ئانىلار قەدىمىنىڭ ئاستىدا جەننەت
ئاللاھ سۇبھانە ۋەتەئاللاھ قۇرئان كەرىمدە 40دىن ئارتۇق ئايەتتە ئاتا -ئانىنىڭ قەدىر -قىممىتىنى بىلىش ، ئاتا- ئانىنى ھۆرمەت قىلىش ،ئاتا-ئانىنىڭ خىزمىتىنى قىلىش ، ئاتا-ئانىنى رازى قىلىش توغرىسىدا ئايەتلەرنى كەلتۈرگەن . بىر ئايەت باركى ئېنجىلدا ، تەۋراتتا ھەم قۇرئاندا ئۆزگەرمەي كەلگەن . بۇ ئايەتنىڭ مەنىسى <<ئاتا-ئانا رازى ئاللاھ رازى >> كىم بۇلىشىدىن قەتتىنەزەر ئاتا-ئانىسىنى رازى قىلغاندىن ئاللاھ رازى بۇلىدۇ ، ئاتا-ئانىسىنى نارازى قىلغانلارنىڭ ئىبادىتىگە ھەم دۇئاسىغا ئاللاھ قارىمايدۇ .
پەيغەمبىرىمىز مۇھەممەت مۇستافا سەللەللاھۇ ئەلەيھى ۋەسسەللەم (ئاللاھنىڭ سالاملىرى ئۇ زاتقا بولسۇن )زامانىسىدە ئىبادەتكە ناھايتى بېرىلگەن ،سېخى ،ئىككى قېتىم جىھاتقا قاتناشقان ئەلقەمە ئىسىملىك بىر ساھابە بار ئىدى . بىر كۈنى پەيغەمبەر ئەلەيھىسسالام ھەزىرتى ئەلى ، ھەزىرتى بىلال ، ھەزىرتى ئۆمەر ۋە باشقا ساھابىلەر بىلەن سۆھپەتلىشىپ ئولتۇرغانلىرىدا بىر ئايال ئىزنى سوراپ يىغلاپ كىرىپ كەلدى .
__نىمە ئىش بولدى ....؟؟ (دىدى پەيغەمبەر ئەلەيھىسسالام )
__ ساھابە ئەلقەمە دوستىڭىز ئاغرىپ قالدى ، ناھايتى قاتتىق ، سەكراتتا ياتىدۇ ، شۇنىڭ خەۋىرىنى بەرگىلى كەلدىم . (دىدى ئايال )
پەيغەمبەر ئەلەيھىسسالام سوفى بىلالغا ، ھەزىرتى ئەلىگە <<بېرىپ ئەلقەمەنىڭ ھالىدىن خەۋەر ئېلىڭلار >>دىدى .
ساھابىلەر كېلىشىگە ،ھەقىقەتەن ئەلقەمە ئاغرىق يېتىپتۇ.
بۇ ھالەتتە كۆرگەن ھەزىرتى ئۆمەر ئېيىتتى :__ <<لەئىلەھە ئىللەللاھ مۇھەممەدۇر رەسۇلۇللاھ >>دىگەن سۆز ھەركىمنىڭ ئاخىرقى سۆزى بولسا ئۇ ئەلۋەتتە جەننەتتۇر ، بۇرادەر <<لەئىلەھە ئىللەللاھ مۇھەممەدۇر رەسۇلۇللاھ >>ئېيتىڭ .
ئەلقەمە ھەممە سۆزنى ئېيتالىدىيۇ <<لەئىلەھە ئىللەللاھ مۇھەممەدۇر رەسۇلۇللاھ >>گە تىلى كەلمىدى . ئىمان كەلىمىسىنى ئۈچ قېتىم دەپ بەرسە ھەم ئېيتالمىدى .
يا رەببىم ...! ! ! ....ئىسلامغا ،دىنغا ياشلىقىدىلا كىرگەن ،ئىمان ئېتقادى مۇستەھكەم بولغان نامازخان ، روزىدار ، سېخى جىھاتقا قاتناشقان ئىنسان ئىدى . <<لە ئىلەھە ئىللەللاھ >>قا تىلى كەلمەيۋاتىدۇ ، ئەلقەمەنىڭ تىلى كەلىمە شاھادەتكە كەلمەيۋاتىدۇ . سوفى بىلالغا ئېيىتتى ،
__ بۇ ۋەقەنى رەسۇلۇللاھ سەللەللاھۇ ئەلەيھى ۋەسسەللەمگە ئېيتىڭ .
سوفى بىلال كېلىپ :__ يا..رەسۇلۇللاھ ، ئەلقەمە ئاغرىق ئەھۋالدە باشقا سۆزلەرنى قىلالىدىيۇ ، <<لە ئىلەھە ئىللەللاھ >>قا تىلى كەلمەيۋاتىدۇ ، ئەلقەمەنىڭ تىلى كەلىمە شاھادەتكە كەلمەيۋاتىدۇ يا ، رەسۇلۇللاھ !..!..!
پەيغەمبىرىمىز نىڭ ئېسىگە بىر ئىش كەلگەندەك :__ ئەلقەمەنىڭ ئاتا-ئانىسى بارمۇ ؟؟... دىدى .
