ئەسسالامۇ ئەلەيكۈم قېرىنداشلار . مەن بۇ مۇنبەردىكى تالاش-تارتىشلارنىڭ كۆپلىكى سەۋەپلىك ،مۇنبەرگە ئەسەر يوللىمىغىنىمغا بەك ئۇزۇن بولغان ئىدى ، بېرەر ئەسەرنى يوللاي دەيمەنۇ ،بېرەرسىڭلارنىڭ تىللاپ سېلىشىڭلاردىن قورقۇپ يوللايالمايتىم . بۆگۈن مۇنبەرگە كىرىپ كەڭساي ئەپەندىنىڭ "قىزلاردا نىمە گۇناھ" ناملىق تېمىسىنى ئۇقۇپ چىقتىم ، ئۇ تېمىدىكى مەزمۇن شۇنداق ياخشىكەن، ئەسلىدە تىمىدا ئوتتۇرغا قۇيۇلغان مەسىللىلەر ھەر بىرىمىزنىڭ ئويلىنىشىغا تىگىشلىك مەسىلىلەر بولسىمۇ ،  بىراق تىما ئاستىدىكى بىر قىسىم  ئىنكاسلارنى كۆرۈپ  كۆڭلۈم بىر ئاز يېرىم بولدى .
ئەمدى قۇرۇق گەپنى ئاز قىلىپ ،قالغىنىنى تۆۋەندىكى شېئىرىم ئارقىلىق سۆزلەي !بۇ قېتىم ھەر قانداق يامان گەپلەرگە تەييارلىقىم بار . يەنە قالاينىقان سۆزلەيدىغانلار بولسا تارتىنماي  سۆزلەۋېرىڭلار ! گەپلىرىم ئېغىر كەتكەن بولسا ئەپۇ قىلارسىلەر !

(سەمىمى ئەسكەرتىش :مەن بۇ شېئىرنى مىللىتىمىزنىڭ بارلىق ئۇتۇقلىرىنى كۆرمەيۋاتقان ،كۆز ئالدىغا پەقەت ناچارلىقلارلا كېلىدىغان ، ئۆز مىللىتىنى ئۆزى«ناچار» دەيدىغانلارنىڭ سۆزىگە قارتا يازدىم ، مۇنبەردىكى يامان ئىللەتلەرنى باتۇرلۇق بىلەن قامچىلاۋاتقان قامچىكەش دوسلىرىمغا تېگىپ كەتمەسلىكىنى ئۆمىد قىلىمەن . ياقتۇرۇپ ئۇقۇشىڭلارنى ،شۇنداقلا قىممەتلىك تەكلىپ پىكىرلەرنى ئايىماسلىقىڭلارنى سورايمەن . )

ناچار دىمەڭ مىللەتنى

يۇقتۇرۋېلىپ يامان،ناچار ئىللەتنى ،
ھەمراھ قىلىپ قاملاشمىغان ئۈلپەتنى،
ئاڭقىرالماي شۇنچە ئېسىل خىسلەتنى ،
كۆزنى يۇمۇپ «ناچار» دىمەڭ مىللەتنى .

يىقىلسىڭىز ئۆزىڭىزدىن كۆرمەستىن ،
مىللەت ئۈچۈن ھىچ ھالال تەر تۆكمەستىن ،
ھىچبىر شەرەپ ،ھىچبىر تۆھپە بەرمەستىن ،
كۆزنى يۇمۇپ «ناچار» دىمەڭ مىللەتنى .

بىر كۈن دەيسىز «ئويغۇر دىگەن ھەسەتخور»،
بىر كۈن دەيسىز «ئويغۇر دىگەن غەيۋەتخور»،
نەدە يوقكەن بىر يا ئىككى پىتنىخور ،
كۆزنى يۇمۇپ «ناچار» دىمەڭ مىللەتنى .

سىز ياشىغان ئاشۇ ئەخلەت كوچىدا ،
ئۇچىرامتى سىز ئۈچۈن بىر جان پىدا ،
ياشاپ بېقىڭ سىزمۇ ئەل-يۇرىت ئىشقىدا ،

كۆزنى يۇمۇپ «ناچار» دىمەڭ مىللەتنى .

باشقا مىللەت بولسىمۇ گەر ھەيۋەتلىك ،
ئىلىم-پەندە بولسىمۇ گەر شۆھرەتلىك ،
ئويغۇرۇم سىز ئۇنتۇپ قالماڭ مىھنەتلىك ،
كۆزنى يۇمۇپ «ناچار» دىمەڭ مىللەتنى .

باشقا مىللەت ئىچىدىمۇ ئىللەت بار ،
بىزدىمۇ ھەم نۇرغۇن،تۈمەن خىسلەت بار ،
ئالەمشۇمۇل چاقنايدىغان نۇسىرەت بار ،
كۆزنى يۇمۇپ «ناچار» دىمەڭ مىللەتنى .

تۆت-بەش ناچار ۋەكىل ئەمەس مىللەتكە ،
ھىچكىم چېتىق ئەمەس ھەرگىز ئىللەتكە ،
مىللەت ئۈچۈن ئاتلانغايسىز مىھنەتكە ،
كۆزنى يۇمۇپ «ناچار» دىمەڭ مىللەتنى .

بىزدىمۇ بار تۈرلۈك-تۈمەن ئوغلانلار ،
ھەر ساھەدە ئەلگە تۇنۇش بولغانلار ،
بارغۇ يەنە ئەل ئىشقىدا يانغانلار ،
كۆزنى يۇمۇپ «ناچار» دىمەڭ مىللەتنى .

مىللەت ئۈچۈن ئۆزىڭىزنى كۆپ ئاياڭ ،
كەلگۈسىگە ئۆمىد بىلەن تىك قاراڭ ،
ئۆزنى تىللاپ ئاتالماڭ ھەم سىز«ساراڭ» ،
كۆزنى يۇمۇپ «ناچار» دىمەڭ مىللەتنى .

مىللەت بولغاچ مەۋجۇت بولغان ئۆزىڭىز ،
مىللەت ئۈچۈن تامسۇن ھەسەل سۆزىڭىز ،
مىللەتنى دەپ بېسىڭ قەدەم ئىزىڭىز ،
كۆزنى يۇمۇپ «ناچار» دىمەڭ مىللەتنى .

ناچارلارنى كۆرسىڭىز گەر قامچىلاڭ ،
ئىللەت تېشى ئۇچىرسا گەر پارچىلاڭ ،
مىللەت ئۈچۈن بۇلاق كەبى تامچىلاڭ ،
كۆزنى يۇمۇپ «ناچار» دىمەڭ مىللەتنى .

مەنبە: ئىجادى ئەسەر