رەسىم:
رەسىم:
9 ياشلىق مېيىپ بالا 20 تال يالغان پۇتى بىلەن مېيىپلار ئولىمپىك مۇسابىقىسىگە قاتنىشىدىكەن
شىنخۇا تورىنىڭ 11-يانۋاردىكى تېلىگراممىسى: ئامىرىكا تېكساس شىتاتىدىكى 9 ياشلىق مېيىپ بالا، 20 تال يالغان پۇت تەييارلىغان بولۇپ، مېيىپلار مۇسابىقىسىگە قاتنىشىپ مۇكاپاتقا ئېرىشىش ئارزۇسى بار ئىكەن.
كودىي تۇغما مېيىپ بولۇپ، تۇغۇلىشىدىنلا ئىككى پۇتى يوق ئىكەن، يالغان پۇت ئورناتقاندىن كېيىن تەنتەربىيە ماھىرى بولۇشنى ئارزۇ قىلىدىكەن.
كودىينىڭ يالغان پۇتىنىڭ ئىقتىدارى ھەرخىل بولۇپ، بەزىلىرى يول مېڭىشقا ، بەزىلىرى ئولتۇرۇپ قوپۇشقا ئىشلىتىلىدىكەن، مۇشۇنداق بولغاندا كودىي ھەرخىل تەنتەربىيە پائالىيەتلىرىگە قاتنىشالايدىكەن.
ئۇزۇنغا يۈگۈرۈش، سۇ ئۈزۈش، توپ ئويناش، خوككىي توپى قاتارلىقلار گەرچە جىددىي سىقىلىشلىق ھەرىكەتلەر بولسىمۇ، لېكىن كودىي ھەممىسىنى قىلالايدىكەن، ھازىر ئۇ ئۇزۇنغا يۈگۈرۈشتە ئۆزى بىلەن تەڭ دېمەتلىك بالىلارنىڭ ئالدىدا تۇرىدىكەن.
كودىينىڭ دېيىشىچە، ئۇ ئۇزۇنغا يۈگۈرۈشنى ھەرگىز توختىتىپ قويمايدىكەن، مېيىپلار ئولىمپىك مۇسابىقىسىگە قاتنىشىپ ئالتۇن مىدال ئېلىشقا تىرىشىدىكەن.
