ئەرەب باھارىنىڭ بىرىنچى ئادرېسى بولغان تۇنىس بىلەن مىسىردا نامايىش تولۇق غەلىبە قىلىپ، ھاكىمىيەت خەلقنىڭ قولىغا ئۆتۈش ئالدىدا جىددىي ھەرىكەتلەر بولۇۋاتقان بۇ پەيتتە، لىۋىيىدە پارچىلىنىش خەۋپى، سۈرىيىدە نامايىشلارنىڭ نەتىجىسىز قېلىش خەۋپى كۆرۈلمەكتە .
ئەرەب باھارىغا 15 ئاي بولدى. بۇ ئارىدا كۆپ ئىشلار ئۆزگەردى، مۇھىم دۆلەت ئەربابلىرى ئادەتتىكى ئادەملەرگە ئۆزگىرىپ قالدى، ھەتتا مەڭگۈ تەختتىن چۈشمەيمىز، دەپ ئويلاپ خاتىرجەم ئولتۇرغان ۋە تەخت ۋارىسلىقىنى ئۆز پەرزەنتلىرىگە يۆتكەشنىڭ خىيالىدا بولغان ھۆكۈمدارلارمۇ بىردىن تەختتىن چۈشۈپ كەتكەنلىكىنى تۇيماي قالدى. خەلقنىڭ ئارزۇسى ئەمەلگە ئېشىپ نامايىش ئەسناسىدا تۆكۈلگەن قانلارنىڭ بەدىلىگە تەقدىرلەشكە تېگىشلىك ئىشلارمۇ بولدى. ئەمما ئېچىنىشقا تېگىشلىك ۋەقەلەرمۇ بولدى. مەسىلەن: سۈرىيە ۋەزىيىتى ھەقىقەتەن ئېچىنىشلىق بولماقتا. سۈرىيىدىكى ئۆكتىچىلەر ئەمدى يولنىڭ ئوتتۇرىغا كېلىپ قالغاندەك قىلىدۇ،  ھازىر دۇنيا خەلقىنىڭ كۆزى سۈرىيىدە بولماقتا.

شۇنى ھېس قىلىپ قالدىم،ئوتتۇرا شەرق دۇنيانىڭ ۋارتاقشىپ قايناپ تۇرغان قازىنىغا ئوخشايدىكەن، بۇ يەر قاينىغاندا ئەتراپتىكىلەر قايناق سۇنىڭ چاچىراپ كىتىشىدىن ئىھتىيات قىلىپ پۇتۇن دىققىتىنى شۇ يەرگە مەركەزلەشتۇرىدىكەن. بۇنىڭلىق بىلەن باشقىلار خۇپىيانە ئىشلىرىنى شۇنداقمۇ ئەپلەپ تۇرۇپ قىلىۋالىدىكەن. قايناشتىن توختىغۇدەكلا بولسا ئۇنىڭ تىگىگە ئوت قالايدىغانلار يەنە چىقىدىكەن... ئەرەبلەرنىڭ باھارغا ئىرىشمىكى ھەقىقەتەن تەس ئوخشايدۇ