ئەسسالامۇ ئەلەيكۈم قېرىنداشلار!  مەن بۇ مۇنبەرگە بۈگۈن يېڭىدن ئەزا بولغان . شوڭا قۇرۇق كەلمەي دەپ بىر پارچە شېئىر ئېلىپ كەلدىم ! ياقتۇرۇشىڭلارنى ئۈمىد قىلىمەن .   

    ئويغانغاندا ئۇيقۇمدىن بۇگۇن
  
      چۈشۈمدە مەن بوپتىمەن «خاقان» ،
      تاۋارلاردىن كىمخاپ تون كىيگەن .
      تىزىلىپتۇ ئالدىمدا ھەممە ،
      باشلىرى پەس ، بېلى مۈكچەيگەن.

     توساتتىنلا سائەت جىرىڭلاپ ،
     چۈشلىرىمدىن كەتتىم ئويغىنىپ.
     ۋۇجۇدۇمدا مەۋھۇم بىر سېزىم ،
     رىئاللىقنى قالدىم ئويلىنىپ .


     ياشىغان مەن بىر چاغدا شۇنداق ،
     مەرىپەتتە گۇيا خاقاندەك .
     قاچانلاردا كەتتىم ئۇيقۇغا ،
     دەۋىر كېتىپ قاپتۇ ئۇچقاندەك.

     ئويغانغاندا ئۇيقۇمدىن بۇگۇن ،
     تۇيۇلماقتا ھەممىلا يېڭى .
     كۆزلىرىمگە ئىشەنمەي قالدىم،
     ماڭا تۇنۇش چىرايلار قېنى ؟

     كوچا يېڭى ، ئادەملەر يېڭى ،
     ماڭا تۇنۇش ئۇزۇن چاچلار يوق.
     ھېسمۇ يېڭى ھېسىياتمۇ ھەم ،
     ماڭا تۇنۇش قەلىبداشلار يوق .

     تېڭىرقاپلا قالدىم مەن بۈگۈن ،
     يېڭىلىقنى تۇنۇپ بولالماي .
     ئۆزگىرىشكە ئىنتىلىپ قەلبىم ،
     ئاۋارىمەن، دوراپ بولالماي .

     ئويلاپ دائىم خەقتىن ئېشىشنى ،
     پۈككەن ئىدىم قەلبىمگە ئارمان.
     نىچۈن؟لىكىن بۈگۈن ھالىم بوش،
    بۇ جىسمىمدە يەتمىدى دەرمان.
   
      
          2009-يىل 4 ئاي
         مەنبە:ئىجادىيەت