ئەسسالامۇ ئەلەيكۈم ۋە رەھمەتۇللاھى ۋەبەرەكاتۇھۇ!
                                                  
                                         بىسمىللاھىر رەھمانىر رەھىم
                  ( ناھايتى شەپقەتلىك ۋە مىھىربان ئاللاھنىڭ ئىسمى بىلەن باشلايمەن)
                    

               ئالەملەرنىڭ رەببى ئاللاھقا چەكسىز شۇكۈرلەر ۋە ھەمدىلەر بولسۇن؛ئۇلۇق پەيغەمبىرىمىز    مۇھەممەت    ئەلەيھىسسالامغا ئاللاھنىڭ رەھمىتى ۋە سالامى بولسۇن،ۋە قىيامەتكىچە كەلگەن ئەر-ئايال مۇئمىنلەرگىمۇ ئاللاھنىڭ رەھمىتى بولسۇن!
                
                                              ئۆلۈمنى ئۇنتۇپ قالمايلى!

               ئادەملەر دۇنيانىڭ تۈرلۈك لەززەتلىرىگە بېرىلىپ ئاخىرەتنى ئۇنتۇپ قالغانلىقى ئۈچۈن، ھەمدە ئاللاھدىن باشقا مەخلۇقلارنىڭ ئۆلۈپ يوقايدىغانلىقىنى ئاگاھلاندۇرۇپ ، ئەنكەبۇت سۆرىسىدە ئاللاھ مۇنداق دېگەن:[ھەربىر جاندار ئۆلۈمنىڭ تەمىنى تېتىغۇچىدۇر،ئاندىن بىزنىڭ دەرگاھىمىزغا قايتۇرۇلسىلەر.] (ئەنكەبۇت 57-ئايەت) ئۆلۈم ئۇ دۇنيا بىلەن بۇدۇنيا ئارلىقىدىكى كۆرۈكتۈر، (يەنى پانى ئالەم بىلەن باقى ئالەم ئوتتۇرسىدىكى كۆرۈك.)بۇدۇنيا ئاخىرەت ئۈچۈن ياخشى ئەمەللەرنى ئىشلەيدىغان(يەنى بەش ۋاخ ناماز ئوقۇيدىغان روزا تۇتىدىغان زاكات بېرىدىغان،) دېھقانچىلىق قىلىدىغان ئورۇندۇر. ئاخىرەتلىكى ئۈچۈن تىرىشقان ئادەم  ھېساپتىن، ئازاپتىن قۇتۇلۇپ جەننەتتە مەڭگۈ بولۇدۇ. ئاخىرەتلىكى ئۈچۈن تىرىشمىغان ئادەم دوزاخقا مەھكۇم بولۇدۇ.

                                             روھ توغۇرسىدا

             روھ دېگەن كۆكۈرۈپ تۇرغان دەل-دەرەخلەردە سۇ بولغىنىغا ئوخشاش ، ئنسان بەدىنىدە بولغان ئىللىق (يۇمشاق) جىسىمدۇر. ئەھلى سۇنني ۋەلخامائە(يەنى مۇجتەھىت ئالىملىرىمىزنىڭ قارىشىدا يوقالمايدىغان نەرسىدۇر.)
             ئاللاھ سۇبىھانەھۇ ۋەتە ئەلا قۇرئاندا مۇنداق دېگەن:[ئىنسان ئۆلۈدىغان چاغلىرىدا ئاللاھ ئۇلارنىڭ جانلىرىنى ئالىدۇ(يەنى تەننى ئۆلتۈرىدۇ روھ ئۆلمەيدۇ)

                                         روھ تۆت تۈرلۈك بولىدۇ.

