ئىشەك بىلەن ئات بىر ئېغىلدا تۇرىدىكەن. بىر كۈنى ئىشەك ئاتتىن گۇمانلىنىپ «بۇ قېرى ئات ئوزۇن بولدى، ھېچنىمە دىمەيدىغان بولىۋالدى. گەپ قىلسام جاۋاب قايتۇرمايدۇ، ئۇنىڭ قۇلىقىدا چاتاق بارمۇيا» دەپ ئويلاپتۇ ۋە ئاتنىڭ قۇلىقىنى سىناپ باقماقچى بولۇپ بىر ھازا سۆزلەپتۇ، ئاتتىن سادا چىقماپتۇ. ئىشەك ئۇنىڭغا:
-ھەي ئات! سۆزۈمنى ئاڭلدىڭمۇ. ئاڭلىغان بولساڭ، گەپ قىل.
ئات ئۈندىمەپتۇ.
- ئا خۇدا، بۇ ئات راستىنلا گاس بوپتۇ-دە، دەپ ئويلىغان ئىشەك ئۇنىڭغا يەنە ئازراق يېقىنلىشىپ دەپتۇ.
- -ھەي ئات! سۆزۈمنى ئاڭلدىڭمۇ. ئاڭلىغان بولساڭ، گەپ قىل. ئات يەنە ئۈندىمەپتۇ. تىرىككەن ئىشەك «يا ئاللا، بۇ ئات راستىنلا تۈگىشىپتۇ» دەپ ئويلاپ ئۇنىڭغا ئىككى قەدەم ئارلىق قالغۇچىلىك يېقىنلىشىپ:
- ھەي ئۆلەرمەن قېرى ئات! سۆزۈمنى ئاڭلىدىڭمۇ، ئاڭلىغان بولساڭ، گەپ قىل. دەپتۇ. ۋە ئاتنىڭ:
-ئاڭلدىم، نىمە تولا دەۋىرىسەن ئادەمنى بىزار قىلىپ، بۇ مىنىڭ ساڭا ئۈچىنچى قېتىم جاۋاب بىرىشىم، قارىغاندا سەن قۇلىقىڭنى تەكشۈرتۇپ كۆرسەڭ بولغۇدەك. دىگىنىنى ئاڭلاپتۇ ئىشەك.
مەنبە: خەلق
