ئاللاھنىڭ بارلىقىغا ئسپات
ھۆرمەتلىك ئاكا-ئۇكىلىرىم ۋە ئاچا-سىڭىللىرىم،ھۆرمەتلىك قېرىنداشلىرىم ئويلاپ بېقىڭلارچۇ؟ئەگەر بىر ئادەم سىلەرگە:<<بازاردا مۇنداق بىر دۇكان بار، ئۇ دۇكاننىڭ خۇجايىنىمۇ يوق، ئۇ دۇكانغا ھېچكىم مالمۇ ئەكىلىپ بەرمەيدۇ، ھېچكىم دۇكاننىڭ ماللىرنى جاي-جايىغا تىزىپمۇ قويمايدۇ، ئۇ دۇكانغا مال ئۆزىچە كىلىپ، ئۆزىچە تىزىلىدۇ، ئۆزىچە سېتىلىپ كىتىدۇ>> دىسە، ئۇ ئادەمنىڭ دىگەن گەپلىرىگە ئىشىنەمسىلەر؟ بۇ ئەقلىڭلارغا -سىغامدۇ؟ ئەقلى جايىدا بولغان ھەرقانداق ئادەم <<دۇكانغا مال ئۆزىچە كىلىپ، ئۆزىچە سېتىلىپ. بىر كىشى خەۋەر ئالمىسىمۇ ئوغرىلىنىپ كەتمەي ساق تۇرۇدۇ>> دىگەندەك گەپلەرگە ئىشىنەمدۇ؟ ياكى بولمىسا دۇنيادا شۇنداق دۇكاننىڭ بار-يوقلىقى توغرىسىدا پىكىر يۈرگۈزۈپ باقامدۇ؟
يەنەبىر مىسال، ئەگەر بىر ئادەم سىلەرگە: <<بۇشەھەردە بىر زاۋۇت بار، ئۇزاۋۇتنىڭ باشقۇرغۇچى ئىگىسىمۇ يوق، قۇراشتۇرغۇچى ئىنژېنېرىمۇ يوق، ئۇنىڭدا ئىشلەيدىغان ئشچىلارمۇ يوق، ئۇ زاۋۇت ئۆزىچىلا ياسىلىپ قالغان، ئۇنىڭ ھەممە ماشىنلىرى ئۆزلىكىدىن ئىشلەۋاتىدۇ، ئۇ زاۋۇتنىڭ ھەممە سايمانلىرى ئۆزلىكىدىن ئۇرۇنلىشىپ قالغان، ھازىر ئۇ زاۋۇتتىن ھەرخىل رەڭگارەڭ مەھسۇلاتلار ئىشلىنىپ چىقىۋاتىدۇ>> دىسە، سىلەر بۇ ئادەمگە غەزەپ ھۈكۈم قىلىسلەر، ئۇ ئادەم توغرىسىدا كۆڭلۈڭلارغا قانداق گۇمانلار كېلىدۇ؟ بۇ مەسىلىدە سىلەر راستىڭلارنى ئېيتىپ بېقىڭلارچۇ؟ بۇنداق بىكار گەپلەرنى ئەقلى جايىدا ئادەم دەمدۇ؟ دىگەن تەقدىردىمۇ ئۇنىڭغا بىرەرسى ئشىنەمدۇ؟ يىراقلاردىكى مىساللارنى قۇيۇپ، ئالدىمىزدىكى بىزگە يۇرۇقلۇق بىرىۋاتقان لامپۇچكىلارنى مىسالغا ئالايلى: ئەگەر بىر كىشى :<< بۇ لامپۇچكىغا يۇرۇقلۇق ئۆزلىكىدىن پەيدا بۇلۇپ قالغان، بۇنى ھېچ كىشى ئىجات قىلمىغان>> دىسە، ياكى ئالدىمىزدا تۇرىۋاتقان مۇنۇ ئۈستەلنى ياكى بولمىسا سىز ئولتۇرىۋاتقان ئۇرۇندۇقنى كۆرسىتىپ تۇرۇپ :<<بۇلار ئۆزلىكىدىن ياسىلىپ قالغان، ئۇلارنى بىرەر ئادەم ياسىغان ئەمەس>> دىسە، ھەتتا دۇنيانىڭ ھەرقايسى جايلىردىكى كاتتا ئالىملار كىلىپ چۈشەندۈرگەن تەقدىردە سىلەر بۇلارنىڭ گىپىگە ئىشىنەمسىلەر؟ دۇنيادىكى كاتتا پەيلاسوپلار ۋە پروفېسسورلار كىلىپ سىلەرنىڭ ئۈستۈڭلاردا تۇرغان كىيىملەرنى كۆرسىتىپ :<< بۇ كىيىملەرنى ھېچكىم توقۇغان ياكى تىككەن ئەمەس، ئۇلار ئۆزلىگىدىن كىيىم بۇلۇپ قالغان>> دىسە، سىلەر شۇ كاتتىلارنىڭ گەپلىرىنى قۇبۇل قىلامسىلەر؟ ئەگەر پۈتۈن دۇنيادىكى ئاتاقلىق ئونىۋېرسىتېتلارنىڭ كاتتا -كاتتا فېروفېسورى بىرلىشىپ سىلەر ئولتۇرۇۋاتقان ئۆينى كۆرسىتىپ تۇرۇپ:<< بۇ ئۆي ئەزەلدىن بار ئىدى، بۇ ئۆينى ھېچكىم ياسىمىغان، ئۆزىچە سېلىنىپ قالغان>> دىسە، سىلەر ئۇلارنىڭ ئەقىدە ۋە ئىخلاس بىلەن قىلىۋاتقان ھەرخىل چۈشەندۈرۈشلىرىگە قاراپ، ئۇلارنىڭ بۇنداق ئاساسسىز گەپلىرىگە ئشىنىشىڭلار مۇمكىنمۇ؟
  ئەمدى دىققەت قىلىڭلار يۇقۇردا كېچە -كۈندۈز كۆز ئالدىڭلاردا تۇرىدىغان بىر نەچچە نەرسىلەرنىڭ مىسالى بايان قىلىندى، ئۇلارنى قايتا بىر مۇلاھىزە قىلىپ نەتىجە چىقىرىشقا تىرىشىڭلا.
  يۇقۇردا دىيىلگەندەك ئەگەر سىلەرگە بىر ئادەم ئاددى بىر دۇكاننى ئۆزى ئېچىلىپ، ئۆزى يېپىلىدۇ دىسە ئىشەنمەيدىكەنسىلەر، ئاددى بىر زاۋۇتنى ئۆزلىكىدىن ياسالغان، ئۆزلىكىدىن مېڭىۋاتىدۇ، ئۆزلىكىدىن باشقۇرلىدۇ دىسە ئۇنىڭغىمۇ ھەرگىز ئشەنمەيدىكەنسىلەر، ئۇندىن باشقا كىچىك-كىچىك نەرسىلەرنى كۆرسىتىپ دۇنيانىڭ كاتتا-كاتتا ئالىملىرى ئۇلارنىڭ  ئۆزلىكىدىن ياسالغانلىقىغا ھۈكۈم قىلسا، سىلەر بۇنىڭغىمۇ ئىشەنمەيدىكەنسىلەر، قېنى ئۆزەڭلار جاۋاپ  بىرىڭلارچۇ؟ شۇنداق كەڭ ۋە چوڭ ئاسمان،بىپايان زېمىن، قۇياش، چوڭ كىچىك يۇلتۇزلارنى ئۆز ئىچىگە ئالغان، ھەرخىل نەرسىلەر  خۇددى قول سائىتىنىڭ سايمانلىرىغا ئوخشاش سۇنداق مۇرەككەپ تىزىلغان  <<زاۋۇت>> سىلەرنىڭ ئالدىڭلاردا كىچە -كۈندۈز ھەركەت قىلىۋاتىدۇ. بۇ <<زاۋۇت>> ئىچىدە  دېڭىزلار بۇلۇپ، ئۇلاردىن قۇياش ھارارىتى ئارقىلىق بۇس (ھور) پەيدا بۇلىدۇ. بۇ ھورلاردىن پەيدا بولغان بۇلۇتلارنى شامال ئۇچۇرۇپ يۈرۈپ دۇنيانىڭ ھەرقايسى جايلىرىغا تارقىتىدۇ، ۋاختى كەلگەندە بۇلۇتلارغا سۇغۇقلۇق يەتكۈزۈپ، ئۇ بۇسلاردىن يەنە ئىككىنچى قېتىم سۇ ياسىلىدۇ، ئۇ سۇلار بۇيرۇق بولغان ھامان سۇ بۇلۇپ تامچە-تامچە ھالەتتە يەرگە چۈشۈدۇ. كەڭ كەتكەن قۇرغاق زېمىنلار سۇنى ئچكەندىن كىيىن قايتا ھاياتلىققا ئىگە بۇلىدۇ. سۇئىچىپ تىرىلگەن زېمىننىڭ قورسىقىدىن خىلمۇ -خىل، رەڭگا-رەڭ گىياھلار ئۈنۈپ چىقىدۇ. شۇ ئۈسۈملۈكلەردىن خىلمۇ-خىل ئاشلىقلارنى، ھەرخىل گۈللەرنى، ھەرخىل مىېۋىلەرنى ئىشلەپ چىقىرىسىلەر.بىز يۇقۇردا دىگەن بۇجەرياندا، خۇددى بىر زاۋۇتنى ئۆزلىكىدىن ياسىلىپ قالغان، ئەسلىدىلا بار ئىدى دېسە قانداقمۇ ئىشەنگۈڭلار كىلەر؟! ئاددى ئۇرۇندۇق ۋە بىر غېرىچ رەخىتكە چاغلىق نەرسىلەرنى ئۆزىچە ياسىلىپ قالدى دىگەن ئادەملەرنى بۇلارنىڭ ئەقلى ھۇشى جايىدا ئەمەس، ساراڭ بۇلۇپ قاپتۇ دەپ ھۈكۈم قىلىۋاتقان ئادەملەر شۇقەدەر  چوڭ ئاسمان-زېمىننى ئۆزى ياسىلىپ قالغان دېگەن ئادەملەرگە نىمە دەپ ھۈكۈم قىلار؟ ئاسمان-زېمىننى ئۆزلىكىدىن پەيدا بۇلۇپ قالغان دەيدىغان ئادەملەر، دۇنيادىكى بارلىق جانىۋارلارنى،شۇنچىۋالا كۈچلۈك ۋە ئەقىللىق ئنسانلارنىمۇ ئۆزىچە پەيدا بۇلۇپ قالغان دىيىشى كېرەك. شۇنداق دېسە توغرا بۇلارمۇ؟ئۆتكۈر پىكىرلىك مېڭەڭلار بىلەن ئىنسانلارنىڭ نېمىدىن تەركىپ تاپقانلىقى ھەققىدە ئويلىنىپ بېقىڭلار.
   دۇنيادىكى ئۇلۇغ ئىلىم-پەن ئالىملىرى ھەرخىل ئىلغار ئۈسكۈنىلەر بىلەن ئنسان بەدىننى ئانالىز قىلىپ كۈرۈش ئارقىلىق، ئىنسان بەدىننىڭ  تۆمۈر، فوسفۇر، ئازوت، ئوكسىگىن، ھىدروگېن، كاربۇن قاتارلىق نەچچە تىيىنغا ئەرزىمەيدىغان ماددىلاردىن تەركىپ تاپقانلىقىنى تەئىقىق قىلىپ تېپىپ چىقتى. ھازىر يېڭى دەۋىردە ھەرخىل نەرسىلەرنى ۋە سۆزلەپ تۈگەتكۈسىز قۇرال-ئۈسكىنىلەرنى كەشىپ قىلغۇچى ئالىملار يېتىشىپ چىقماقتا. ئاشۇنداق نەرسىلەرنى ياساشقا قادىر بولغان ئالىملار ئادەم جىسمىدا بار بولغان نەرسىلەرنى بەلگىلىك مىقتاردا بىىرىكتۈرۈپ ئادەم ياساشقا قادىر بۇلالىدىمۇ؟ ياق ياسىيالىشى مۇمكىن ئەمەس. ھالىمىز شۇنداق تۇرسا،  تۇز، گاز، كۆمۈر، ھاۋا قاتارلىق بىر نەچچە ئاددى نەرسىلەردىن يارالغان، سۆزلىيەلەيدىغان، ماڭالايدىغان، كۆرىدىغان، ئاڭلايدىغان، ئايرۇپىلان ياسىيالايدىغان، دۇنيانىڭ بىر بۈرجىكىدىن  يەنە بىر بۈرجىكىگە خەۋەر يەتكۈزەلەيدىغان ئەسۋاپلارنى ياسىيالىغان ئادەملەرنى ئۆزلىكىدىن پەيدا بۇلۇپ قالغان دىسە، بۇ قانداقمۇ ئىشەنگلى بۇلىدىغان سۆز بولدى؟ قايسى ئىنساننىڭ ئەقلى مۇنداق ناھەق يالغان گەپنى قۇبۇل قىلالايدۇ ؟ ئانىنىڭ قورسىقىدىن ئىبارەت بۇ <<زاۋۇت>> تىن ئىنساننىڭ قانداق ياسىلىپ چىقىدىغانلىغى توغرىسىدا ئازراق مۇلاھىزە يۈرگۈزۈپ بېقىڭلار، ئانىنىڭ قورسىقىدىكى بالىغا دادىسنىڭ ھېچقانداق ئۇستىلىقى ئىشلىمەيدۇ، ئانىنىڭ ھېچ بىر ھىكمىتى بۇنىڭدا يوق. ئانىنىڭ قورسىقىدىكى خالتىغا مەخسۇس مىكروسكوپ بولمىسا كۆرگىلى بولمايدىغان بىر نەرسە پەيدا بۇلۇپ قالىدۇ. قاچان قايسى ۋاقىتتا بىرلىشىپ قالغان بىلگىلى بولمايدۇ. ئانىنىڭ قېنى ئۇنىڭ بۇلىشى باشلىنىپ كىتىدۇ. ۋاختى كەلگەندە ئۇ ئىنچىكە نەرسىگە كۆمۈر، تۇز، گاز ۋە ھاۋا قاتارلىق باشتا دەپ ئۈتۈلگەن نەرسىلەرنىڭ ھەممىسى بەلگىلىك مىقتاردا ئۇنىڭغا قۇشۇلۇپ، ئىنچىكە بىر چىشلەم گۆشكە ئايلىنىدۇ. ئۇ بىر چىشلەم گۆش ۋاقىت ئىتبارى بىلەن ئاستا-ئاستا يۇغانىغاندىن كىيىن، ئۇنىڭ باش بىكىتىلىدىغان جايىغا باش، بۇرۇن بىكىتىلىدىغان جايىغا بۇرۇن، قۇلاق بىكىتىلىدىغان جايىغا قۇلاق،  كۆز بىكىتىلىدىغان جايىغا كۆز، ۋە باشقا قول،پۇت ،يۈرەك، جگەر، ئاشقازان قاتارلىق ھەممە كىچىك ئەزالىرى ئۆز جايىغا ئۇرۇنلىشىدۇ. ئۇندىن كىيىن ئۇستىخان پەيدا بۇلۇپ، ئۇ بىر ئىنساننىڭ شەكلىگە ئايلىنىدۇ. كىيىن ئۇنىڭڭغا كۆرۈش، ئاڭلاش، تېتىش ئىقتىدارى، شۇنداقلا پۇراش، سۆزلەش، چۈشۈنىش،  بىلىش ۋە شۇنىڭغا ئوخشاش بىر نەچچە يۈزلىگەن ھېساپسىز ئقتىدارلار بېرىلىدۇ. ئۇ بالا ھەرتەرەپتىن تۇلۇق، مۇكەممەل ياسىلىپ بولغاندىن كىيىن، توققۇز ئايدىن بىرى ئۆزى تۇرىۋاتقان ئانىنىڭ قورسىقىدىن ئىبارەت <<زاۋۇت>> تىن ئۈسۈپ(بۆسۈپ) سىرىتقا چىقىدۇ. مانا شۇنداق تەرىقىدە دۇنيانىڭ ھەرقايسى جايلىرىدا كۈنىگە مىڭلىغان، يۈز مىڭلىغان ئىنسانلار <<ياسىلىپ>> چىقىۋاتىدۇ. لېكىن ئۇلار بىر- بىرىگە زادى ئوخشىمايدۇ.  