-تال قۇرۇقلار قاپلىدى تامان. ئالەم سىغار شات يۈرىكىڭلارنى ئېلىپ ،دەپتەر قەلەم ئۈچۈرگۈچلەرنى سومكاڭلارغا سېلىپ ،ئاتا-ئانا غەم گۈزارىڭلارنى سۈيۈپ ،يىنىك ئەركە قەدەملىرىڭلار بىلەن مېڭىپ ،ئەسسالام دەپ مەكتەپ قوينىغا كىرىپ ،ياتسىرىغان تاتلىق تارتىنىشىڭلار بىلەن تۇنجى ئۇستازىڭلارغا سالام بېرىپ ،ھاياتنىڭ ئىككىنچى بوسىغىسىغا قەدەم تاشلاپ كىرگەندىن باشلاپ ،ئەركە شوخلۇقۇڭلارنى تاشلاپ ،ئىلىم -پەن گۈلزارلىقىدا كېپىنەك بۇلۇپ ئۇچتۇڭلار ،بىلىم بۇلاقلىرىدىن شەربەتلەر ئىچتىڭلار . ئۇستازىڭلار باغۋەن كەبى پەرۋىش ئەيلىدى،يۇلۇڭلارنى تۇراپ تۇرغان تىكەنكەرنى چەيلىدى.ئەي،ئېپان ئەقىدە بۆشىكىدە ئەللەيلىنىۋاتقان سەبى بالىلار ،مۇنۇ بۆشۈكۈڭلارنى تەۋرىتىۋاتقان ئىككىنچى ئاناڭلار قىلىدۇ سىلەرگە كۆڭۈل ئىزھار: ئەي ،سەبى بالىلار ،ھەر بىر مىنوتنىڭ ئۈتىشى سىلەرنىڭ پات ئارىدا چوڭ بولىدىغانلىڭىڭلاردىن دېرەك بېرىدۇ،ئەنە قاراڭلار ،سىلەرنىڭمۇ بايرىمىڭلار كەلدى،خوشال يايراڭلار .سىلەر كەلگۈسىنىڭ ئۈمىدى ،ئەتىدىكى شەبنەمدە ئېچىلىدىغان گۈل غۇنچىلاردۇرسىلەر ....يەنە شۇنىمۇ ئېيتىپ ئۈتۈشكە ئەرزىيدۇكى:بەزىلىرىڭلار ئەلنىڭ كېسىلىگە داۋا تاپقۇچى دوختۇر بولساڭلار ،بەزەنلىرىڭلار باغۋەنلەرنىڭ سېپىگە قۇشۇلۇپ قاراڭغۇ دىللارغا نۇر چاچىسىلەر .يەنە بەزىللىرىڭلار ئەلنىڭ يۇلىنى راۋان قىلىپ قانات ياساپ كۆكتە پەرۋاز قىلىسىلەر ،يەنە بەزىلىرىڭلار سىلەرنى شۇنچىلىك قىلغان ۋەتەنگە پاسىبان بولىسىلەر .سىلەرنى بېقىپ مۇشۇنچە قىلغان ئاتا-ئاناڭلارغا رەخمەت ....ئەي بالىلار ،ۋۇجۇدۇڭلاردىكى مۇز بۇلۇپ قاتقانبىخوت ئىللەتلەر تامان ئېرىسۇن،دىلىڭلار ئىلىم مەرىپەت نۇرىدا نۇرلانسۇن.ئەلگە ياراملىق ئادەم بۇلۇڭلار ،ئەل ئۈچۈن تىرىشىپ ئۆگۈنۈپ زور توھپە يارىتىڭلار ،شۇندىلا ھەممە سىلەردىن رازى بولىدۇ. ئوماق بالىلار ، بايرىمىڭلارغا مۇبارەك بولسۇن! بايىغولىن گېزىتىدىن ئېلىندى.
 |
