نورمال يېمەك- ئىچمەك ئادىتى ۋە ئوكسىگېن سۈمۈرۈش ئارقىلىق ئورۇقلاشتىن باشقا، گېرمانىيىدە يېقىندىن بۇيان يەنە بىر خىل سۆيۈملۈك ئورۇقلاش ئۇسۇلى ئەۋج ئېلىشقا باشلىدى، ئۇ بولسىمۇ ئۆرە تۇرۇپ ئىش بېجىرىش ئۇسۇلى.
   بۇ خىل ئۆرە تۇرۇپ ئورۇقلاش ئۇسۇلى گېرمانىيىدىكى ئوتتۇرا، باشلانغۇچ مەكتەپلەردىن تارقالغان، چۈنكى ئوقۇغۇچىلارنىڭ بەدەن ئېغىرلىقى ئېشىپ كەتكەن بولغاچقا، گېرمانىيىنىڭ ھامبۇرگ شەھىرىدىكى ئوتتۇرا، باشلانغۇچ مەكتەپلەردە ئوقۇغۇچىلار ھەر كۈنى بىر مەخسۇس سىنىپتا دەرس ئاڭلاشقا ئورۇنلاشتۇرۇلغان. بۇ خىل ئورۇقلاش سىنپىدىكى ئۈستەللەر ئادەتتىكى ئۈستەلدىن خېلىلا ئېگىز بولىدىكەن، ئۈستەلدىكى خاتىرە كومپيۇتېر ئۇلارنىڭ ئوقۇش ئەسلىھەسى ئىكەن. ئوقۇغۇچىلار ئۈستەل ئالدىدا تۇرۇپ ئوقۇتقۇچىنىڭ دەرسىنى كۆڭۈل قويۇپ ئاڭلايدىكەن، دەرس ئارىلىقىدىكى تەنەپپۇس ۋاقتىدا ئوقۇغۇچىلارنىڭ يەردىكى گىلەم ئۈستىدە ئولتۇرۇپ دەم ئېلىۋېلىشىغا رۇخسەت قىلىنىدىكەن. ئېيتىشلارغا قارىغاندا، بۇ مەكتەپلەرنىڭ ئوقۇغۇچىلىرى مەۋسۇم ئاخىرىدا ئىككى كىلوگرام بەدەن ئېغىرلىقىنى يوقىتىپتۇ.
   شۇڭا ھازىر ئۆرە تۇرۇپ ئورۇقلاش ئۇسۇلى گېرمانىيىنىڭ ھەرقايسى ساھەلىرىدە ئەۋج ئېلىشقا باشلىدى. ھازىر گېرمانىيىدىكى نۇرغۇن قەھۋەخانا، مەيخانا ۋە ئاشخانىلاردا مەخسۇس ئۆرە تۇرۇپ ئىستېمال قىلىدىغان رايونلارنى ئايرىپ چىقتى. مەھەللىلەردە ئادەمنىڭ ----- كەلگىدەك ئېگىزلىكتىكى ئۈستەللەر بار، ئەمما ئۇنىڭ ئالدىغا ئورۇندۇق قويۇلمىغان، كىشىلەر ئۇنىڭ ئالدىدا ئۆرە تۇرۇپ تاماق يەيدۇ، گېرمانىيىدىكى ھەرقايسى چوڭ شىركەتلەردىمۇ ئۆرە تۇرۇپ يىغىن ئېچىش دولقۇنى قوزغالدى، شۇڭلاشقىمىكىن سۆز قىلىدىغانلار ئاددىي ۋە مۇھىم سۆزلەرنى ئىنتايىن قىسقا ۋە مېغىزلىق قىلىدىغان بولدى. ھەتتا «تۇلپار» ناملىق دۇنياغا مەشھۇر چوڭ شىركەتلەردىمۇ ئۆرە تۇرۇپ ئىش بېجىرىدىغان ئىشخانىلار پەيدا بولدى، كىشىلەرگە بۇ يېڭىلىق تۇيۇلمايدىغان بولدى. ئېيتىشلارغا قارىغاندا، گېرمانىيە ھۆكۈمىتىمۇ ئۆرە تۇرۇپ ئىش بېجىرىدىغان ئىشخانىلارنى بەرپا قىلىشنى تەشەببۇس قىپتۇ.
   گېرمانىيىدىكى مەخسۇس ساغلاملىقنى تەتقىق قىلىدىغان مۇتەخەسسىسلەر بۇ خىل ئۇسۇلغا «ئىللىق ھەرىكەت» دەپ نام بەردى، پەقەت بۇ ئۇسۇل سىجىل داۋام قىلىنىدىغان بولسا، ئۇنىڭ ئۈنۈمى بەدەن ساغلاملاشتۇرۇش ھەرىكىتىدىن قېلىشمايدىكەن. تەتقىقات دوكلاتىدا كۆرۈلىشىچە، بۇ خىل «ئىللىق ھەرىكەت»نىڭ سەمرىپ كېتىشنىڭ ئالدىنى ئېلىش ئۈنۈمى ئوبدانلا يۇقىرى ئىكەن. ئەگەر ھەر كۈنى ئۆرە تۇرغان ۋاقىت بەش سائەتكە يەتسە، سەرپ بولىدىغان ئېنېرگىيە ئولتۇرغان چاغدىكىدىن ئۈچ ھەسسە كۆپ بولىدىكەن. شۇنىڭ بىلەن بىللە ئۆرە تۇرۇپ ئورۇقلاش ئۇسۇلى بوغۇم كېسەللىكلىرى، نەپەس يولى كېسەللىكلىرى، دىئابىت ۋە ئاشقازان كېسەللىكلىرىنىڭ ئالدىنى ئالىدىكەن ۋە داۋالايدىكەن. ئۇنىڭدىن باشقا، بۇ خىل ھەرىكەت كىشىلەر ئارا ئالاقىنى ئىلگىرى سۈرۈپ، ئىش بېجىرىش ئۈنۈمىنى يۇقىرى كۆتۈرىدىكەن.
   (شىنخۇا ئاگېنتلىقى)  
مەنبە:ئۈرۈمچى كەچلىك گېزىتى

سىناپ باقسا بولغۇدەك

ھازىر ئۇيغۇرلاردىمۇ خېلى كۆپقۇ بۇ ئەھۋال .بىزمۇ ئۆگەنسەك بولغىدەك.

مەيەلەردە يولغا قۇيسا ئەمەلدارلىرىمىز يغىننى ئۇخلاپ قىلىپ ئاڭلىيالمايدىغان ،سىياسەتلەر خاتا يەتكۆزۇلىدىغان ئىشلار كۆرۇلمەيتتى .......!

ئىشلىتىش

引用第3楼era13于2010-10-05 16:53发表的 :
مەيەلەردە يولغا قۇيسا ئەمەلدارلىرىمىز يغىننى ئۇخلاپ قىلىپ ئاڭلىيالمايدىغان ،سىياسەتلەر خاتا يەتكۆزۇلىدىغان ئىشلار كۆرۇلمەيتتى .......!

بىزنىڭ ئەمەلدارلار سىمىزلىكتىن ئاران ئولتۇرۋاتسا!!! قىل قالىدۇ يىتىۋالغىلى!!!