ئۇلارنىڭ شەكلى، رەڭگى، ئاۋازى. قۇۋەتلىرى، ئقتىدارلىرى، تەبىئىتى، ئەخلاقى سۈپۈتى قاتارلىقلار بىر-بىرىدىن پەرىقلىنىدۇ، ھەتتا بىر<<زاۋۇتتا ياسالغان>>  (بىر قورساقتىن چىققان) بالىلار بىر-بىرىدىن پەرقلىنىدۇ. بۇ ئشلار  شۇنداق ئاجايىپ ۋە ھىكمەتلىك ئشلاركى، بۇ ئىشلارنى ئىنسان زادى ئويلاپ ياكى كۆزى بىلەن كۆرۈپ تېگىگە يىتەلمەيدۇ. كۆرۈپ ئەقلى ھەيرانلىقتا ھاڭ-تاڭ قالىدۇ. ئالەم بوشلۇقىدىكى يەر شارىنىڭ ئالدىمىزدا ھەركەتلىنىۋاتقانلىقى شۇنداق ئاجايىپ ۋە مۇرەككەپ ئىشلار، ئانىنىڭ قورسىقىدىن ئىبارەت <<زاۋۇت>> تىن شۇنداق ھىكمەتلىك ئادەملەرنىڭ ياسىلىپ چىقىشى، بۇ كاتتا ئشلارنىڭ ھەممىسى بۇ دۇنيادىكى ھەممىدىن كاتتا ئالىم، ھەممىدىن ئۇلۇغ، ناھايتى ھىكمەتلىك، ھېچ كىشىگە ھاجىتى چۈشمەيدىغان، ھەممە ئىشنى قىلالايدىغان، ھەممىدىن ئۇستا ئاللاھنىڭ ماھارىتى بىلەن بولغان ئەمەس، بۇ ئىشلار ھەرقانچە ھىكمەتلىك بولسىمۇ ئۆزىچە بۇلۇپ قېلىشى مۇمكىن دىيىلسە، سىلەر ئۇلارنىڭ گىپىگە ئىشىنەمسىلەر ؟ بازاردا ئېچىلىپ تۇرغان شۇنداق كاتتا دۇكاننى كۆرۈپ، بۇ دۇكاننىڭ ئىگىسنىڭ بايلىقىنى، تەجىربىلىك تىجارەتچى ئىكەنلىكىنى بىلەلەيمىز. بۇ دۇكان ئۆزىچە ئېچىلىپ قالىدۇ، بۇ دۇكاننىڭ ئگىسى يوق دېسە ئىشەنمەيمىز، زاۋۇتنىڭ مېڭىۋاتقانلىقى بىزگە ئۇستا بىر ئىنژېنېر ، باشقۇرغۇچى ۋە ئىشلىگۈچىلەرنىڭ بارلىقىنى ئسپاتلايدۇ . بىز بۇزاۋۇتنىڭ ئىگىسى يوق دېسە ئىشەنمەيمىز، ھەرەم بەيتۇللانىڭ شۇنداق كاتتا سېلىنغان ئىمارەتلىرىگە قاراپ ناھايتى ئۇستا تېخنىك لاھىلەپ چىققانلىقىنى، ئىشلىىگۈچىلەرنىڭمۇ شۇنداق قالتىس ئىكەنلىكىنى، دۇنيادا شۇنداق ئۇلۇغ تېخنىكلارنىڭمۇ بارلىقىنى بىلۋالالايمىز. شۇنۇڭغا ئوخشاش ئۇچىمىزدا تۇرغان كىيىم ئۇستا بىر سەيپۇڭنىڭ بارلىقىنى، شۇ زاۋۇتنىڭ ئنژېنېرلىرى بارلىقىدىن تارتىپ ھەممىنى ئىسپاتلاپ بېرىدۇ. بىز ئۇنىڭدىن شۇلارنىڭ بارلىقىنى بىلۋالالايمىز.

ئاللاھ تائالانىڭ بارلىقىغا كاپىرلاردىن باشقا پۈتۈن دۇنيادىكى بارلىق مۇسۇلمانلار ئىشىنىدۇ .

بىر ئاللاھ تىن باشقا ئىلاھ يوق،،،،،،بارلىق مەۋجۇدات ، مەخلۇقاتلارنىڭ ئىگىسى بىر يىگانە ئاللاھتۇر، بۇكەشچىياتچى،ھېكمەت ئىگىسى، ئەقىل ئېدراكنىڭ ياراتقۇچىسى بولغان يىگانە ئاللاھقا ئىمان كەلتۈرمىز!!!!