              1-پەيغەمبەرلەرنىڭ روھى بولۇپ، جىسمىدىن ئايرىلغاندىن كىيىن مىسىك ۋە كاپۇردەك خۇش پۇراق چېچىپ جەننەتنىڭ ئىچىدە يەيدۇ، ئىچىدۇ ۋە (باشقا نئمەتلەردىن)مەنپەتلىنىدۇ. كەچ بولغاندا ئەرىشنىڭ تەھتىدىكى قەندەللەردە بولىدۇ.
            2-شەھىدلەرنىڭ روھى بولۇپ، تەندىن ئايرىلغاندىن كىيىن يېشىل قۇشلارنىڭ پوكىنىدا بولىدۇ. يەيدۇ ،ئىچىدۇ ھەم باشقا نىئمەتلەردىن مەنپەئەتلىنىدۇ.  ئاللاھ سۇبىھانەھۇ ۋەتەئەلا قۇرئاندا مۇنداق دېگەن:[بەلكى ئۇلار(يەنى شەھىدلەر)ھاياتتۇر. ئۇلار پەرۋەردىگارى تەرىپىدىن خوشال-خورام ھالدا رىزىقلىنىدۇ.] كەچ بولغاندا شەھىدلەرنىڭ روھىمۇ ئەرىشنىڭ تەھتىدىكى قەندەللەردە بولىدۇ.
           3-ئىتائەتمەن مۆئمىنلەرنىڭ روھى بولۇپ، جەننەتنىڭ ئىچىدىكى بوستانلاردا بولىدۇ. ئۇلار يىمەيدۇ،ھەم نئمەتلەردىن مەنپەئەتلەنمەيدۇ، لېكىن جەننەتتە ئۇچىدۇ.
             گۇناھكار مۆئمىنلەرنىڭ روھى(جەننەتنىڭ سىرتىدا)ئاسمان زىمىننىڭ ئارلىقىدىكى ھاۋادا بولىدۇ.
           4-كۇپپارلارنىڭ (يەنى ئىمانسىزلارنىڭ )روھى بولۇپ(يەتتە قات زىمىننىڭ ئاستىدىكى)سىججىندا قارا قۇشلارنىڭ پوكىنىدا بولىدۇ. ئۇلارنىڭ روھى بىلەن جىسمى ئوخشاش ئازاپلىنىدۇ.(خۇددى كۈننىڭ نۇرى زېمىنغا چۈشكەنگە ئوخشاش) كۈننىڭ ئۆزى ئاسماندا، نۇرى بولسا زىمىندا.  مۆئىمنلەرنىڭ روھى ئىللىيىندا بولۇپ(روھىنىڭ)نۇرى جەسسەتكە(يەنى تەنگە) يىتىدۇ.خۇددى ئاسماندىكى قۇياش نۇرى زىمنغا چۈشكەندەك، ۋە ئۇخلاۋاتقان ئادەم چۈش كۆرگەندە روھى چىقىپ يامان چۈش كۆرگەن بولسا، شۇ ئادەمنىڭ روھىمۇ تېنىمۇ ئازاپلىنىدۇ. ياخشى چۈش كۆرگەن بولسا روھىمۇ تېنىمۇ راھەتلەنگەنگە ئوخشاش.
           ئىيمان ئېيىتقان ، ئۆلگەندىن كىيىن تىرىلمەكنىڭ ھەقلىقىگە ئىشەنگەن ئادەم ياخشى ئىشلارنى قىلىشقا ئالدىرايدۇ،بەش ۋاخ ناماز ئوقۇيدۇ، روزاتۇتىدۇر،زاكات بېرىدۇ،سەدىقە بېرىدۇ.ۋەز نەسىھەت ئاڭلاشقا قىزىقىدۇ، خۇدالىق يۇلىدىكى تەقۋادار ئالىملارنى دوسىت تۇتىدۇر، سالىھلارنى دوسىت تۇتىدۇ، دۇنياغا بېرىلمەيدۇ،ھالالدىن كەسىپ تىجارەت قىلىدۇ،باشقىلارنى، بىدئەتچىلەرنى ۋە ھاۋايى ھەۋەسكە بېرىلگەنلەرنى يامان كۆرىدۇ،ئۆلۈمنى تەپەككۇر قىلىپ ئۆزىنى داۋالايدۇ(يەنى ئۆزىنى كونتۇرول قىلىپ توغرا يوللارغا كىرىدۇ).
