ۋارياگ، لىياۋنىڭ ئۆلكىسىنىڭ دالىيەن پورتىدا ئۆتكۈزۈلگەن مۇراسىم ئارقىلىق جۇڭگونىڭ تۇنجى ئاۋىئاماتكىسى دەپ ئېلان قىلىندى.
جۇڭگولۇق مۇتەخەسسسىلەر، ۋارياگنىڭ ئالدىمىزدىكى ئۆكتەبىر ئېيىنىڭ بېشىدا ئارمىيەنىڭ خىزمىتىگە كىرىشىنىڭ كۈتۈلىۋاتقانلىقىنى ئېلان قىلدى.
پاراخوتنىڭ بولسا، 2017 – يىلى تولۇق مەنىدە سىناق مۇددىتىنى ئاخىرلاشتۇرىدىغانلىقى ۋە تولۇق قوراللانغان بىر ئاۋىئاماتكا بولىدىغانلىقى مۆلچەرلەنمەكتە.
جۇڭگونىڭ تۇنجى ئاۋىئاماتكىسى بولغان ۋارياگ، ئۇكرائىنادىن سېتىۋېلىنىپ يېڭىلانغاندىن كېيىن ئۆتكەن يىلىنىڭ 10- ئاۋغۇست كۈنىدە دۆلەتنىڭ شەرقىي شىمالىغا جايلاشقان دالىيەن پۇرتىدا دېڭىز چۈشۈرۈلگەنىدى. كۇزنېتسوۋ تىپىدىكى ۋارياگنىڭ ئۇزۇنلۇقى 306 يېرىم مېتىر، كەڭلىكى 72 مېتىر كېلىدۇ. ئاۋىئاماتكىنىڭ J-15 ئۇرۇش ئايروپىلانى، JT-9 دېڭىز ئارمىيە مەشىق ئايروپىلانى ۋە Z-8 تىپلىق تىك ئۇچار ئايروپىلانغا ئوخشاش نەرسىلەرنى توشۇيدىغانلىقى ئەسكەرتىلمەكتە.
سوۋىت ئىتتىپاقىنىڭ يىمىرىلىشىدىن كېيىن ئۇكرائىنا ئىگە بولغان پاراخوت، 1998- يىلىدىكى باھا تالاشتۇرۇپ سېتىشتا جۇڭگو تەرىپىدىن «كۆڭۈل ئېچىش مەقسىتىدە ئىشلىتىلىدىغانلىقى» ئىلگىرى سۈرۈلۈپ سېتىۋېلىنغانىدى. 2001- يىلى ئۆكتەبىر ئېيىدا رولسىز ۋە موتورسىز شەكىلدە ئىستانبۇل ۋە چاناققەلئە بوغۇزلىرىدىن ئۆتكەن پاراخوتنىڭ رېمونت قىلىنىشى خىزمىتى 2002- يىلى باشلانغانىدى.
نۆۋەتتە دۇنيا مىقياسىدا ئامېرىكا قوشما ئىشتاتلىرى، ئەنگلىيە، فىرانسىيە، رۇسىيە، ئىسپانىيە، ئىتالىيە، ھىندىستان، بىرازىلىيە ۋە تايلاندقا تەۋە 21 دانە پائال ئاۋىئاماتكا بار.

جۇڭگو تۇنجى ئاۋىئاماتكىسىنى ئارمىيەگە ئۆتكۈزۈپ بەردى

جۇڭگو، ئانا گەۋدىسىنى ئۇكرائىنادىن سېتىۋالغان ۋارياگ پاراخوتىنى بايراق مۇراسىمى ئۆتكۈزگەندىن كېيىن، دۆلەتنىڭ تۇنجى «ئاۋىئاماتكىسى» سۈپىتىدە دېڭىز ئارمىيەسىگە ئۆتكۈزۈپ بەردى.