ئون چوڭ سىياسەت (خۇش خەۋەر)
2010 – يىلى 30 – دېكابىر ئاپتونوم رايون ئالىي مەكتەپ، ئوتتۇرا تېخنىكومنى پۈتكۈزگەنلەرنى ئىشقا ئورۇنلاشتۇرۇش خىزمىتىنى يەنىمۇ ئىلگىرى سۈرۈش سىياسىتى توغرىسىدا ئاخبارات ئېلان قىلىش يىغىنى ئېچىپ، 1 – يانۋاردىن باشلاپ يولغا قويۇلىدىغان ‹‹ئالىي مەكتەپ، ئوتتۇرا تېخنىكوملارنى پۈتكۈزگەنلەرنى ئىشقا ئورۇنلاشتۇرۇشنى يەنىمۇ ئىلگىرى سۈرۈش توغرىسىدىكى پىكىر(سىناق تەرىقىسىدە يولغا قويۇلىدۇ)››نى ئېلان قىلدى. يىغىندىن ئىگىلىشىمچە، 2014 – يىلىنىڭ ئاخىرىغىچە ئاپتونوم رايون ئون چوڭ سىياسەت قوللىنىپ، 2009 – يىلىدىن بۇرۇن ئوقۇش پۈتكۈزۈپ ئىشقا ئورۇنلىشالمىغان ئالىي مەكتەپ، ئوتتۇرا تېخنىكومنى پۈتكۈزگەنلەر ۋە 2010 – يىلىدىن 2012 – يىلىغىچە ئوقۇش پۈتكۈزگەن 280 مىڭ كىشىنى ئىشقا ئورۇنلاشتۇرۇشقا تىرىشىدىكەن.
بۇ ئون چوڭ سىياسەت تۆۋەندىكىچە:
بىرىنچى، كارخانىلار جەنۇبىي شىنجاڭدىكى ئىككى ۋىلايەت، بىر ئوبلاستتىكى ئوقۇش پۈتكۈزگەنلەر، ئاز سانلىق مىللەتلەر ياكى ئالىي مەكتەپ، ئوتتۇرا تېخنىكومنى پۈتكۈزگەن قىز ئوقۇغۇچىلارنى يېڭىدىن قوبۇل قىلغان، ئۇلار بىلەن بىر يىلدىن يۇقىرى ئەمگەك توختامى ئىمزالىغان ھەم بەلگىلىمە بويىچە ئىجتىمائىي سۇغۇرتا ھەققى تاپشۇرغان بولسا، قەرز ئالغاندا قوبۇل قىلغان ھەر بىر ئادىمى ئۈچۈن يىلىغا 50 مىڭ يۈەن قەرز پۇلىنىڭ ئۆسۈمى كۆتۈرۈۋېتىلىدۇ. ئۆسۈمنىڭ كۆتۈرۈۋېتىلىش سۈرىكى بىلەن ئەمگەك توختامىنى ئەمەلىي ئادا قىلغان ۋاقىت بىردەك بولۇپ، ئەڭ ئۇزاق بولغاندا بەش يىلدىن ئېشىپ كەتمەيدۇ.
ئىككىنچى، ئالىي مەكتەپ، ئوتتۇرا تېخنىكومنى پۈتكۈزگەنلەر كارخانىلاردا ئىشقا ئورۇنلىشىپ، بىر يىلدىن ئارتۇق ئەمگەك توختامى ئىمزالاپ، بەلگىلىمە بويىچە ئىجتىمائىي سۇغۇرتا ھەققى تاپشۇرسا، شەخس تاپشۇرىدىغان ئىجتىمائىي سۇغۇرتا ھەققى قىسمىنىڭ ھەممىسىگە تولۇق سوممىسى بويىچە ياردەم پۇلى بېرىلىدۇ، ياردەم پۇلى بېرىش مۇددىتى بىلەن ئەمگەك توختامىدىكى ئەمەلىي ئادا قىلىنغان مۇددەت ئوخشاش بولۇپ، ئەڭ ئۇزاق بولغاندا ئۈچ يىلدىن ئېشىپ كەتمەيدۇ.
