بىسمىللاھىررەھمانىررەھىم
ئەسسالامۇ ئەلەيكۈم؛
ئون سەككىز مىڭ ئالەمنىڭ رەببى ئاللاھقا چەكسىز شۇكۈرلەر ۋە ھەمدىلەر بولسۇن؛ئۇلۇق پەيغەمبىرىمىز مۇھەممەت ئەلەيھىسسالامغا ئاللاھنىڭ رەھمىتى ۋە سالامى بولسۇن،ۋە قىيامەتكىچە كەلگەن ئەر-ئايال مۇئمىنلەرگىمۇ ئاللاھنىڭ رەھمىتى بولسۇن.
ھارام يىگەن ئادەمنىڭ دۇئاسى ئىجابەت بولمايدۇ.
غەيۋەت قىلغان ئادەمنىڭ دۇئاسى ئىجابەت بولمايدۇ.
دىنى قېرىندىشىغا ھەسەت قىلغان، ئۆچمەنلىك قىلغان،سۇيىقەست قىلغان ئادەمنىڭ دۇئاسى ئىجابەت بولمايدۇ.
ھەدىس شەرىپتە پەيغەمبەر ئەلەيھىسسالام مۇنداق دىگەن؛بىر ئادەم چۆل-جەزىرىدە ئاللاھقا يىغلاپ تۇرۇپ دۇئا قىلدى،ئۇنىڭ يىگىنى ھارام،كەيگىنى ھارام دۇئاسى قانداقمۇ ئىجابەت بولسۇن.
ئىمامى رەببانى رەھمەتۇللاھە ئەلەي مۇنداق دەيدۇ؛يەتتە تۈرلۈك ئادەمنىڭ دۇئاسى قوبۇل بولماي ئۆزىگە قايتىدۇ.
1- پۇخرا پادىشاھنى قارغىسا دۇئاسى مەقبۇل ئەمەس.
2-بالا ئاتا-ئانىسىنى قارغىسا دۇئاسى مەقبۇل ئەمەس.
3-شاگىرت ئۇستازىنى قارغىسا دۇئاسى مەقبۇل ئەمەس.
4-خوتۇن ئېرىنى قارغىسا دۇئاسى مەقبۇل ئەمەس.
5-ئاتا-ئانا ئىلىم ئوقۇيمەن دەپ ئائىلىسىدىن قاچقان بالىسىنى قارغىسا دۇئاسى مەقبۇل ئەمەس.
6-ئاتا-ئانا قىزىنى ئاجىراش دىسە قىزى ئۇنىمىسا ،قارغىسا دۇئاسى مەقبۇل ئەمەس.
7-شاگىرت ناقىس ئۇستازدىن قېچىپ ،كامىل ئۇستازغا بارغان بولسا،ناقىس ئۇستازنىڭ دۇئاسى مەقبۇل ئەمەس.
دۇئانىڭ ئىجابەت بولىشى ئۈچۈن شەكلىك نەرسىلەردىن ئۆزىنى تارتىش كېرەك.قەرقانداق جايدا ھەرقانداق ۋاقىتتا ئاللاھ رىزالىقى ئۈچۈن ئاللاھدىن قورقۇپ تەقۋا بولۇش لازىم،(ھەتتا ئاشخانىلاردىمۇ قالايمىقان تائام يىمەسلىك،ھەم بازاردىكى ئادەملەرنىڭ نەزىرى چۈشكەن نەرسىلەردىنمۇ ساقلىنىش لازىم.)
تەقۋادار ئادەملەردىن دۇئا ئالساق ياخشى ئۇلارنىڭ دۇئاسى ئىجابەت.ھەقىقى ئاللاھ رىزالىقى ئۈچۈن ھاجى بولۇپ كەلگەن ھاجىلارنىڭ دۇئاسى ئىجابەت،شۇڭا ھەدىستە؛ھاجىلار يۇرتىغا قايتىپ كەلگەندە ئۇلاردىن دۇئا ئېلىڭلار ،ئۇلار ئانىدىن تۇغما پاك بولۇپ كەلدى ئۇلارنىڭ دۇئاسى ئىجابەت دىگەن.
كۆپ ئاغىرىق ئازاۋى تارتقان مۇئمىنلەرنىڭ دۇاسى ئىجابەت بولىدۇ،ھەدىستە ؛كېسەل تارتقان مۇئمىنلەرنىڭ دۇئاسى پەرىشتەلەرنىڭ دۇئاسىغا ئوخشاش ئىجابەت دەپ كۆرسىتىلگەن،شۇڭا كېسەل تارىتقان مۇئمىن ئادەمگە ئۆزى ئۈچۈن دۇئا قىلغۇزۇش سۇننەتتۇر.ئاللاھ ھەممىمىزگە ياخشىلىق ئاتا قىلىپ ،دۇئالىرىمىزنى ئىجابەت قىلغاي ئامىن.(شەرىئەتۇل ئىسلام دىگەن كىتاپتىن تەرجىمە قىلىندى)
