دۇنيادىكى ئەڭ قىممەت ئۆي سېتىلىشقا باشلىدى: ھەر كۋادراتى 680 مىڭ يۈەنلىك ئۆينى جۇڭگولۇق بايلارمۇ سېتىۋالدى .
ئەنگلىيە ئاخبارات ۋاستىسى 21-يانۋاردىكى خەۋىرىدە، ھەر كۋادراتى 64500 فوندستېرلىڭ (خەلق پۇلىغا سۇندۇرغاندا 677 مىڭ يۈەن) بولغان دۇنيادىكى ئەڭ قىممەت دەپ ئاتالغان ساراي ئەنگلىيەنىڭ «بىرىنچى نومۇرلۇق خەيدې باغچىسى» 20-يانۋار رەسمىي تىجارىتىنى باشلىدى. گەرچە باھاسى ناھايىتى ئۆرە بولسىمۇ، بۇ بىنانىڭ %60 ئۆيى بايلار تەرىپىدىن ناھايىتى تېزلا سېتىۋېلىندى.

قاتار دىپلوماتىيە ۋەزىرى

«بىرىنچى نومۇرلۇق خەيدې باغچىسى» 2006-يىلىدىن باشلاپ قۇرۇلۇش باشلىغان، پۈتۈن بىنادا 80 ئۆي بولۇپ، ئەڭ كىچىكىنىڭ كۆلىمى 93 كۋادرات مېتىر.

ئىگىلىنىشچە، قاتارنىڭ بىرىنچى مۇئاۋىن ۋەزىرى قوشۇمچە دىپلوماتىيە ۋەزىرى شىك خەمىد بىن جاسسىم يۈز مىليون پوند ستېرلىڭ مەبلەغ سېلىپ كۆلىمى 1858 كۋادرات مېتىرلىق.ئۆيدىن بىرنى سېتىۋالغان. بۇ ئەڭ ئۈستۈنكى قەۋەتتىكى ئىككى قەۋەتلىك ئۆي بولۇپ، «بىرىنچى نومۇرلۇق خەيدې باغچىسى»نىڭ «بىنا شاھى» ئىكەن، بۇ ئۆيدىن خەيدې باغچىسىنىڭ گۈزەل مەنزىرىسىنى 180 گرادۇسلۇق نۇقتىدىن كۆرگىلى بولىدىكەن. خەمىدنىڭ بۇ قېتىمقى ئۆي سېتىۋېلىشى پۈتۈنلەي ئۆز يېنىدىن پۇل چىقارغان بولۇپ، ئۇ يەنە خەيدې باغچىسىنىڭ مەبلەغ جەھەتتىكى قوللىغۇچىلىرىنىڭ بىرى ئىكەن.

ئۈچدەن بىر قىسىم سېتىۋالغۇچىلار رۇسىيەلىك

ئاشكارلىنىشچە، تىجارەت باشلىنىشتىن بۇرۇنلا %60 ئۆي سېتىلىپ بولغان.

ھازىرغا قەدەر ئەڭ چوڭ سېتىۋالغۇچى رۇسىيەلىك بولۇپ، ئۆي سېتىۋالغۇچىلارنىڭ ئۈچدەن بىر قىسمىنى ئىگىلەيدىكەن، %25 ئۆي سېتىۋالغۇچىلار بولسا ئوتتۇرا شەرقتىن كەلگەن، %20نى ئەنگلىيە ئىگەللەيدىكەن ئۇندىن باشقا ياۋروپا بىلەن ئامېرىكىلىق بايلارمۇ بار ئىكەن. مەسئۇل خادىملارنىڭ ئېيتىشىچە، جۇڭگولۇق بايلارمۇ سېتىۋېلىشقا تىزىملىتىپتۇ.

لوندون شەھىرىنىڭ مەركىزىگە ئورۇنلاشقان

خەۋەرقىلىنىشىچە، «بىرىنچى نومۇرلۇق خەيدې باغچىسى» ئەنگلىيە لوندون شەھىرىنىڭ مەركىزىدىكى خەيدې باغچىسىنىڭ يېنىدىكى چەۋەنداز كۆۋرۈكى ئەتراپىغا ئورۇنلاشقان ئىكەن. بۇ بىنا چارلىد دولجىس شېرىك شىركىتى تەرىپىدىن لايىھەلىنپ، بىر خىزمەت بىناسىنى چېقىپ ئورنىغا سالغان.، بۇ تۆت تۇتۇشۇپ كەتكەن يۇقىرى پەن-تېخنىكىلىق بىخەتەر ئولتۇراق بىناسىنى ئۆز ئىچىگە ئالىدىكەن، بىنانىڭ سىرتقى كۆرۈنۈشى ئالماسقا ئوخشاش بولۇپ تېمى ئەينەك بىلەن تۆمۈردىن قۇرۇلغان، شىمالىدا خەيدې باغچىسى، جەنۇبىدا چەۋەنداز كۆۋرۈكىنى كۆرگىلى بولىدىكەن.