ئۈچىنچى، ئالىي مەكتەپ، ئوتتۇرا تېخنىكوملارنى پۈتكۈزگەنلەرگە كەسىپ تەربىيەسى پىلانى يولغا قويۇلۇپ، كەسىپ تەربىيەسىگە قاتنىشىش ئارزۇسى بارلار پۈتۈنلەي ھەقسىز تەربىيەگە قاتناشتۇرۇلىدۇ.
تۆتىنچى، ئىشقا ئورۇنلىشالمىغان ئالىي مەكتەپ، ئوتتۇرا تېخنىكومنى پۈتكۈزگەنلەر تىل، ماھارەت، ئىگىلىك تىكلەش تەربىيەسىگە قاتناشسا، تەربىيەلەشكە قاتنىشىۋاتقان مەزگىلدە، شۇ جاينىڭ ئەڭ تۆۋەن تۇرمۇش كاپالەت ئۆلچىمى بويىچە تۇرمۇش ياردەم پۇلى بېرىلىدۇ.
بەشىنچى، جايلار ئالىي مەكتەپنى پۈتكۈزگەنلەرنى يېزا – بازارلارغا، كەنتلەرگە ۋە شەھەر، بازارلاردىكى مەھەللىلەرگە ئىشقا ئورۇنلىشىشقا يېتەكلەيدۇ. بۇنىڭ ئىچىدە، جەنۇبىي شىنجاڭنىڭ ئىككى ۋىلايەت، بىر ئوبلاستىدىكى نامرات ناھىيە، چېگرا ناھىيەلەردىكى يېزا – بازار، كەنتلەردىكى ئىجتىمائىي باشقۇرۇش ۋە ئاممىۋى مۇلازىمەت ئىش ئورۇنلىرىغا ئىشقا ئورۇنلاشقانلارنىڭ تۇرمۇش ياردەم پۇلى ئۆلچىمىنى شۇ جاينىڭ ئەڭ تۆۋەن ئىش ھەققى ئۆلچىمى(ئۈچ سۇغۇرتا، بىر فوندنى ئۆز ئىچىگە ئالمايدۇ)نىڭ ئىككى ھەسسىسى بويىچە ئۆستۈرۈشكە بولىدۇ.
ئالتىنچى، تۇنجى قېتىم ئىگىلىك تىكلەپ، خۇسۇسىي ئىگىلىك بىلەن شۇغۇللانغان ئالىي مەكتەپ، ئوتتۇرا تېخنىكوملارنى پۈتكۈزگەنلەرگە ‹‹ئىگىلىك تىكلەش بويىچە ئەنگە ئېلىش تۈزۈمى›› يولغا قويۇلىدۇ. ئەنگە ئېلىش مۇددىتى بىر يىل بولۇپ، ھېچقانداق ھەق ئېلىنمايدۇ، شۇنداقلا ئۈچ يىلغىچە باشقۇرۇش، تىزىملاش ۋە كىنىشكە تۈرىگە ئالاقىدار مەمۇرىي، كەسپىي ھەقلەر ئېلىنمايدۇ.
يەتتىنچى، جانلىق ئىشقا ئورۇنلىشىش، ئائىلە مۇلازىمەتچىلىكى قاتارلىق شەكىللەر بىلەن ئىشقا ئورۇنلاشقان ئالىي مەكتەپ، ئوتتۇرا تېخنىكومنى پۈتكۈزگەنلەرنىڭ شەخس ئەمەلىي تاپشۇرىدىغان ئاساسىي ياشانغاندا كۈتۈنۈش سۇغۇرتىسى ھەققى تولۇق سوممىسى بىلەن تولۇقلاپ ياردەم بېرىلىدۇ. مۇددىتى ئەڭ ئۇزاق بولغاندا ئۈچ يىلدىن ئېشىپ كەتمەيدۇ.
