1. يۇيۇنغاندا سوپۇننىڭ ئورنىغا چىش پاستىسى ئىشلەتسىڭىز، بەدىنىڭىزدىكى كىرلەرنى تازىلاش مەقسىتىگە يېتەلەيسىز ھەم ئۆزىڭىزنى سالقىن ھېس قىلىسىز. 
  2. ياز كۈنى بەدەنگە ئاسانلا ئىسسىقلىق ئۆرلەپ قالىدۇ. بۇنداق ۋاقىتتا سىز ئىسسىقلىق ئۆرلىگەن ئورۇننى ئىلمان سۇدا يۇيۇپ تازىلىغاندىن كېيىن، شۇ ئورۇنغا چىش پاستىسىنى سۈرۈپ قويسىڭىز، ئىسسىقلىق يوقاپ كېتىدۇ.  
  3. مەلۇم ئورۇن كىچىك دائىرىدە سۈركىلىپ يارىلىنىپ، بەزى جايلار ئىششىپ قالغاندا، يارا ئېغىزىغا ئازراق چىش پاستىسى سۈرۈپ قويسىڭىز ئاغرىق پەسەيتىش، قان توختىتىش، ئىششىقنى يېنىكلىتىش رولى بولغاندىن سىرت يەنە يارا ئېغىزىنىڭ يىرىڭداپ قېلىشنىڭ ئالدىنى ئالغىلى بولىدۇ.  
  4. پاشا، ھەرە، چايان، سەكسەنپۇت قاتارلىق ھاشارەتلەر چېقىۋالغاندا، يارا ئېغىزىغا چىش پاستىسى سۈرۈپ قويساق، قىچىشىش، ئاغرىق توختىغاندىن سىرت يەنە ئىششىقمۇ تېز يانىدۇ. 
  5. ئەرلەر ساقال ئالغاندا، سوپۇننىڭ ئورنىغا چىش پاستىسى ئىشلەتسە بولىدۇ، چۈنكى چىش پاستىسى تەركىبىدە ئىيونلۇق تۇز بولمىغانلىقتىن، تېرىنى غىدىقلىمايدۇ، ھەم مازغىپىمۇ مول، شۇنداقلا ھىدىمۇ ناھايىتى خۇشبۇي بولۇپ ئادەمگە ھوزۇر بېغىشلايدۇ.   
  6. ياز كۈنلىرى ئادەم بەدىنىگە ئاسانلا تەمرەتكە چىقىپ قالىدۇ، بۇ ۋاقىتتا شۇ ئورۇننى پاكىز يۇيۇپ، سۈرتۈۋەتكەندىن كېيىن چىش پاستىسى سۈرۈپ قويساق ئۈنۈمى ناھايىتى ياخشى بولىدۇ.  
  7. ياز كۈنلىرى بەزى كىشلەرنىڭ پۇت پۇراش كېسىلى قوزغىلىپ قالىدۇ. بۇنداق ۋاقىتتا ئاسپىرىننى ئېزىپ، چىش پاستىسىغا ئارىلاشتۇرۇپ پۇتقا سۈرۈپ قويساق، قىچىشىشنى توختىتىپ، مىكروب ئۆلتۈرىدۇ. , 
  8. ياز كۈنى ئادەم كۆپ تەرلەيدۇ، كۆڭلەكنىڭ ياقا، يەڭلىرى ئاسان داغ بولىدۇ ھەم بۇ تەر داغلىرىنى يۇيۇپ چىقىرىش تەسكە توختايدۇ، بۇ ۋاقىتتا شۇ ئورۇنغا ئازراق چىش پاستىسى سۈرۈپ ئۇۋۇلاپ يۇيىۋەتسىڭىز تەر داغلىرى چىقىپ كېتىدۇ

شۇنداق  ياخشى يېزىپ يوللاپسىز  ئەقلىڭىزگە مىڭ رەھمھەت

بوپ قويدىغان چارىلەركەن .