گۇاڭشىغا ئالداپ ئەپكىتىلگەن شىنجاڭلىق بالا ساقچىلارنىڭ ياردىمىدە ئاتىسى بىلەن جەم بولدى ئاتا-بالا جەم بولدى
ساقچى بالىنىڭ يوتقىنىنى يېپىپ قويماقتا
ئايرىلىش ۋاقتىدا بالىنىڭ دادىسى ساقچىغا كەينى -كەينىدىن رەھمەت ئېيتىپ نان سوۋغا قىلدى
14ياشلىق ئۆسمۈر بالا شىنجاڭدىن گۇاڭشىغا ئالداپ ئەپكىلىنىپ ئىككى ئايدىن كىيىن پۇرسەت تېپىپ قىچىپ نەننىڭ شەھىرى ئىقتىسادىي ئېچىۋىتىش رايونى ساقچىخانىسىدىن قۇتقۇزىۋىلىشنى تەلەپ قىلغان.ساقچىلار بالىنى ياخشى ئورۇنلاشتۇرۇپ ،بالىنىڭ ئائىلىسىدىكىلەر بىلەن ئالاقىلاشقان .
12-ئاينىڭ 19-كۈنى تۇردى قاسىم كۆرۈشمىگىلى ئۇزۇن بولغان سۆيۈملۈك ئوغلىنى كۆرۈپ كۆزلىرىگە ئىسسسىق ياش ئالغان ھالدا باغرىغا چىڭ باستى.
ساقچىنىڭ ئىيتىشىچە تۇرسۇن تۇردى ئىسىملىك بۇبالا 12-ئاينىڭ 12-كۈنى نەننىڭ ئېچىۋىتىش رايونى ساقچىخانىسىغا بارغان چېغىدا ئىنتايىن جىددىيلىشىپ كەتكەن،لېكىن تىل بىلمىگەچكە ساقچىغا ئەھۋالنى چۈشەندۈرەلمىگەن،ئاخىرى بىر نەچچە تېلفۇن نومۇرلىرىنى يېزىپ بەرگەن.ساقچىلار شۇ ئارقىلىق بالىنىڭ ئائىلىسىدىكىلەر بىلەن ئالاقىلاشقان .
بۇ بالا ئاقسۇ ئۈچتۇرپان ناھىيىسىدىن بولۇپ،ساقچىلارنىڭ ياردىمىدە مىھمانخانىغا ئورۇنلاشتۇرۇلغان ،مىھمانخانىدىكىلەرمۇ ئۇنىڭغا ياخشى قارىغان ،ساقچى يولداشلار ئۇنى دائىم يوقلاپ تۇرغان،ئۇنىڭغا بىر قانچە قۇر كىيىم-كېچەك ئىلىپ بەرگەن.
دادىسىنىڭ ئېيتىشىچە ئوغلى 8-ئايدا مەكتەپتىن چىقىۋالغان بولۇپ ،10-ئاينىڭ 2-كۈنى يوقاپ كەتكەن ،ئائىلسىدىكىلەرنىڭ ئىزدىمىگەن يېرى قالمىغان،ساقچىغا مەلۇم قىلغان.
بالىنىڭ دېيىشچە،10-ئاينىڭ 2-كۈنى بالا بازار ئايلىنىپ يۈرگەندە ،بىر نەچچە ئەر كىشى ئۇنى ئالداپ ماشىنىغا چىقارغان،ئارقىدىن پويىز بىلەن گۇاشىغا ئەپكەلگەن،ئۇلار يۈلىندا بىر مەزگىل تۇرۇپ 10-ئاينىڭ 22-كۈنى نەننىڭگە كەلگەن.ئىككى ئاي ئىچىدە ئادەم بېدىكلىرى تەرىپىدىن مەجبۇرىي ئوغۇرلۇققا سېلىنغان.بالا ئۇلار ئۇخلاۋاتقان پۇرسەتتىن پايدىلىنىپ قېچىپ چىقىپ، دادىسىغا تېلفۇن قىلغان. ئارقىدىن ساقچى ئىدارىسىدىن ياردەم تەلەپ قىلغان.