سەككىزىنچى، تۇنجى قېتىم ئىگىلىك تىكلەپ، خۇسۇسىي ئىگىلىك بىلەن شۇغۇللانغان ئالىي مەكتەپ، ئوتتۇرا تېخنىكومنى پۈتكۈزگەنلەرنىڭ ئاز سوممىلىق كېپىللىك قەرز پۇلى ئىلتىماس قىلىش سوممىسى 100 مىڭ يۈنگە ئۆستۈرۈلۈپ، قەرز پۇلى مۇددىتى ئۈچ يىلغا ئۇزارتىلىدۇ، قەرز مۇددىتى توشۇپ ئۇزارتىشقا توغرا كەلسە، بىر يىل ئۇزارتىشقا بولىدۇ. قەرز مۇددىتىدە، قەرز ئۆسۈمى تولۇق سوممىسى بىلەن كۆتۈرۈۋېتىلىدۇ، مۇددەت ئۇزارتىلغاندا ئۆسۈم كۆتۈرۈۋېتىلمەيدۇ.
توققۇزىنچى، پىراكتىكا قىلغان ئورۇن ئوقۇش پۈتكۈزگەنلەرنى كۈتۈلمىگەن جىسمانىي زىيان سۇغۇرتىسىغا قاتناشتۇرۇشى لازىم.
ئونىنچى، پۈتۈن كۈنلۈك تۈزۈمدىكى ئادەتتىكى ئالىي مەكتەپنى پۈتكۈزگەن ئاز سانلىق مىللەت ئوقۇغۇچىلىرى شىنجاڭغا ياردەم بېرىدىغان ئۆلكە – شەھەرلەرگە ئەۋەتىلىپ، مەلۇم مەزگىل تەربىيەگە، پىراكتىكىغا ۋە چېنىقىشقا قاتناشتۇرۇلىدۇ.
‹‹پىكىر››نىڭ نىشان ۋەزىپىسى: 2009 – يىلى يىل ئاخىرىدىن بۇرۇن ئالىي مەكتەپ، ئوتتۇرا تېخنىكوملارنى پۈتكۈزگەنلەرنى ئاساسىي جەھەتتىن ئىشقا ئورۇنلاشتۇرۇشنى نۆۋەتتىكى خىزمەتنىڭ مۇھىم نۇقتىسى قىلىش، 2012 – يىلى 5 – ئاينىڭ ئاخىرىدىن بۇرۇن تاماملاش، 2011 – يىلى يىل ئاخىرىدىن بۇرۇن ئاساسىي جەھەتتىن تاماملاشقا تىرىشىش.
ئاپتونوم رايوننىڭ مۇئاۋىن رەئىسى ئەركىن تۇنىياز ئاخبارات ئېلان قىلىش يىغىنىغا قاتناشتى ۋە مۇنداق دېدى: ھەر تۈرلۈك سىياسەت، تەدبىرلەردىن رايون ۋە سىستېما ھالقىپ بەھرىلىنىشقا بولىدۇ، ئوخشاش رايونلارنىڭ تەمىناتى ئوخشاش بولۇشى لازىم. ئالىي مەكتەپ، ئوتتۇرا تېخنىكومنى پۈتكۈزگەنلەر رايون ھالقىپ ئىشقا ئورۇنلاشقاندا، شۇ جايدىكى مۇناسىۋەتلىك ئورۇنلار سىياسەتنىڭ ئەمەلىيلىشىگە كاپالەتلىك قىلىشى كېرەك
كېلەر يىلدىن باشلاپ ئوقۇغۇچىلارنى تولۇق خىزمەتكە ئورۇنلاشتۇرىدىكەن ،،،
شىنجاڭ ئۇيغۇر ئاپتونوم رايونلۇق پارتكوم ، خەلق ھۆكۈمىتى يېقىندا ‹‹ ئاپتونوم رايونلۇق پارتكوم ، خەلق ھۆكۈمىتىنىڭ ئالىي مەكتەپ ، ئوتتۇرا تېخنىكوملارنى پۈتكۈزگەنلەرنى تولۇق ئىشقا ئورۇنلاشتۇرۇشنى يەنىمۇ ئىلگىرى سۈرۈش توغرىسىدىكى پىكرى ›› نى تۈزۈپ چىقتى . ‹‹ پىكىر ›› كېلەر يىلى 1 - يانۋاردىن باشلاپ يولغا قويۇلىدۇ .
