ئەسسالامۇ ئەلەيكۇم !
ھازىر چوڭ شەھەرلەردە چەتئەلللەرنى دوراپ ئوتتۇرا مەكەپ ئوقۇغۇچىلىرىغا توغرا بولغان جىنسى تەربىيە ۋە مۇھەببەت قارىشى دەرسى تەسىسى قىلىنىۋاتىدۇ .قارىماققا بۇ تەربىيىلەر شۇنداق سىلىق ۋە ئىجابىي كۆرىنىدۇ .لېكىن ئىتىقات نۇقتىسىدىن كۈزەتسەك ئۇلارنىڭ بالىلارنىڭ ئەركىن جىنسى مۇناسىۋەت قىلىشىغا قارىتا ئامالسىز قوللانغان ئۇسۇل ئىكەنلىكىنى بايقىيالايمىز .ئوتتۇرا مەكتەپ بالىلىرىغان گاندون ئىشلىتىشنى ئۆگىتىدىكەن ...
ئەمەلىيەتتە مۇسۇلمانلاردا جۈملىدىن ئۇيغۇرلاردا مۇكەممەل جىنسى تەربىيە يەنى ئىپپەت تەربىيىسى بىرىدىغان ئەخلاقى سۆزلەر بىلەن پاساھەتلىك ئۇسوللار بىلەن يېزىلغان قابۇسنامە ۋە شۇنىڭغا ئوخشايدىغان ئىپپەت تەربىيەسى بىرىدىغان كىتاپلىرىمىز ئەڭ موھىمى قۇرئان كەرىمىمىز بار .
((زىنا قىلغۇچى ئەر پەقەت زىنا قىلغۇچى ئايالنى ياكى مۇشرىك ئايالنىلا ئالىدۇ، زىنا قىلغۇچى ئايال پەقەت زىنا قىلغۇچى ئەرگە ياكى مۇشرىككىلا تىگىدۇ، ئۇنداق قىلىش مۆمىنلەرگە ھارام قىلىندى)) [نۇر سۈرىسى 3- ئايەت] پەيغەمبەر ئەلەيھىسسالام بۇ ئايەتنى ئۇنىڭغا ئوقۇپ بېرىپ: ((ئۇنى ئالمىغىن)) دېگەن([23]).

چۈنكى ئاللاھ تائالا پەقەت مۆمىن ئاياللارنىڭ ئىپپەتلىكىنى ۋە ئەھلى كىتابنىڭ ئىپپەتلىك ئاياللىرىنى ئېلىشقىلا رۇخسەت قىلغان، ھەمدە ئۇلارنى ئالىدىغان ئەرلەرنىڭمۇ ئىپپەتلىك بولۇشىنى شەرت قىلغان. ئاللاھ تائالا مۇنداق دېگەن: 

((زىنادىن ساقلىنىپ ئىپپەتلىك بولغان ھالدا)) [نىسا سۈرىسى 24- ئايەت]

شۇڭا كىمكى ئۇلۇغ ئاللاھنىڭ كىتابىدىكى بۇ ھۆكۈمنى قوبۇل قىلمىسا ھەمدە ئۇنىڭغا ئەمەل قىلمىسا ئۇ مۇشرىك ھېسابلىنىدۇ. ئۇنىڭ بىلەن ئۆيلىنىشكە پەقەتلا شۇنىڭغا ئوخشاش مۇشرىكلا رازى بولىدۇ. كىمكى بۇ ھۇكۈمگە ئىقرار قىلىپ، ئۇنى قوبۇل قىلسا، لېكىن ئۇنىڭغا خىلاپلىق قىلىپ، ئۆيلىنىشى ھارام بولغان كىشىگە ئۆيلەنسە بۇنداق ئەھۋالدا،  ئۇ زىناخور بولىدۇ.

بۇ ئايەت نۇر سۈرىسىدىكى دەررە ئۇرۇش ئايىتىدىن كېيىن كەلگەن: 

((زىنا قىلغۇچى ئايال ۋە زىنا قىلغۇچى ئەرنىڭ ھەر بىرىنى يۈز دەررىدىن ئۇرۇڭلار)) [نۇر سۈرىسى 2 - ئايەت]

بۇ بولسا جىسمانىي جازادۇر، ئەمما زىناخور بىلەن توي قىلىشنى چەكلەش بولسا، مەنىۋى جازادۇر. بۇ خۇددى ھازىرقى قانۇنلاردا گەرەجدانلىقتىن مەھرۇم قىلىشقا ياكى مەلۇم بىر ھوقۇقتىن مەھرۇم قىلىش جازاسىغا ئوخشايدۇ.

