تەپەككۇر مېۋىلىرى

1.كىچىكىدە تەربىيە كۆرمىگەن ئوغول چوڭ بولغاندا ئاتا-ئانىسىغا  "بالا"بولىدۇ؛كىچىكىدە ياخشى تەربىيە ئالمىغان قىزنىڭ چوڭ بولغاندا ياتار يېرى تالا بولىدۇ.

"شىنجاڭ مەدەنىيىتى"ژۇرنىلىنىڭ2007-يىللىق1-ساندىن.

2.ھازىر رادىئو-تېلىۋېزۇرلاردىكى كۆرمەي تۇرۇپ كېسەلگە مەسلىھەت بېرىش"غەربكە ساياھەت فىلىمىدىكى مايمۇنەك سۇنۋۇكۇڭ ئېيىتقان "يىپ تارتىپ تومۇر تۇتۇش"قا ئوخشاپ قالدى.

"شىنجاڭ مەدەنىيىتى"ژۇرنىلىنىڭ2007-يىللىق5-ساندىن.

3.باشقىلارنىڭمۇ ئۆزۈڭگە ئوخشاشلا ئادەم ئىكەنلىكىنى ئۇنتۇپ قالمىساڭ،خەقمۇ سېنى ئادەم قاتارىدا كۆرىدۇ.

4.كۇتۇپخانا خىزمەتچىسى بىر بولسا بىلىم دېڭىزىغا شۇڭغۇغان غەۋۋاس بولىدۇ؛بىرى بولسا،ئالتۇنلارنى دەسسەپ بايلىق ئىزدەپ يۇرگەن قارىغۇ.

5.پۇلى يوقلار يالىڭاچ قېلىشتىن ئەنسىرىسە،پۇلى كۆپلەر يالىڭاچلىنىشقا ئالدىراۋاتىدۇ.

6.ساڭا يېقىنلاشقان كىشى مۇنداق تۆت خىل بولىدۇ:بىرى،سېنى كۆرەلمەيدىغان كىشى؛بىرى،ساڭا قايىل بولغان كىشى؛بىرى،دۈشمىنىڭنىڭ يالاقچىسى؛يەنە بىرى بولسا،ساڭا ھاجىتى چۈشكەن كىشى.

7.ئارىمىزدا قان-تەر پۇرايدىغان يازغۇچىلاردىن رەڭ پۇرايدىغان يازغۇچىلار كۆپ.

8.ئاتا-ئاناڭنى ھەرەمگە ئاپارمىساڭ مەيلى،لېكىن خەققە يېلىندۇرما.

9."بالام ماڭا قارىمىدى"دەپ ئاغرىنىدىغان ئانىلار ئالدى بىلەن بالسىنىڭ  بوۋاق چېغىدائانا سۈتىگە قانغان-قانمىغانلىقىنى ئويلىسۇن.

"شىنجاڭ مەدەنىيىتى"ژۇرنىلىنىڭ2010-يىللىق2-ساندىن.

مەنبە:تاش