            ئەنەس رەزىيەللەھۇ ئەنىھۇ رىۋايەت قىلغان ھەدىسى شەرىپتە پەيغەمبەر ئەلەيھىسسالام مۇنداق دېگەن:<<ئۆلۈمنى كۆپ ئەسلەڭلار، ئۆلۈمنى ئەسلىگەنلىكىنىڭ ئۆزى، گۇناھلارنى يۇيىدۇ، ئۆلۈمنى ئەسلىگەن ئادەم دۇنيادا تەقۋادار بولىدۇ.>>  ئىبنى ماجەدە خاتىرلەنگەن بىر ھەدىستە بەرا رەزىيەللەھۇ ئەنىھۇ ۇنداق دەيدۇ:بىز پەيغەمبەر ئەلەيھىسسالام بىلەن بىر جىنازەنامىزىنى چۈشۈرۈپ دەپنە قىلىۋاتاتتۇق، پەيغەمبەر ئەلەيھىسسالام قەبرىنىڭ بىر تەرىپىدە ئولتۇرپ يىغلاپ كەتتى. ئۇنىڭ مۇبارەك كۆزلىرىدىن ئاققان ياشلار، ئۇنىڭ مۇبارەك ساقاللىرىنى ھۆل قىلىپ، قەبرىنىڭ توپراقلىرغا تاراملاپ ئاقتى. بىر ھازادىن كىيىن پەيغەمبەر ئەلەيھىسسالام بىز گە قاراپ :<<ئەي قېرىنداشلىرىم، ئۆلۈم دىگەن مۇشۇنىڭغا ئوخشاش(يەنى ھەممىمىز مۇشۇ ساھابىدەك ئۆلىمىز). شۇڭا، سىلەر ياخشى ئەممەللەرنى كۆپ قىلىپ ئاللاھقا يېقىنلىشىڭلار.>>دېدى.
             ئەبى ھۆرەيرە رەزىيەللەھۇ ئەنھۇدىن رىۋايەت قىلغان ھەدىستە پەيغەمبەر ئەلەيھىسسالام مۇنداق دېگەن:<<(دۇنيا)لەززىتىنى ئۈزگۈچىنى(يەنى ئۆلۈمنى كۆپ ئەسلەڭلار، بىر ئادەم قېيىنچىلىق ۋاقتىدا ئۆلۈمنى ئەسلەيدىكەن، شۇ ئادەمنىڭ يىمەك-ئىچمىكى)كەڭرى بولىدۇ، بىر ئادەم قول ئىلكىدە بارۋاقتىدا ئۆلۈمنى ئەسلىمەيدىكەن ئۇ ئادەمنىڭ قىيىنچىلىقتا قالىدۇ.>>
            بەزى غەپلەتتە قالغان نادان ئادەملەر ئۆلۈمنى ئۇنتۇپ قالىدۇ، ھەتتا ئەجەل كەلگەن ۋاختىدا ئۆلۈمنى ئويلايدۇ. ئەجەل كېلىشتىن بۇرۇن ئەسلىگەندە مەنپەئەت يەتكۈزىدۇ، شۇڭا پەيغەمبەر ئەلەيھىسسالام:<<ئۆلۈمنى كۆپ ئەسلەڭلا.>>دېگەن.
            ئا ئىشە ئانىمىز پەيغەمبەر ئەلەيھىسسالامدىن يارەسۇلەللاھ ، قىيامەت كۈنى شەھىتلەرنىڭ قاتارىدا قوپىدىغان ئادەملەرمۇ بارمۇ؟ دەپ سورىدى. پەيغەمبەر ئەلەيھىسسالام:<<شۇنداق بىر كېچە-كۈندۈزدە ئۆلۈمنى يىگىرمە قېتىم ئەسلىگەن ئادەملەر(شەھىدلەرنىڭ قاتارىدا قويىدۇ)>>دەپ جاۋاپ بەردى.
            ئىنسان ئۆلگەندىن كىيىن ھەممە نەرسىدىن ئايرىلىدۇ، لېكىن، ئۆلگەندىن كېيىنمۇ ساۋابى ئۈزۈلمەي يىتىپ تۇرىدىغان، ئىيمانغا ئوخشىغان، بەش ۋاخ نامازغا ئوخشاش ئەمەللىرى بولىدۇ. ياكى گۇناھى ئۈزۈلمەي يىتىپ تۇرىدىغان  كۇپۇرلۇققا ئوخشىغان، تەۋبە قىلماي كەتكەن گۇناھى كەبىرلەرگە ئوخشاش ئەمەللىرى بولىدۇ.
           ئيمان ئېيتىپ ياخشى ئەمەللەرنى قىلغان بولسا جەننەتكە كىرىدۇ. كۇپۇرلۇققا ئوخشىغان ئەممەللەرنى ئىشلىگەن بولسا جەھەننەمگە تاشلىنىدۇ.
           ئەنسارلاردىن بولغان بىر ساھابە پەيغەمبەر ئەلەيھسسالامدىن؛ يارەسۇلىللاھ، ئەڭ ئەقىللىق ئادەم قانداق بولىدۇ؟دەپ سورىدى. پەيغەمبەر ئەلەيھىسسالام :<<ئۆلۈمنى كۆپ ئەسلىگەن ، ئۆلۈمنىڭ كۆپ تەيارلىقنى قىلغان ئادەملەر بولۇپ، ئاخىرەتتە كارامەتلەرگە ئېرىشكەن ئەقىللىق ئادەملەردۇر.>>دەپ جاۋاپ بەردى.