  بارلىق ھەمدۇ سانا، شۇكۈرىلە ئاللاھقا بولسۇن،،،،،بىزنى پاسىقلاردىن،ئازغۇنلاردىن قىلمىغىن ،ئامىن،،،

داۋامىنى يازماپسىزغۇ؟ ھەقىقەتەن شۇنداق!!! دىگەنلېرىڭىز ئورۇنلۇق.  ئىلاھ شۈھبىسىز مەۋجۇت.  مەن مۇشۇ پۈتۈن كائىناتنى ياراتقان، ئىنسانلارنى ئۆزى بەلگىلىگەن يولغا باشلايدىغان ئىلاھقا ئىمان ئېيتمەن. قانداق قىلسام بۇلىدۇ؟ نىمە ئۈچۈن؟

بىر ئاللاھتىن باشقا ئىلاھ يوق، پەقەت بىر ئاللاھقىلا چوقىنىمىز، بىر ئاللاھقىلا ئىشىنىمىز.

ئاللاھنىڭ بار ۋە بىرلىكى مۆمىنلەر ئۈچۈن ئسپات تەلەپ قىلمايدىغان شەكسىز ھەقىقەت.
ئەمما كاپىرلار ئۈچۈن سىز پۈتۈن دۇنيادىكى ئسپات دەلىللەرنى ھەتتا مۆجىزىلەرنى كەلتۈرسىڭىزمۇ تاكى كۈن غەرىپتىن چىقمىغۇچە ئۇلار .ئىمان ئېيتمايدۇ.پەقەت ئاللاھ ھېدايەت قىلغانلار بۇنىڭدىن مۇستەسنا

ئىشلىتىش

بۇ مەزمۇن 1قەۋەتتىكى alim20 نىڭ 2012-09-10 11:30 يوللىغان يازمىسىغا نەقىل :
ئاللاھ تائالانىڭ بارلىقىغا كاپىرلاردىن باشقا پۈتۈن دۇنيادىكى بارلىق مۇسۇلمانلار ئىشىنىدۇ .

ئاتسېت -قارا كاپىرلاردىن باشقا بارلىق ئىنسانلار دەڭ.
بارلىق پەيغەمبەرلەرنىڭ ئۆز قەۋمى بىلەن بولغان مۇنازىرىسى ئۇلارنى ئاللاھنىڭ بارلىقىغا دەۋەت قىلىش ئەمەس(چۈنكى، بۇنى ئۇلار ئىنكار قىلمايتتى)، بەلكى ئۇلارنى ئاللاھنىڭ يەككە -يېگانە بىر ئىلاھ ئىكەنلىكىگە، بىر ئاللاھتىن باشقا ھېچ ئىلاھ يوقلۇقىغا، دەۋەت قىلىشتىن ئىبارەت بولغان.
قارا كاپىرلىق پەيدا بولغىلى ئاز كەم 300يىل بولدى،،،ئۇنىڭدىن بۇرۇنقى ئىنسانلار ئاللاھنىڭ مەۋجۇتلۇقى مەسىلسىدە تالاش -تارتىش قىلىپ باققان ئەمەس، ئىلگىركى زالىم قەۋىملەرنىڭ(كاپىر قەۋىملەرنىڭ) گۇناھى بولسا، ئاللاھنى ئېتىراپ قىلماسلىق ئەمەس، بەلكى ئاللاھقا شېرىك كەلتۈرۈشتىن ئىبارەت بولغان. شۇڭا ئۇلار مۇشرىك (شېرىك كەلتۈرگۈچى)دەپ ئاتالغان. شۇ گۇناھى ئۇلانى ھالاك قىلىپ دوزاختا مەڭگۈ قېلىشىغا سەۋەب بولغان.(ھاياتلىقىدا تەۋبە قىلىپ، تۈزەتكەنلەر مۇستەسنا.-ئاللاھنىڭ ھىدايىتى بىلەن.)
يەنە بىر قىسىملىرنىڭ گۇناھى بولسا پەيغەمبەرلەرنى ئىنكار قىلىش بولغان.
ئەمدى بۇ قارا كاپىرلارنىڭ ھالىنى ئادەم تەسسەۋۋۇر قىلالمايدۇ. ئۇلارنى ھايۋان دەي دېسەكمۇ ، ھايۋانلارمۇ، دەل -دەرەخلەرمۇ ئاللاھنىڭ بىرلىك-بارلىقىنى بىلىدۇ، ۋە ئۆزىگە  مۇناسىپ ھالەتتە ئاللاھقا ئىبادەت قىلىپ تۇرىدۇ.