__ ئاتىسى ياشلىقىدا ئۈلۈپ كەتكەن ، ئانىسى ھايات .
__ ئانىسى قېنى ...؟؟
__ ئانىسى باشقا جايدا تۇرىدۇ .
__ بېرىڭ بىلال، ئانا كىلەلىسە كەلسۇن ، ئەگەر كېلەلمىسە ئۆزۈم بېرىپ كۆرۈشىمەن . دىدى
سوفى بىلال ئەلقەمەنىڭ ئانىسىنىڭ ئۈيىگە كېلىپ ئېيىتتىكى :__ ئانا سىزگە مۇھەممەت رەسۇلۇللاھدىن سالام ، ئەگەر بارالىسىڭىز چاقىردى ، بارالمىسىڭىز ئۆزى سىلى بىلەن كۆرۈشكىلى كېلىدۇ .
ئانا ئېيىتتى :__ جىنىم پىدا بولسۇن مۇھەممەت رەسۇلۇللاھقا ، پەيغەمبىرىمىزگە ، مەن تېخى ئۇ دەرىجىدە ئەمەسمەن ، مەن ئۆزۈم بارىمەن ئۇ زاتنىڭ ئۈيىگە ._ دىدى
ئانا كېلىپ پەيغەمبەر ئەلەيھىسسالامغا سالام بەردى
__ كېلىڭ ئانا ، (يۇقىرى تۆرىدىن ئورۇن كۆرسەتتى ) ئوغلىڭىز ئەلقەمە قانداق يىگىت ...؟؟
__ ئوغلۇم ياخشى يىگىت ، ئۆزىڭىز مەندىن ياخشى بىلىسىز يا رەسۇلۇللاھ ، نامازخان ، تائەت- ئىبادەتكە كۈچلۈك ، سەدىقە ، جىھاتقا ئۆزىڭىز بىلەن بىرگە قاتناشقان .
__ سىزگە قانداق ئانا ....؟؟ سىزگە .....
__ ھە...مەن ئوغلۇمدىن نارازىمەن ، مېنىڭ ئوغلۇمدىن كۆڭلۈم سوۋىغان ، مەن ئوغلۇمدىن ئازار يىگەنمەن .
__ رازى بۇلۇڭ .
__ رازى بۇلالمايمەن ، دىلىمنى قاتتىق رەنجىتكەن ، 7-8 يېشىدا ئاتىسىدىن يىتىم قالدى ، شۇ بالامغا ئۆگەي ئاتا ئالىيىپ سەت قارىسا قانداق چىدايمەن دەپ پۈتۈن ياشلىق باھارىمنى شۇ ئەلقەمە ئوغلۇمنى دەپ پىدا قىلدىم ، يىمەي يىدۈردۈم ، شۇ بالامنى ئەگەر ناۋادا ئۆگەي ئاتىسى ئۇرۇپ قالسا ، قاش- قاپىقىنى تۈرۈپ قالسا مەن بۇنىڭغا چىدىيالماسلىقىمنى بىلىپ پۈتۈن ئۆمرۈمنى شۇ بالامغا بەخشەندە قىلغان . چوڭ بولدى ئۆيلىدىم ، ئوغلۇم ئۆزگەردى ، ماڭا ئومومەن ئېتبار قىلمىدى ، پەقەت خوتۇننى ماختايدۇ ، پۈتۈن ياخشى گەپلەرنى خوتۇنىغىلا قىلىدۇ ، مەن بىلەن ئومومەن گەپلەشمەي قالدى . بۇ ئىشلىرى دىلىمنى قاتتىق رەنجىتكەن ئىدى .مەن بارمۇ- يوقمۇ كارى بولمىدى ، مەن بۇ ھالەتلەرنى كۆرۈپ دىلىم قاتتىق رەنجىپ بۇ ئۆيدە يەنە بىرگە ياشىيالماسلىقىمغا كۆزۈم يەتتى دە ئايرىم ئولتۇرماقچى بۇلۇپ چىقىپ ماڭدىم ، مەن چىقىپ كېتىۋاتقىنىمدا ھەم كۆڭلۈم ئۈچۈن بولسىمۇ << ئانا قاياققا كەتمەكچى سىز ؟... مېنى بېقىپ كاتتا يىگىت قىلغانسىز سىزنىڭ خىزمىتىڭىزنى قىلىشىم كېرەك >> دىگەننىڭ ئورنىغا يۈك تاقلىرىمنى كۆتۈرۈپ ئاپىرىپ بەردى . مەن نارازىمەن ئۇنىڭدىن .
__ رازى بولمامسىز ئانا ...؟؟
__ ياق .
__ بىلال ! ئەلى ! مەيدانغا ئوتۇننى يىغىڭ ،گۈخان يېقىڭ ، ئەلقەمەنى ئەچىقىپ ئاشۇ گۈلخانغا ياقىمىز ، ئانىسىنى نارازى قىلغان ئەلقەمەنىڭ ئوتتا كۈيۈشىنى ئانىسى كۆرسۇن .
