يېقىندا مۇنازىرە مۇنبەرلىرىدە ھاراق ئىچىشنىڭ شەخىسكە مىللەتكە ئېلىپ كىلدىغان زىيىنى توغرىسىدا مۇنازىرىلەر كۆپ بولدى .مېنىڭچە ھاراق توغرىسىدا كۆپرەك مۇنازىرە بولۇپ تۇرغان ياخشى. بۇلۇپمۇ ئىنساننىڭ شەيتىنى سەمرەيدىغان ياز كۈنلىرى .ھاراق كاساپىتىدىن ھازىر زىيالىيلار قاتلىمى ئاساسەن بۇلغۇنۇلۇپ بولدى. بوپمۇ ئۇلارنىڭ مەرىكىلىرى ھاراقسىز بولمايدۇ .ئاددىي خەلىق بۇ قىلىقنى ھەرگىز ئۆزى پەيدا قىلمىغان بەلكى دەل زىيالىيلاردىن ئۆگەنگەن .شۇڭا بۇ دەۋىرنىڭ ئويغۇر ياشلىرى چوقۇم ئەڭ ئالدى بىلەن ئۆزىنى پاكلىشى كېرەك.
تۆۋەندە مەن ھاراق ئىچكەنلەر ۋە ھاراق ئىچىش قىلمىشى توغرىسدا ئۆزەمنىڭ ھىس قىغانلىغىمنى ئوتتۇرغا قوياي ..ھاراق ئىچىدىغان قېرىنداشلار ئالدىراپ نەپسىڭلەرنىڭ كەينىگە كىرىپ ئەپسانىي رەددىيەلەرنى بەرمەڭلەر.
بەلكى ئاچچىغىڭلارنى ئىچىڭلەرگە يۇتۇپ قانداق قىلىشىم كىرەك دەپ بىر ئويلۇنۇپ بېقىڭلار.ئاللاھدىن سىلەرگە ئالدى بىلەن ھەقىقى ئىتىقات ۋە سەۋرىچانلىق تىلەيمەن .
1.ھاراق ئىچىدىغانلارنىڭ ھەممىسى ئىشىنىپ كەتكىلى بولمايدىغان ئادەملەر(چۈنكى گۇنا قىلىشتىن قورقمايدىغان ئادەم قانچىلىك ئىشەنچلىك بولماقچىدى؟)؛
ھاراق ئىچىدىغانلارنىڭ ھەممىسى گۇنادىن قورقمايدىغان ئادەملەر(ئەگەر ئاخىرەتتە سورىقى بولىدىغانلىقىدىن قورقسا تەۋبە قىلىپ ئىچىشتىن توختىغان بولاتتى، ئىچمەيمەن دەپ تەۋبە قىلىپ(ئاللاغا ۋەدە بېرىپ قويۇپ) يەنە تەكرار ئىچىۋېرىدىغان كىشى ۋەدەسىگە ۋاپا قىلمايدىغان(مۇناپىقنىڭ سۈپىتى بار) كىشى ھىساپلانمامدۇ؟)؛
.ھاراق ھەرگىز دورا ئەمەس.يەنى ئۇ ھېچقانداق كېسەلگە داۋا قىلالمايدۇ.(گەرچە بەزى نائەھلىلەر شۇنداق دەۋالغان بولسىمۇ)چۈنكى،ئاللا ھارام نەرسىنى كېسەلگە شىپا قىلىپ ياراتمىغان.
2.كۆپ ئىچسە مەست قىلىدىغان نەرسىدىن ئاز ئىچسىمۇ ئوخشاش ھارام.پىۋا دەل بۇنىڭ جۈملىسىدىندۇر.مىسالى ــ بىر چېلەك ئېشەك سۈيدۈكىمۇ ئوخشاش سۈيدۈك،بىر قوشۇقمۇ ئوخشاش.
3.ھاراق ئىچىش راستتىنلا پىسخىكىدىكى ئاجىزلىق.ئۇ پەقەت پىسخىكىسى ئاجىزلارنىڭ ئۆزىنى قانداق كونترول قىلىشنى بىلەلمەي باشقىلارنى قالايمىقان دوراپ يۇقىرىلىق دەرىجىگە كۆتۈرۈۋالغان سەپسەتىسى.
4.ھاراق ئىچىپ تۇرۇپ ئۆزىنى مۇسۇلمان دەيدىغانلار ھەرگىز ئىچمەيدىغانلارنىڭ ئالدىدا چوڭ سۆزلىمەڭلار.ھەقىقەتتە تۇرۇپ مۇسۇلمانلىقىڭلاردا تۇرۇپ،ئۆزەڭلارنىڭ ئېغىر گۇناھى ئۈچۈنمۇ بولسا سۈكۈتتە تۇرساڭلار ياكى شۇ ئارقىلىق ئۆزەڭلارنى ھاراقتىن توسساڭلار ھەر ئىككى ئالەمدە بەخت تاپىسىلەر.
5.(ئەگەر مۇسۇلمان بولسىڭىز بۇنى ئوبدان ئويلاپ قويۇڭ)ھاراق ئىچىش چوڭ گۇناھلار قاتارىدىن.يەنى ھاراق ئىچكەن ئادەمدە قىرىق كۈنگىچە ئىمان بولمايدۇ.(ئەگەر تۆۋە قىلسا 40 كۈندىن كېيىن ئىمانى ئەسلىگە كېلىدۇ.)لېكىن ھازىر بۇنىڭغا ئەمەل قىلىدىغان بىرەرمۇ ئىچەرمەن يوق.ھاراق جۈمە نامىزىنى پاكىز تاھارەتلەر بىلەن ئوقۇپ،ئىمام يۇقىرىدىكى سۆزلەرنى دەپ تۇرسا شۇنى ئاڭلاپ تۇرۇپ،نامازدىن يېنىپ يېرىم سائەتتىن كېيىن يەنە سورۇن تۈزۈپ ئولتۇرغانلارنى،قىمار ئوينىغانلارنى تولا كۆرگەنمەن.
6.«مەستلىكتىن پەسلىك چىقىدۇ».%1000 توغرا گەپمىكى دەيمەن.چۈنكى بىرسىنىڭ مەست بولۇپ ياخشى ئىش ياكى ياخشى گەپ قىلىپ باققىنىنى ئاڭلاپ ياكى كۆرۈپ باقمىدىم.ئىشەنمىسىڭىز قانۇنچىلىق گېزىتىنى ئوقۇڭ،3 دېلو مىسالىنىڭ ئىككىسىدىكى ئادەم ئۆلۈش ۋەقەسىنى ھاراق ئىچكەنلەر كەلتۈرۈپ چىقارغان.
بۇ تېمىنى ئىلگىرى مەن مۇشۇ ھەقتە يازغان تېمىغا چۈشكەن ئىنكاسلارنىڭ ئىچىدىكى سەزگۈر ئىسىملىك قېرىندىشىمنىڭ ئىنكاسى بىلەن ئۆزەمنىڭ قاراشلىرىنى بىرلەشتۈرۈپ يازغان .تېما تەستىقلىغۇچى:ئوغلان
[ oglanتەرىپىدىن2010-08-25 11:49قايتا تەھرىرلەندى ]
