نىمىشقا ناماز ئۇقۇيمىز
ئاللاھ ئىنسانلارنى ۋە جىنلارنى پەقەت ئۈزىگىلا ئىبادەت قىلىشقا ياراتتى.بۇ ئاللاھنىڭ جىن،ۋە ئىنسانلارنى يارىتىشتىكى مەخسىتى. ئاللاھ شۇنداق ئادىلدۇركى ھېچقانداق بىر قەۋمگە پەيغەمبەر ئەۋەتمەستىن ئۇلارنى جازالىمىدى. ئاللاھ نۇرغۇنلىغان پەيغەمبەرلەرنى ئەۋەتتى.ئۇلارنىڭ بەزىسى ئۆزىنىڭ جەمەتىگە،بەزىسى ئۆز يۇرتىغا،بەزىسى ئۆز دۆلىتىگە،بەزىسى پۇتۇن دۇنياغا پەيغەمبەر بولدى. قۇرئاندا تىلغا ئېلىنغان پەيغەمبەر 25.بۇلارنىڭ بەزىسىگە ئاللاھ كىتاب چۈشۈردى. ئاللاھ ئادەمنى ياراتقاندىن باشلاپ تاكى ئاخىرقى پەيغەمبەر،بارلىق پەيغەمبەرلەرنىڭ گۈلتاجى پەيغەمبىرىمىز مۇھەممەد سەللەللاھۇ ئەلەيھى ۋەسەللەمگە قەدەر بارلىق پەيغەمبەرنىڭ چاقىرقى بىر ئىدى.يەنى ھەممىسى ئاللاھنىڭ بارلىق ۋە بىرلىكىگە چاقىراتتى.بۇ پۇتۇن پەيغەمبەرلەرنىڭ ئورتاق شۇئارى ئىدى.
ئاللاھ بىز ئۇممىتى مۇھەممەدكە رەھمەت نەزەرى بىلەن قاراپ دىن شەرىئەتلىرىنى يەڭگىل قىلىپ بەردى. باشقا پەيغەمبەرلەرنىڭ ئۇممەتلىرىگە ھارام قىلىنغان نەرسىلەرنى بىزلەرگە ھالال قىلىپ بەردى.ئاللاھ بىزگە ئىسلام دىننىڭ نىگىزى بولغان بەش پەرزنى ئادا قىلىشنى مەجبۇرىيەت قىلىپ بەلگىلىدى.بۇلار ``ئاللاھنىڭ بىرلىك ۋە بارلىقىغا ئىشىنىش،مۇھەممەدئەلەيھىسالامنىڭ ئاللاھ تەرەپتىن ئەۋەتىلگەن ئەلچى ئىكەنلىكىنى تەستىقلاش،بىر كىچە كۇندۇزدە بەش ۋاخ ناماز ئۇقۇش،نىسابىغا يەتسە يىل توشقاندا زاكات بىرىش،يىلدا بىر ئاي رۇزا تۇتۇش،قۇدرىتى يەتسە ئۆمرىدە بىر قېتىم ھەج قىلىش`` مانا بۇلار ئىسلامنىڭ پارلاق شۇئارى.
قارايدىغان بولساق ھەممىمىز ئاللاھنىڭ بىرلىك ۋە بارلىقىغا مۇھەممەد ئەلەيھىسالامنىڭ ئاللاھنىڭ ئەلچىسى ئىكەنلكىگە ئىشىنىمىز. نامازنى بەزىلىرىمىز ئۇقۇيمىز بەزىلىرىمىز ئۇقۇمايمىز. ئىسلام دىندىكى ئەڭ مۇھىم ئەڭ كاتتا،قىيامەت كۇنى ئاللاھ گۇناھىدىن ئۆتمەيدىغان ئەمەل نامازدۇر.
قېنى قېرىندىشىم ئىنساب بىلەن ئېيتىپ بېقىڭ. نامازنى سىز نىمە سەۋەبتىن ئۇقۇۋاتىسىز؟
كۆپىنچە قېرىنداشلىرىمىز نامازنى نىمىشقا ئۇقۇيسىز دىسە ئۇلار: ئاتا-بۇۋىمىز ئۇقۇپ كەلگەنكەن،ھەم ناماز ئۇقۇساق مۇسۇلمان بولغۇدەكمىز شۇڭا ئۇقۇۋاتىمىز دىيشىدۇ. يەنە بەزىلىرى ناماز ئۇقۇسام ئىشلىرىم ئۇڭۇشلۇق بۇلىدىكەن شۇڭا ئۇقۇدۇم دەيدۇ. بۇ ئەھۋال ھەتتا ئۇقۇغۇچىلاردىمۇ مەۋجۇت ئىكەن. مەلۇم بىر ئىنتاھان يېقىنلاشقاندا ئىنتاھاندىن ئۇتۇش ئۇچۇن ناماز ئوقۇشۇپ كىتىدىكەن. بۇغۇ ياخشى ئەھۋال بۇمۇ ئۇلارنىڭ ئىسلامنى چوڭ بىلگەنلىكى. يەنە بەزىلەر تىجارىتىم روناق تاپامدىكى دەپ ناماز ئۇقۇشىدۇ.