باللارنى ئەخلەت يېمەكلىكتىن يىراق قىلايلى
ئەسسالامۇ ئەلەيكۇم تورداشلار ، قېرىنداشلار !
بۈگۈن كۆڭلۈم ناھايىتى يېرىم بولدى ، بىر قېرىندىشىمىزنىڭ 2 يىرىم ياشلىق قىزى ئاق قان كېسىلىگە گىرىپتار بولۇپ قالغانلىقتىن كۆپچىلىكتىن ياردەم سوراپ ئىشخانىمىزغا كەپتىكەن ، ماتىرياللارنى رەتلەپ ئېلىۋالغاچ بۇ ئاكىمىزنىڭ كۆز ياشلىرى ۋە سۆزلىرى يۈرۈكۈمنى ئېزىۋەتتى ، تىلى بالدۇر چىققان ئۆزىمۇ ناھايىتى ئوماق بىز قىز تولىمۇ ئېچىنىشلىق بىر كېسەلگە گىرىپتار بولۇپ ھەر كۈنى كېسەل ئازاۋىنى تارتىۋىتىپتۇ .
مەن بىر سوئالنى شۇنچىلىك تەستە سورىدۇم . - ئاكا ، مۇشۇ كېسەلنىڭ مەنبەسى ياكى كېلىپ چىقىش سەۋەبى زادى نېمىكەن ؟ ، ئاكىمىز بىر ئۇف تارتىۋىتىپ جاۋاب بەردى ،
- دوختۇرلارمۇ ئېنىق دېمىدى ، لېكىن كۆپچىلىكنىڭ ئىيتىشىچە (ئوخشاش كېسەللەر بىلەن شۇ دوختۇرخانىغا كىرىپ داۋالىنىۋاتقانلارنى كۆرسىتىدۇ) ئاساسلىق سەۋەبى ئەخلەت يېمەكلىكلەرنى جىق يېيىش بىلەن مۇناسىۋەتلىك ئىكەن .
... كېسەلنى ئاللاھ بېرىدۇ ، سەۋەبىنىمۇ ئاللاھ قىلىپ بېرىدۇ ، سەۋەپسىز ئىش بولمىغاندەك ، ئۆزىمىزدىنمۇ ئۆتىدىغان يەرلىرى بولىدۇ ، شۇڭلاشقا باللىرىمىزنىڭ ساغلام ، ئەقىللىق چوڭ بولىشى ئۈچۈن قولىمىزدىن كېلىشىچە باللىلارنى پاكىزە چوڭ قىلايلى ، ئەخلەت يېمەكلىكلەردىن يىراق قىلايلى !