مېنىڭ بۇ تېمىنى يېزىشتا ئوبىكتىپ سەۋەپ شۇكى ھازىرقى مائارىپ سېستىمىسىدا ئۆسىۋاتقان بالىلرىمىزغا قانداق يوسۇندا ئىپپەت تەربىيەسى ئېلىپ بارىمىز ؟ئەگەر بالىمىزنى خەنزۇچە مەكتەپكە بەرگەن بولساق ئۇلارغا ئىپپەت تەربىيەسى ئېلىپ بارىدىغان قانداق ياخشى ئۇسوللار بار ؟(مائارىپنى سۆكۈدىغان مۇنازىرە تەلەپ قىلىنمايدۇ )
بالىسىغا ئىپپەت تەربىيەسى قىلىپ مۇئاپىقىيەت قازانغان ئاتا ئانىلار بۇ مۇنازىرىگە قاتناشسا ..بۇ ھەقتە بىلىمى چوڭقۇرلار قوللىنىشچان  بىر چارە كۆرسەتسە دەيمەن .كۆرسەتكەن چارىڭىز ئامال بار ئۇيغۇر مەكتەپلەردە ئوقۇۋاتقان بالىلارغا ۋە خەنزۇ مەكتەپتە ئوقۇۋاتقان بالىلارغا ئايرىم ئايرىم قانداق ئېلىپ بارىمىز دىگەن سۇئالدا بولسۇن ..
قېنى كۆپچىلىك بىلگىنىمىزنى ئايىمايلى ..

مەنبە :مەن

  بۇ تېمىنى يازغان دوستىمىزغا ئاللاھ ئەجىر ئاتا قىلسۇن!
  پەرزەنت تەربىيىسىگە ئائىت تېمىلار مېنى بەك قىزىقتۇرىدۇ. چۈنكى بىزدە كارىل، سىتاتالارنىڭ كىتابلېرى بار. تېخى بىرەر ئۇيغۇرنىڭ ئۆز بالىسىنى قانداق تەربىيلەپ ئىختىساس ئىگىسى قىلىپ تەربىيلەش جەريانىدا يازغان بىرەر پارچە كىتابىنى كۆرۈپ باقمىدىم، پەقەتلا ئۇنداق قىلىڭ، مۇنداق قىلىڭ، ئۇنى قىلماڭ، بۇنى قىلماڭ دېگەندەك مەزمونلار سۆزلەنگەن كىتابلار. كونكىرت جەريانچۇ؟ مۇشۇ دەۋر، ھېچبولمىغاندا 80-، 90-يىللاردىكى بالا تەربىيلەش جەريانىدا يېزىلغان، ئەمەلي ئىشلار سۆزلەنگەن كىتابلار قېنى؟

   مەن بىر نەچچە يىل بۇرۇن تېلۋىزىيىدىن زىيالىمىز يالقۇن روزى ئاكىمىزنىڭ بالىسى توغرىسىدا توختالغان قىسقىلا بىر كۆرۈنۈشنى كۆرۈپ قالدىم. بەك قىسقا بولسىمۇ ئۇنىڭ بالىسىنى ياخشى تەربىيلىكەنلىكىنى ھېس قىلدىم ۋە شۇ ۋاقىتتىلا ئويلىدىم: مۇشۇ ئاكاش بولسىمۇ بىرەر پارچە كىتاب يېزىپ باققان بولسا، بىزدەك سولتەكلەر بالىمىزنى تەربىيلىگۈچە ئاز-تولا تەجرىبىلىك بولاتتۇقمىكىن دەپ. كىيىن ئەسئەت سۇلايمان ئاكىمىزنىڭ (ئۆزلۈك ۋە كىملىك)دېگەن كتابىدىن قىزى توغرىسىدا يازغانلېرىنى كۆردۈم، لېكىن پەقەتلا قانمىدىم. تۇرۇپلا ئەركىن سىدىق ئاكىمىزنى ئەسلەپ، ئوغلى توغرىسىدا يېزىپ باقسىمامدۇ دەپ ئويلاپ قالدىم. لېكىن ھەممىسى يازمىدى. ئەل ئاغىنىلېرىمنىڭ بالا تەربىيلىكەنلىكىنى كۆرگەنمۇ بولدۇم، لېكىن بۇ ئارزويۇم شۇ پېتىچە قېلىۋەردى.  

   كىيىن ئۇنى- بۇنى ئىزدەپ يۈرۈپ، (پەيغەمبەر ئەلەيھىسسالامنىڭ پەرزەنت تەربىيىسى)نى ئۇچرىتىپ قالدىم. بۇ كىتاب ماڭا خېلى تەسىر قىلدى، چاڭقىغان يەرلەرگە تەگدى. خاتا كەتكۈزۈپ قويغانلېرىمنى ئويلىغىنىمدا ئىنتايىن ئازابلاندىم، توغرا قىلىغان ۋە قىلىۋاتقانلىقىمنى كۆرگىنىمدە شاتلاندىم، ئۆزۈمگە بولغان ئىشەنچىم ئاشتى. بۇ كىتابتا كالامۇللاھ ۋە ھەدىس شەرىپلەردىكى تەربىيە جۇغلانمىلىرى مۇجەسسەملەنگەن بولۇپ، ماڭا ھەقىقەتەن كۆپ ياردىمى بولدى. بۇ كىتابتىن خاتىرە قالدۇرغانمۇ بولدۇم. بىر ئائىلىدە چوقۇم بولۇشقا تېگىشلىك دىيىلسە مۇشۇ كىتابىنى دوستلارغا چىن كۆڭلۈمدىن تەۋسىيە قىلىمەن. ھەقىقەتەن ياخشى كىتاب، ماڭا ياققان كىتاب. دوستلار كۆرۈپ باقسا بولىدۇ.
   (بۇ تېمىدا داۋاملىق توختىلىمىز)