__ كىمنى ياقىسىلەر ...؟؟ كىمنى كۆيدۈرىسىلەر ...؟؟؟
__ ئەلقەمەنى .، ئوغلىڭىزنى ياقىمىز ،ئوتتا كۆيدۈرىمىز ھازىر .
__ قەلبىمنى مىۋىسىنى ياقامسىلەر ؟، مېنىڭ يىگانە ئوغلۇمنى ياقامسىلەر ،؟ ئۇنىڭدىن مەن يېقىلغىنىم ياخشى ئەمەسمۇ ، بالامنى كۆيدۈرمەڭلار .
__ ئانا ئەگەر سىز رازى بولمىسىڭىز <<ئىككى قېتىم جىھاتقا قاتناشقان ، كېچىلەردە تۇرۇپ ئىبادەت قىلىپ ، بەش ۋاقىت نامازنى ۋاقتىدا ئوقۇپ يۈرگەن ئىكەن ساھابە ئېكرام ئىكەن >>دەپ ئاللاھ جەننەتكە كىرگۈزمەيدۇ ، دوۋزاختا يانىدۇ ، ئانىسىنى يىغلاتقان ، ئانىسىنى نارازى قىلغان ئەلقەمە جەھەننەمدە كۈيىدۇ .
__ <<ئاللاھ گۇۋاھ >>...!!! دىدى ئانا ، سىز گۇۋاھ يا رەسۇلۇللاھ ، ئوغلۇمدى دىلىم ياخشىلىق ،خوشاللىق كۆرمىگەن بولساممۇ توققۇز ئاي كۆتۈرۈپ يۈرگىنىمگە ، ئۈلۈمنى بوينۇمغا ئېلىپ تۇغقانلىرىمگە، بىر پارچە گۆش ۋاقتىدىن تاتىپ بېقىپ كاتتا يىگىت مىڭ- مىڭ مەرتىۋە رازىمەن بالامدىن ، بالام جەننەتتە بولسۇن .بالام كۆيدۈرۈلمىسۇن ، مەن رازىمەن بالامدىن .
__ << بىلال ئەلقەمەدىن خەۋەر ئېلىڭ >>، دىدى رەسۇلۇللاھ سەللەللاھۇ ئەلەيھى ۋەسسەللەم
سوفى بىلال ئەلقەمەنىڭ ياتقان ئۈيىگە كىرمەستىنلا ، سىرىتتا تۇرۇپ ،ئەلقەمەنىڭ <<لە ئىلەھە ئىللەللاھ ،مۇھەممەدۇر رەسۇلۇللاھ >> دەپ جان بەرگەنلىكىنى ئېيىتتى .
ئەزىر قېرىنداشلار ، <<ئانىلار قەدىمىنىڭ ئاستىدا جەننەت >> بۇ سۆزنى مۇھەممەت رەسۇلۇللاھ سەللەللاھۇ ئەلەيھى ۋەسسەللەم ئېيىتقان . رەسۇلۇللاھ ئەلقەمەنى يۇيۇشقا ئۆزى قاتناشتى ، جىنازە نامزىنى ئۆزى ئوقۇدى ، ئەلقەمە قەبىرىگە كۆمۈلگەندىن كىيىن ئېيىتتى :
__ ھەي ،،،!!! . مېنى دەپ ۋەتەننى تەرىك ئېتىپ ، مەن بىلەن بىرگە دىن ئۈچۈن مەدىنىگە ھىجرەت قىلغانلار ، مەن بىلەن بىرگە كەلگەنلەرگە ئۈيىنى ، مېلىنى بېرىپ ياردەم بەرگەن مەدىنىىلىك ئەنسارىلار ، بىز شۇنداق كاتتا ساۋاپ ئىش قىلىۋاتىمىز دەپ ئاتا- ئانىڭىز ئېسىڭىزدىن چىقىپ قالمىسۇن .
پەيغەمبىرىمىز ئارقىسىدا ئىقتىدا قىلىپ ناماز ئوقۇپ جىھاتقا قاتناشقانلاردىن ئالدىن سورايدۇ . <<ئاتا- ئانىنى رازى قىلغانمۇ ؟؟>> ئاتا- ئانىنى نارازى قىلغان بولسا ئۇلارنىڭ ئىبادەتلىرىگە ئاللاھ نەزىرىنى تاشلىمايدۇ .
يا رەببىم .....!!! ،،،،دۇنيادىن ئۆتكەن ئاتىلىرىمىزغا ،ئانىلىرىمىزغا رەھمەت قىلغىن ، ھاياتلىرىنىڭ ئۆمرىنى ئۇزۇن قىلغىن . قولىمىزدىن كەلگىنىچە خىزمىتىنى قىلىپ ، دۇئاسىنى ئېلىپ بۇ دۇنيا ئەزىزلىگىنى ھەم ئاخىرەت ئەزىزلىگىنى بۇلىشىمىزنى نىسىپ قىلغىن .
<< ئامىن ....! ! ! .>>
مەنبە _ ئۆزبىكچە ئاۋازلىق ئەسەرنى تەرجىمە قىلدىم
