كەيگەنلىرى شۇنداق تار ئىشتان،
قوڭلىرىنى ياپمايدۇ چاپان.
كىندېكلېرى ھاۋا يەپ تۇرار،
كۆرگۈنۈم بۇ ئىنسانمۇ-ھايۋان؟
ئەدەپ-ئەخلاق نەلەرگە كەتتى،
يۈتۈپ كەتتى ئىشتان بېغىمۇ.
بۇ ئىزاغا قانداق چىدايدۇ؟
ئادەم تۇرماق تەڭرى تېغىمۇ.
كۆزلىرىمگە قالدىم ئىشەنمەي،
ئالدىمدىكى ئويغۇر قىزىمۇ،
كۆزلىرىمنى ئۇۋلاپ قارىسام،
خاتا ئەمەس ئويغۇر قىزىغۇ.
مىراس ئەمەس ئۇلارغا ياشلىق،
تۆت كۈنلۈكتۇر ياشلق چېغىمۇ،
يېتىپ قالسا قېرىلىق ئەگەر،
ۋەيران بولار گۈزەل بېغىمۇ.
بۇغدايلارنىڭ بولغاچ سامىنى،
قىزلارنىڭمۇ ياخشى-يامىنى.
كىم ئەگەشسە شايتانغا ئەگەر،
ئەلدىن ئاۋال كۈيەر خامىنى.
يۈزلېرىگە سۈرۈپ زاماسكا،
ئېغىزىغا تاقايدۇ ماسكا.
قوغلاشقېنى ئۆزىيچە مودا،
ئېسىۋالغىنى ئەبجەق بىر سومكا.
قوللىرىدا يانفونى بار،
تاقىغىنى ئېسىل كۆزەينەك،
تەنتەكلىكتە قاينىغان بىلەن،
ئۆز بويىغا تاشىدۇ چەينەك.
مەنبە؛ئۆز ئىجادىيىتىم
