رەسىم:
ئادەتتە ئىچكىرىدە ھۆكۈمەت قارمىقىدىكى ئالىي مەكتەپلەردە ئوقۇۋاتقان ئوقۇغۇچىلارنىڭ ھەممىسىنىڭ نوپۇسىنى يۆتكەيدۇ، لېكىن ئىچكىرىدىكى شەخسىي مەكتەپلەردە ئوقۇۋاتقان ئوقۇغۇچىلارنىڭ نوپۇسى يۆتكەلمەيدىغان بولغاچقا، بۇ مەكتەپلەردە ئوقۇۋاتقان ئوقۇغۇچىلارغا پاسپورت بىجىرىش شىنجاڭدىكى قېرىنداشلىرىمىزغا ئوخشاش باش قىتىقچىلىقى بولۇپ قالغان ئىدى. ئۇشتۇمتۇت خەلق گېزىتىدىن بۇ خوش خەۋەرنى كۆرۈپ قىلىپ، تورداشلارغا پايدىسى تىگىپ قالسا ئەجەپ ئەمەس دەپ تەرجىمە قىلىپ يوللاپ قويدۇم.
2012-يىلى 9-ئاينىڭ 1-كۈنىدىن باشلاپ، كۆچمە نوپۇسى بىرقەدەر كۆپ بولغان بېيجىڭ، تىيەنجىن، شاڭخەي، چۇڭچىڭ، گۇاڭجۇ، شىنجىن قاتارلىق ئالتە شەھەردىكى سىرتتىن كېلىپ ئىشلەۋاتقانلار ۋە ئالىي مەكتەپلەردە ئوقۇۋاتقانلارغا چېگرادىن كىرىپ-چىقىش ئىلتىماسى سۇنۇش توغرىسىدا قولايلىق تەدبىرلەرنىڭ يولغا قويۇلىدىغانلىقىنى جاكارلاندى.
1-سېنتەبىردىن باشلاپ، بېيجىڭ قاتارلىق ئالتە شەھەردە مەزكۇر شەھەرلەرنىڭ نوپۇسىدا بولمىغان ئىشچى - خىزمەتچىلەر ۋە ئالىي مەكتەپتە ئوقۇۋاتقان باشقا جايلاردىكى ئوقۇغۇچىلار نىڭ چېگرىدىن كىرىپ - چىقىش رەسمىيىتىنى بىجىرىشكە بولىدۇ. مۇخبىرنىڭ ئەنۋەي كوچىسى، جياۋداۋكو قاتارلىق ساقچىخانىلاردىن ئىگىلىشىچە، باشقا جايدا پاسپورت ئىلتىماس قىلغاندا ئىلتىماس قىلغان كىشىنىڭ ۋاقىتلىق تۇرۇش كىنىشكىسى تەلەپ قىلىنىدىغان بولغاچقا، نۆۋەتتە ۋاقىتلىق تۇرۇش كىنىشكىسى بىجىرىدىغانلار كۆرۈنەرلىك كۆپەيگەن.
ئۇنداقتا يۇقىرىقى شەرتلەرگە ئۇيغۇن كىلىدىغان كىشىلەر پاسپورتقا قانداق ئىلتىماس قىلىدۇ؟
يۇقىرىدا دېيىلگەن ئالتە شەھەردە خىزمەت قىلىۋاتقان كىشىلەر نوپۇس دەپتىرى، 2-ئەۋلاد كىملىك، ۋاقىتلىق تۇرۇش گۇۋاھنامىسى شۇنداقلا ئادەم كۈچى بايلىقى ۋە ئىجتىمائىي كاپالەت ئىدارىسىنىڭ چىقىرىپ بەرگەن بىر يىلدىن ئارتۇق سۇغۇرتا تاپشۇرغانلىق ئىسپاتى؛ ئالىي مەكتەپتە ئوقۇۋاتقان نوپۇسى يۆتكەلمىگەن ئوقۇغۇچىلار نوپۇس دەپتىرى، 2-ئەۋلاد كىملىكى، ۋاقىتلىق تۇرۇش گۇۋاھنامىسى شۇنداقلا ئوقۇۋاتقان مەكتىپى چىقىرىپ بەرگەن ئوقۇغۇچىلىق ئىسپاتىنى ئىلىپ، جامائەت خەۋپسىزلىكى ئورۇنلىرىنىڭ چېگرىدىن كىرىپ - چىقىشنى باشقۇرۇش ئىدارىسىغا ئادەتتىكى پاسپورت بىجىرىشنى ئىلتىماس قىلسا بولىدۇ، شياڭگاڭ، تەيۋەنگە كىرىپ – چىقىش يول خېتى شۇنداقلا تۈرلۈك ئىلاۋىلەر، تەيۋەنگە بېرىش يول خېتى شۇنداقلا تۈرلۈك ئىلاۋىلەر (ئىلاۋە تۇنجى قېتىم ئىلتىماس قىلىش، گۇۋاھنامىنى ئالماشتۇرۇش، تولۇقلاش، گۇۋاھنامە كۈچىدىن قالغاندا قايتىدىن ئىلتىماس قىلىش شۇنداقلا گۇۋاھنامە ئېنىقلىمىسى قاتارلىقلارنى ئۆز ئىچىگە ئالىدۇ)
مەنبە:بەكتۇر تۇرى
