ئۆزبېكىستان يېڭى بىر مال-مۈلۈك قانۇنى ماقۇللىدى
ئۆزبېكىستان، دۆلەتنىڭ شەخسلەرنىڭ مال-مۈلۈكىنى مۇسادىر قىلىشىنى چەكلەيدىغان تۇنجى مۈلۈك قانۇنىنى تەستىقلىدى.
يېڭى قانۇنغا ئاساسلانغاندا، شەخسىي مال-مۈلۈكنى تارتىۋېلىش ياكى مۇسادىر قىلىش جىنايەت ھېسابلىنىدىكەن.
ئۆزبېكىستاندا سودا بىلەن شۇغۇللىنىۋاتقان مەلۇم بىر رۇس تېلېگراف شىركىتى، ئۆزبېكىستاننى شۆبىلىرىدىكى 700 مىليون دوللارلىق مال-مۈلكىنى مۇسادىر قىلىۋېلىش بىلەن ئەيىبلەپ كېلىۋاتقان ئىدى.
رۇس شىركىتى بىلەن مەيدانغا كەلگەن جېدەلدىن كېيىن ماقۇللانغان مەزكۇر مۈلۈك قانۇنى، ئىسلام كەرىموۋ ھاكىمىيىتىنىڭ كېيىنكى ئايلاردا چەتئەل مەبلىغىنى جەلپ قىلىش ئۈچۈن تىرىشىچانلىق كۆرسىتىپ كېلىۋاتقانلىقىنىڭ ئىپادىسى سۈپىتىدە تەرىپلەنمەكتە.