يەنە بەزىلەر توي قىلىش ئۈچۈنمۇ ناماز ئۇقۇيدۇ ،بەزىلەر قىلۋاتقان ئىشلىرىنىڭ ئۇڭۇشلۇق بۇلىشى ئۈچۈن ئۇقۇيدۇ... ئىشقىلىپ ناماز ئۇقۇغۇچىلار نامازنى ئۆزىنىڭ مەلۇم بىر ئىشىنىڭ ياخشى بۇلىشى ئۇچۇن ئۇقۇيدىكەن ئۇنىڭ نامىزى ھىسابقا ئۆتمەيدۇ.نامازئۇقۇغۇچىلاردا‹ناماز ئاللاھنىڭ بىزگە بۇيرىغان بۇيرۇقى. بىز ناماز ئۇقۇش بىلەن ئاللاھنىڭ بۇيرۇقىنى قىلغان بۇلىمىز بىز نامازنى پەقەت ئاللاھ ئۈچۈنلا ئۇقيمىز›دىگەن ئىتقاد بولمايدىكەن ئۇقۇغان نامازلىرىنىڭ نەتىجىسى نۆل. يەنى ھەممىسى بىكارچى. ھەرقانداق بىر ئەمەلنى قىلساق پەقەت ئاللاھ ئۈچۈنلا قىلغاندا ئاللاھ مەقبۇل ئىتىدۇ. ئاللاھ كۈڭۈلدە ئۆيلىغانلىرىمىزنىمۇ بىلىپ تۇرىدۇ. بۇ ئاللاھقا ئاساندۇر.ئاللاھ قۇرئاندا مۇنداق دىگەن{ئۇلار پەقەت ئىبادەتنى خالىس ئاللاھ ئۈچۈنلا قىلىشقا،ھەق دىنغا ئىتقاد قىلغان ھالدا پەقەت ئاللاھقىلا ئىبادەت قىلىشقا بۇيرۇلدى.نامازنى ئادا قىلىشقا،زاكاتنى بىرىشكە(بۇيرۇلدى) ئەنە شۇلار (ناماز،زاكات،ئىخلاس ،ئىبادەتلا)توغرا دىندۇر(سۈرە بەييىنە 5.ئايەت) يەنە ئاللاھ قۇرئاندا ئۆزى ئۈچۈن قۇربانلىق قىلىنغان مال توغرىسىدا مۇنداق دىگەن{ئاللاھقا ئۇلارنىڭ گۆشلىرى،ۋە قانلىرى يىتىپ بارمايدۇ.ئاللاھقا يىتىدىغىنى پەقەتلا سىلەرنىڭ تەقۋالىقىڭلاردۇر.}(سۈرە ھەج 37.ئايەتنىڭ بىرقىسمى) مانا يۇقارقى ئايەتلەردە ھەرقانداق ئىبادەتلەرنى پەقەتلا ئاللاھ ئۈچۈنلا قىلمىسا قىلغان ئەمەللىرى بىكارچىدۇر.ئۇ ئەمەل ئىگىسىگە ھېچقانداق پايدا يەتكۈزەلمەيدۇ. مەخسۇس ئاللاھ نىڭ رىزالىقىنى كۆزلەپ قىلمىغان ھەرقانداق كاتتا ئەمەل ئىتىبارغا ئېلىنمايدۇ. گەرچە سىز پۇتۇن مال دۇنيالىرىڭىزنى سەدقە قىلسىڭىزمۇ،كىچىسى ناماز ئۇقۇپ كۇندۇزى رۇزا تۇتسىڭىزمۇ قەلبىڭىزدە ئاللاھقا بولغان مۇھەببىتىڭىز ،ئىخلاسىڭىز بولمىسا ھەممىسى بىكارچىدۇر.
ئابدۇراھمان ئىبنى سەخرە رەزىيەللاھۇ ئەنھۇدىن رىۋايەت قىلنىدۇ.پەيغەمبەر ئەلەيھىسالام مۇنداق دىگەن «ئاللاھ سىلەرنىڭ تۇرقۇڭلارغا،ۋە تاشقى سىياقىڭلارغا قارىمايدۇ. بەلكى سىلەرنىڭ قەلبىڭلارغا قارايدۇ»(مۇسلىم رىۋايەت قىلغان) ئاللاھ قەلىبلەردىكىلەرنى بىلىپ تۇرىدۇ. سىز ئاللاھ ئۈچۈن ھەقىقى ئىىلاسىڭىز بىلەن بىر تەڭگە سەدقە قىلسىڭىز ئاللاھنىڭ نەزرىدە بۇ بىر تەڭگىڭىزدىن ئارتۇق سۈيۈملۇك نەرسە بولمايدۇ. شۇڭا بىز ھەرقانداق بىر ئەمەلنى قىلىدىكەنمىز پەقەت ئاللاھ ئۈچۈنلا قىلساق مانا بۇ بىزنىڭ ھەقىقى مۇسۇلمانلىقىمىز.ھەتتا سىز شۇنداق نىيەتتە قىلغان تىجارىتىڭىز،ئەمگەكلىرىڭىز،ھەممىسى ئىبادەت ھىسابلىنىدۇ. ئەگەر سىز نامازنى ئاللاھنىڭ رىزالىقىنى كۆزلەپ ئۇقۇماي باشقا مەخسەتلەردە ئۇقۇپ كىلۋاتقان بولسىڭىز ھازىردىن باشلاپ نامىزىڭىزنى ۋە بارلىق ئىبادەتلىرىڭىزنى ئاللاھ ئۈچۈنلا قىلىڭ. مانا بۇ نىجات يۇلى.
