بەخىت
سۈبھى تېخى ئويغانمىغاندا،
ئويغۇنىمەن قەلبىمنى سىلاپ.
ئەقىدەمنى يۇيىمەن سۇدا،
ئاھ لەززەتتە شۇنچىلىك يايراپ.
تىۋىنىمەن ساماغا قاراپ،
تىتىرەيمەن جىسمىم بىر ياپراق.
يۈرۈگۈمدە قاينار ھارارەت،
شۇ قەدەر ئۇز، شۇ قەدەر ئويناق.
كۈندە بەش رەت چۆكۈپ كىرىمەن،
قەلبىمدىكى مۇقەدەس ھىسقا.
قۇياش كەبى يېنىپ تەپتىدىن،
تاشلىنىمەن قۇچاقلىرىغا.
بەخىت دىگەن نىمىدۇر زادى،
تاپالمىدىم بىر ئۆمۇر ئىزدەپ.
جەينامازدا ئاققان يېشىمنى،
سۇرتتۈم ئاخىر شۇكەن بەخىت دەپ.
تۇرغۇن نېرىنكىر
