12-ئاپرېل، خېفېي. قانۇنسىز سودىگەرلەرنىڭ 90 مىنۇت ئىچىدە، چوشقا گۆشىنى كالا گۆشىگە ئايلاندۇرۇش جەريانىنى كۆرۈپ بېقىڭ: بىرىنچى باسقۇچ: چوشقا گۆشىنى سۈپەتلىك كالا گۆشىگە ئايلاندۇرالايدىغان قىيام.

 چوشقا گۆشىنىڭ كالا گۆشىگە ئايلاندۇرۇلۇش

ئىككىنچى باسقۇچ: كۈچلۈك تەملەشتۈرگۈچ ماتېرىيال، چوشقا گۆشىنىڭ پۇرۇقنى يوقىتىدۇ. بۇ بىر كىچىك خالتادىكىسى 50 كىلوگىرام چوشقا گۆشىگە يېتىدۇ.

ئۈچىنچى باسقۇچ: كالا گۆشى قىيامىغا قوشۇلغان چوشقا گۆشى تەخسىدىكى تۇزلۇق سۇغا چىلاپ تەييارلىنىدۇ.

تۆتىنچى باسقۇچ: كالا گۆشى قىيامى سۈرگەلگەن چوشقا گۆشى بىلەن سۈركەلمىگەن چوشقا گۆشىنىڭ سېلىشتۇرمىسى.

بەشىنچى باسقۇچى: ئىككى سائەت دۈملەپ پىشرۇلغاندىن كېيىنكى راست چوشقا گۆشى بىلەن يالغان كالا گۆشىنىڭ سېلىشتۇرمىسى. كالا گۆشى قىيامى سۈركەلگەن چوشقا گۆشى راست كالا گۆشىگە ئىنتايىن ئوخشايدۇ.

كالا گۆشى قىيامى ساتىدىغان خوجايىننىڭ چۈشەندۈرىشىگە ئاساسەن، مۇخبىر تاللا بازىرىدىن بىر پارچە چوشقا گۆشى سېتىۋالدى، ئۈستىگە بىر قەۋەت كالا گۆشى قىيامى سۈركەپ، ھەم ئۈستىگە خوجايىن بەرگەن تەملەشتۈرگۈچىنى سېپىپ دۈملىدى.
يېرىم سائەتتىن كېيىن، چوشقا گۆشىنىڭ رەڭگى قېنىق كالا گۆشىگە ئۆزگۈرۈپ كۈچلۈك كالا گۆشىنىڭ پۇرۇقى تارقىلىشقا باشلىدى.  كېيىن مۇخبىر كالا گۆشى قىيامى سۈركەلگەن چوشقا گۆشىنى قازانغا سېلىپ قايناتتى، كالا گۆشى قىيامى سۈركەلمىگەن چوشقا گۆشىنىمۇ قازانغا سېلىپ قايناتتى.
بىر يېرىم سائەتتىن كېيىن، مۇخبىر قاينىتىلغان قازاننىڭ ياپقۇچىنى ئېچىپ، كالا گۆشى قىيامى سۈركەلگەن چوشقا گۆشىنىڭ كالا گۆشىگە ئوپئوخشاش پىشقانلىقىنى، كالا گۆشى قىيامى سۈركەلمىگەن چوشقا گۆشى بىلەن بولغان پەرقىنىڭ ئىنتايىن چوڭ ئىكەنلكىنى بايقىدى. يالغان كالا گۆشىنى ئېلىپ تېتىپ كۆرۈپ، تەمىنىڭمۇ راست كالا گۆشىدىن پەرقى يوقلىقىنى بايقىدى، كۈچلۈك كالا گۆشىنىڭ پۇرىقى تارقىلىپ تۇراتتى.
مۇخبىر ھېسابلاپ كۆرۈشىچە، بازاردىكى كالا گۆشىنىڭ بىر جىڭى 20 يۈەن، چوشقا گۆشىنىڭ بىر جىڭى 11 يۈەن، ئىككىسىنىڭ باھا پەرقىدە بىر ھەسسە پەرق بار ئىكەن. ھەمدە پىشۇرۇلغان كالا گۆشىنىڭ بىر جىڭنىڭ باھاسى 30 يۈەن بولۇپ، كىراخمال ۋە ھەرخىل ماتېرىياللار ھەمدە ئۆي ئىجارىسى، ئىشچىلارنىڭ ئىش ھەققى قاتارلىق تەرەپلەرگە كېتىدىغان مەبلەغنىڭ ئېشىشى بىلەن، ئەگەر پەقەت كالا گۆشىنىلا قىلىدىغان بولسا ئۇ چاغدا باھا ئۇنىڭدىمۇ ئېشىپ كېتىدىكەن، بىراق يول بويىدىكى بەزى كالا گۆشى دۇكانلىرىدا 6-7 يۈەندىن سېتىلىدىغانلىرىمۇ بار ئىكەن.

نۇر خەۋەر تورى