ئىگىلىنىشىچە ، ئاپتونوم رايونلۇق پارتكوم ، خەلق ھۆكۈمىتى كېلەر يىلىدىن باشلاپ ئالىي مەكتەپ ، ئوتتۇرا تېخنىكوملارنى پۈتكۈزگەنلەرنى ئىشقا ئورۇنلاشتۇرۇش خىزمىتىنى بىرتۇتاش پىلانلاپ ياخشى ئىشلەپ ، ئالىي مەكتەپنى پۈتكۈزگەنلەر ، بولۇپمۇ جەنۇبىي شىنجاڭدىكى ئىككى ۋىلايەت ، بىر ئوبلاستتىكى ئالىي مەكتەپنى پۈتكۈزگەنلەر ، ئاز سانلىق مىللەتلەر ۋە ئالىي مەكتەپنى پۈتكۈزگەن قىز ئوقۇغۇچىلارنى ئىشقار ئورۇنلاشتۇرۇشنى ئىلگىرى سۈرىدىكەن ؛ 2014 - يىلىنىڭ ئاخىرىغىچە تەدبىر قوللىنىپ ، 2009 - يىلىدىن ئىلگىرى ئوقۇش پۈتكۈزۈپ ئىشقا ئورۇنلىشالمىغان ئالىي مەكتەپ ، ئوتتۇرا تېخنىكومنى پۈتكۈزگەنلەر ۋە 2010 - يىلىدىن 2012 - يىلىغىچە ئوقۇش پۈتكۈزىدىغان 280 مىڭ ئالىي مەكتەپ ئوقۇغۇچىسىنى ئاساسىي جەھەتتىن ئىشقا ئورۇنلاشتۇرۇشقا تىرىشىدىكەن . بۇنىڭ ئىچىدە كارخانىلار 90 مىڭ ئوقۇغۇچىنى قوبۇل قىلىشقا ئىلھاملاندۇرۇلىدىكەن ، ئاممىۋى مۇلازىمەت تارماقلىرىغا 40 مىڭ ، دېھقانچىلىق ، چارۋىچىلىق ئىشلەپچىقىرىشنى باشقۇرۇش ۋە مۇلازىمەت ئورۇنلىرىغا 18 مىڭ ، ئاساسىي قاتلام ئىشقا ئورۇنلاشتۇرۇش تۈرلىرىگە 17 مىڭ ئوقۇغۇچى ئورۇنلاشتۇرۇلىدىكەن ، ئورگانلارغا ئىمتىھان ئارقىلىق 10 مىڭ ، كەسپىي ئورۇنلارغا 49 مىڭ ئوقۇغۇچى قوبۇل قىلىنىدىكەن ، 31 مىڭ ئوقۇغۇچى ئىشقا ئورۇنلاشتۇرۇش پىراكتىكىسى قىلدۇرۇلۇپ ، 20 مىڭ ئوقۇغۇچى تۈرلۈك ئىشقا ئورۇنلاشتۇرۇش تەييارلىق پائالىيەتلىرىگە قاتناشتۇرۇلىدىكەن . ئۇنىڭدىن باشقا ، 2009 - يىلىنىڭ ئاخىرىغىچە ئالىي مەكتەپ ، ئوتتۇرا تېخنىكومنى پۈتكۈزۈپ ئىشقا ئورۇنلىشالمىغانلارنى ئىشقا ئورۇنلاشتۇرۇش خىزمەتنىڭ مۇھىم نۇقتىسى قىلىنىپ ، 2011 - يىلىنىڭ ئاخىرىغىچە ۋە 2012 - يىلى ماينىڭ ئاخىرىغىچە ئاساسىي جەھەتتىن ئىشقا ئورۇنلاشتۇرۇپ بولۇش نىشان قىلىنىدىكە
داۋامى بۇ ئۇلانمىدا :
http://bbs.12tagh.com/baghdax/bbs/read.php?tid=3060
