جاۋاپ
قاسىم سىدىق
ئەمدى يازماس بولدى دەپتۇ بىر ئىنسان،
شۇلا قالدى مەن كۆرمىگەن بوھتان.
قانداق يازماي، ئويغاق تۇرسا بۇ ۋىجدان،
قانداق يازماي، مەۋىج ئۇرسا روھتا ئېسىيان.
ئەمدى يازماس بولدى دەپتۇ بىر ئىنسان،
خىيال ئورمانلىرىدا يۇرسەم مەن سەرسان.
قانداق يازاي، بولمىسا يازغىدەك ئىمكان،
قانداق يازاي، روھىم قىلسا قەستى جان؟!
ئەمدى يازماس بولدى دەپتۇ بىر ئىنسان،
زادى نىمە ئىكەن "يازغان"غا مىزان؟
ئەجەپ بولالمىدىم يەنىلا" يازغان"،
ئۆزۈم يىزىپ ئۆزۈم بولدۇم كىتاپخان.
ئەمدى يازماس بولدى دەپتۇ بىر ئىنسان،
قانداق يازاي، ھوشۇمنى ئالسا ھىجىران؟!
قانداق يازماي، ھايات تۇرسا شوخ ئارمان؟!
قانداق يازاي، كۆز يومسا گاھى جانان ؟
ئەمدى يازماس بولدى دەپتۇ بىرئىنسان،
يازماق بولسا كىرەك شۇنچە ئاسان .
قانداق يازاي، مىسرا تۇرسا دەرت-ئەفغان،
قانداق يازاي، سىياھ بولسا ماڭا قان.
1990-يىللار[ بۇ يازمىنىق.سىدىق 2012-04-24 00:49قايتا تەھرىرلىدى ]
