بۇ فىلىمنى كۆرۈپ ناھايىتى ھەيران بولدۇم، كۆرۈۋېتىپ كۆزلىرىمدىن تاراملاپ ياش تۆكۈلدى. بىر خىل مىللىي ئىپتىخارلىق، مەمنۇنلۇق تۇيغۇسى يۈرىكىمنى لەرزىگە سالدى. يۈگرىگەن پېتىم سىرتقا چىققۇم، ئىچىمگە پاتماستىن بار ئاۋازىم بىلەن ۋارقىرىغۇم، ۋارقىراپ تۇرۇپ ھۆڭرەپ-ھۆڭرەپ يىغلىۋالغۇم كەلدى! ئارىلىق ئاجايىپ يىراق بولسىمۇ يۈرەك قېرىنداشلىقنى سېزىپ تۇرىدىكەن. ئەلۋەتتە، ئۇلۇغ ئالىم شۆھرەت مۇتەللىپ ۋە ئۇنىڭ ئائىلىسىدىكىلەر بىزنىڭ قېرىندىشىمىز، بىزنىڭ يېقىن تۇغقىنىمىز. ھېچكىم ئۇلارنىڭ تومۇرىدا ئېقىۋاتقىنىنى ئانا تارىمنىڭ قېنى ئەمەس دېيەلمەيدۇ. توغراق روھى ئۇلارغا ھەقىقىي مۇجەسسەم، ئۇلار جۇدالىقنى، يالغۇزلۇقنى، يۇرتنى سېغىنىش ئازابلىرىنى يېڭىپ، يەر ئانىغا چەكسىز يىلتىز تارتتى. ئۇلۇغ ئاللا ئالىمنىڭ ئۆمرىنى ئۇزۇن، ئىشلىرىنى مۇۋەپپەقىيەتلىك قىلسۇن، ئائىلىسىگە بەخت ۋە خاتىرجەملىك ئاتا قىلسۇن، باسقان ھەر بىر قەدىمى نۇرلارغا تولسۇن！
