ئەقىدىسىز ئادەملەر
غايىسىز، ئېتىقادسىز، ئەقىدىسىز ئادەملەر قانداق بولىدۇ؟ قانداق گەپلەرنى، قانداق ئىشلارنى قىلىدۇ؟  قاراپ باقايلى، ئەتراپىمىزدا بارمۇ-يوق؟
ئەقىدە-ئېتىقادسىز ئادەملەردە ۋەتەن-خەلق ئۈچۈن ئۆزىنى ئاتاش روھى بولمايدۇ.
ئەقىدە-ئېتىقادسىز ئادەملەردە   ھەقىقىي دوستلۇق ۋە مۇھەببەت   بولمايدۇ.
ئەقىدە-ئېتىقادسىز ئادەملەر رەھىمسىز، ياۋۇز، رەزىل، نەپسانىيەتچى، ھاياسىز، نومۇسسىز، خىيانەتكار بولىدۇ.
ئەقىدە-ئېتىقادسىز ئادەملەر  ئۆزىگە ئادىمىيلىك ئۆلچەمدە تەلەپ قويالمايدۇ.
ئەقىدە-ئېتىقادسىز ئادەملەر نام-ئاتاق، ئۈستۈنلۈك قازىنىش، باشقىلارنى بېسىپ چۈشۈش ئۈچۈن ۋاسىتە تاللىماي ھەرقانداق رەزىللىكنى قىلىدۇ.
ئەقىدە-ئېتىقادسىز ئادەملەر مال-دۇنيانى، نەپسىنى دەپ، نومۇسنى ئۇنتۇپ، قېرىندىشىغا خىيانەت قىلىشتىن ھايا قىلمايدۇ، كىشىلەرنىڭ ئامانىتىگە خىيانەت قىلىدۇ، ۋەدىسىگە ئەمەل قىلمايدۇ، توختامغا خىلاپلىق قىلىدۇ.
ئەقىدە-ئېتىقادسىز ئادەملەر كىشىلەرنىڭ ھەققىنى يەۋېلىشتىن نومۇس قىلمايدۇ. ئەر ئايالىغا، ئايالى ئېرىگە خىيانەت قىلىشتىن ھايا قىلمايدۇ.
ئەقىدە-ئېتىقادسىز ئادەملەر ئۆكتەملىك، مۇتتەھەملىك، زالىملىق، رەھىمسىزلىك قىلىشنى جان بېقىشنىڭ ۋاسىتىسى قىلىۋالىدۇ، مال-دۇنيا ۋە شەخسىي مەنپەئەتنىڭ ۋەسۋەسىيسى بىلەن ھەقنى سۆزلەيدىغان تىللىرى بوغۇلىدۇ، ناھەقچىلىككە يان بېسىشتىن نومۇس قىلمايدۇ. (يارمۇھەممەت تاھىر تۇغلۇق)
ئەقىدە-ئېتىقادسىز ئادەملەر بىر-بىرىگە ئىشەنمەيدۇ.
ئەقىدە-ئېتىقادسىز ئادەملەر يالغانچى، مۇناپىق، تۇزكور بولىدۇ. بەزىدە  «ئەلھەمدۇ لىللاھ مەن مۇسۇلمان» دەيدۇ، بەزىدە مەھەللىسىدىكى مەسجىدلەرنى تاقاپ، ئۇنى ئەسكى - تۈسكىلەرنى قويىدىغان ئامبار قىلىۋالىدۇ. ياش چېغىدا  «مەن ماركسىزمچى، كوممۇنىستمەن» دېسە، قېرىغاندا بىر يۇمۇلىنىپلا تەقۋادار مۇسۇلمان قىياپىتىگە كىرىۋېلىپ، مەسجىد جامائېتىنىڭ قاتارىغا قوشۇلىۋېلىپ، ساقاللىرىنى ئۇزۇن قويىۋېتىپ، قوللىرىدىن تەسۋىنى چۈشۈرمەي  «سۇبھانەللاھ» دېيىشىپ يۈرۈيدۇ.
ئەقىدە-ئېتىقادسىز ئادەملەر  كۆڭلى قارا بولىدۇ. بىرى-بىرىنى قانداق ئەپلەش، قانداق يوقىتىشنىڭ كويىدا، يەنى قانداق قىلىپ ئۆز قېرىنداشلىرىغا تاقابىل تۇرۇشنىڭ كويىدىلا ئۆتىدۇ.
ئەقىدە-ئېتىقادسىز ئادەملەر شەخسىيەتچى، گۇمانخور، ساتقىن-مۇناپىق بولىدۇ.

مەنبە: ئۆزۈم.

ئەقىدە-ئېتىقادسىز ئادەملەر يالغانچى، مۇناپىق، تۇزكور بولىدۇ. بەزىدە  «ئەلھەمدۇ لىللاھ مەن مۇسۇلمان» دەيدۇ، بەزىدە مەھەللىسىدىكى مەسجىدلەرنى تاقاپ، ئۇنى ئەسكى - تۈسكىلەرنى قويىدىغان ئامبار قىلىۋالىدۇ. ياش چېغىدا  «مەن ماركسىزمچى، كوممۇنىستمەن» دېسە، قېرىغاندا بىر يۇمۇلىنىپلا تەقۋادار مۇسۇلمان قىياپىتىگە كىرىۋېلىپ، مەسجىد جامائېتىنىڭ قاتارىغا قوشۇلىۋېلىپ، ساقاللىرىنى ئۇزۇن قويىۋېتىپ، قوللىرىدىن تەسۋىنى چۈشۈرمەي  «سۇبھانەللاھ» دېيىشىپ يۈرۈيدۇ.


قەلىبلەردىكىنى ئاللاھ بىلگۇچى بۇرادەر ،، ئاللاھ رەببىلئالەمىين تەۋبە قىلغۇچىلارنى دوست تۇتىدىغانلىقىنى بىزگە قورئان ئارقىلىق بىلدۇردى ،، مەيلى ئىلگىركى ھاياتىدا نىمە ئىش قىلسۇن ، ئەگەر ئىنسان چىڭ قەلبىدىن تەۋبە قىلسا ئاللاھ خالىسا كەچۇرگۇچى رەھىمدىل زاتتۇر ،، ئەڭ ياخشىسى ياشلىقىدا ئازغان بولسىمۇ ، كىيىن ھەقنى تۇنۇپ ئوتكەن كشىلەرنىڭ گۇناھىنىڭ مەغپىرىتىنى تىلەپ قويايلى ،، قالغان سوزلىرىڭىز ئورۇنلۇق