دۇنيادىكى ئەڭ ئېسىل ئائىلە ئېلېكتر سايمانلىرى بىلەن بېزەلگەن

بۇ «دۇنيادىكى ئەڭ قىممەت ئۆي»نىڭ ئىچكى بېزىلىشى ناھايىتى ھەشەمەت، چىرايلىق بولۇپ، ھەممە ئۆيلەرگە ئەڭ داڭلىق ئۆي سايمانلىرى قوشۇپ بېرىلگەن. بۇنىڭدىن سىرت، بۇ بىنانىڭ ماشىنا توختىتىش مەيدانىدىن ئۆيگە لىفىت بىلەن ئۇدۇل چىققىلى بولۇپ، بايلارنىڭ شەخسىي تۇرمۇشى تولۇق كاپالەتكە ئىگە قىلىنغان.

پۈتۈن كۈنلۈك بەش يۇلتۇزلۇق مۇلازىمەت يۈرۈشلەشتۈرۈلگەن

بۇ ئائىلىكلەر رايونىدا سۇ بىلەن داۋالىنىش مەركىزى، راكېت توپى بىلەن ئۈزۈم ھارىقى تېتىش كۇلۇبى تەسىس قىلىنغان بولۇپ، بايلار سىرتقا چىقماي تۇرۇپلا يۇقىرى دەرىجىلىك تۇرمۇشتىن بەھرىمەن بولالايدىكەن. ئەڭ ئالاھىدە يېرى شۇكى، بىنانىڭ ئاستىدا بىر يەر ئاستى يولى لوندون ماندارىن ئورېنتال مېھمانسارىيىغا تۇتۇشقان بولۇپ، بايلارنى ھەر ۋاقىت 24 سائەتلىك بەش يۇلتۇزلۇق مۇلازىمەتتىن بەھرىمەن بولۇشقا ئىگە قىلىدىكەن. شۇنداقلا، ئەنگلىيەنىڭ ئەڭ داڭلىق تېلېۋىزور ئاشپىزى خەستون برۇسې مەنسو يېقىندا بۇ مېھمانسارايدا تاماقخانا ئاچماقچى بولغاچقا، بۇ بايلار تاماقلاردىنمۇ تولۇق ھۇزۇرلىنالايدىكەن. بۇنىڭ بىلەن بىر ۋاقىتتا، ئەگەر بايلار بازاردىن نەرسە سېتىۋالماقچى بولسىمۇ ناھايىتى قۇلايلىق، چۈنكى داڭلىق خاررود تۈرلۈك ماللار بازىرى بىلەن خارۋېي نېيكس ھەشەمەت بۇيۇمى دۇكىنى بۇ يەرگە ناھايىتى يېقىن ئىكەن.

سەئۇدى ئەرەبستانىنىڭ شاھزادىلىرى سېتۋالماپتۇدە  ؟

پۇلغا ئۆينى سېتىۋالغىلى بولغان بىلەن،سېتىۋالغىلى بولمايدىغان بىباھا نەرسىلەرمۇ بار

ئەرەپ شاھزادىلىرى بۇنداق ئۆي بارلىقىنى چوقۇم ئاڭلىماي قالغان ئوخشايدۇ .بولمىسا ئۇلار بۇنداق ئىشلاردا سەپنىڭ ئالدىدا ماڭاتتى .بۇكەمگىچە نەچچىسى تىپىرلاپ تۇرالماي .باشقىلارنىڭ سودىسنى بۇزۇش ئۈچۈن تىرىشىۋاتىدۇ ھەقاچان .....

نېمانچىۋالا  قىممەت بۇ  ئۆيلە  ...   ...

ئۇ ئالەمدە نەدە ئولتۇراكىىن بۇلا  

                      

/?a=azap888 ؟؟؟؟؟؟؟؟؟؟/?a=azap888 ؟؟؟؟؟؟؟؟؟؟؟؟؟؟؟؟؟؟؟