           كىمىكى ئۆلۈمنى ئۇنتۇپ قالماي، توغرا يولدا ماڭىدىكەن، دۇنيا-ئاخىرەتتىكى40تۈرلۈك كارامەتكە ئېرىشىدۇ.
           1-ئۆلۈمنى ياد ئەتكەن بەندىسىنى ئاللاھ ياد ئېتىدۇ ۋە ماختايدۇ.
           2-ئاللاھ ئۇلۇغلاپ مەمنۇن بولىدۇ.
           3-ئاللاھ دوسىت تۇتىدۇ.
           4-ئاللاھ ئاشۇ ئادەمنىڭ ئىشلىرىنى بىجىرىشتا ۋەكىل بولىدۇ.
           5-ئاللاھ ئاشۇ ئادەمنىڭ رىزقىغا كېپىل بولىدۇ.
           6-ئاللاھ ياردەمچى بولىدۇ.
           7-ئاللاھ شۇ ئادەمنىڭ ئۆلپىتى بولىدۇ.
           8-خار بولمايدۇ، ئەزىز بولىدۇ.
           9-غەم-قايغۇ كۆتۈرىلىدۇ.
          10-قەلبى باي بولىدۇ.
          11-قەلبى نۇرلىنىدۇ.
          12-كۆڭلى يورىيدۇ.
          13-باشقىلار ئالدىدا ھەيۋەتلىك بولىدۇ.
          14-باشقىلارنىڭ قەلبىدىن ئورۇن ئالىدۇ.
          15-(ئاشۇ ئادەم سەۋەبىدىن)يۇرىتقا بەركەت ياغىدۇ.
          16-زېمىن شۇ ئادەمگە بويسۇنىدۇ.
          17-ھايۋانلارمۇ بوي سۇنىدۇ.
          18-زېمىن خەزىنىسىنىڭ ئىگىسى بولىدۇ.
          19-ياخشى ئادەملەر ئالدىدا ئابرويلۇق بولىدۇ.
          20-دۇئاسى ئجابەت بولىدۇ.
           يۇقۇردا سۆزلەنگەن يىگىرمىسى دۇنيادا بولىدىغان كارامەتلەر. ئاخىرەتتە بولىدىغىنى......
          1-سەكراتى ئاسان بولىدۇ.
          2-ئىيماندا مۇستەھكەم بولىدۇ.
          3-روھى رەيھاندەك خۇش پۇراق بولىدۇ.
          4-جەننەتتە مەڭگۈ بولىدۇ.
          5-روھى خۇرسەن بولىدۇ.
          6-قەبرە ئازابىدىن ئەمىن بولىدۇ.
          7-قەبرىسى كەڭرى نۇرلۇق بولىدۇ.
          8-روھى بىلەن ئۇچرىشىپ تۇرىدۇ.
          9-قىيامەتتە ئۇلۇغلارنىڭ قاتارىدا بولىدۇ.
         10-يۈزى نۇرلۇق بولىدۇ.
         11-قىيامەتنىڭ قورقۇنىچىدىن ئەمىن بولىدۇ.
         12-نام-ئەمىلى يېزىلغان دەپتىرى ئوڭ تەرپىدىن بېرىلدۇ.
         13-ھېسابى ئاسان بولىدۇ.
         14-تارازا-مىزاندا ياخشىلىقى ئېغىر بولىدۇ.
         15-پەيغەمبەر ئەلەيھىسسالامنىڭ ھەۋزى-كەۋسەرنى ئىچىشكە مۇيەسسەر بولىدۇ.
         16-سىرات كۆۋرىكىدىن ئۆتۈپ دوزاقتىن ئەمىن بولىدۇ.
         17-پەيغەمبەرنىڭ شەپائىتىگە ئېرىشىدۇ.
         18-جەننەتتە مەڭگۈ بولىدۇ.
         19-جەننەتتە ئاللاھنىڭ كاتتا رازىلىقىغان ئېرىشىدۇ.
         20-ئاللاھنىڭ ئۇلۇغ جامالىنى كۆرۈش نېسىپ بولىدۇ.
ۋە ئاخىرۇ دەئۋانا ئەنىل ھەمدۇ لىللاھى رەببىل ئالەمىن.
بۇ تېمىنى تەيارلىغۇچى :پارىس

ھەقىقەتەن قالتىس ئەسەركەن،كۆپ بىلىمگە ئېرىشىۋالدىم ،ياخشى ئەسەرلىرىڭىز ئۈزۈلمىگەي...ئاللاھ سىزگە رەھمەت قىلسۇن قېرىندىشىم!     

ئەسسالامۇ ئەلەيكۇم پارىس قېرىندىشىم سىزبىلەن مۇڭداشمىغىلى ئۇزۇن بولىپتىكەن بۈگۈن بۇ ئېسىل يازمىڭىزنى كۈرىپ بەك خۇش بولدۇم.بولىپمۇ سىجىن بلەن ئىنىيۇن نىڭ پەرقىنى بىلىۋالدىم بۇ مەن كەڭسايغا كەلگەننىڭ ياقى ھەقىقى بىلىۋالغان بىردىن بىر مەسىلە بولدى رەخمەت سىزگە قېرىندىشىم.نەتچى ۋاختىن بۇ مەسىلىگە سەل قاراپ دىققەت قىلماپتىكەنمەن.ئەندى ھەقىقى چۈشەندىم.

ئۆلۈمنى ئەسلەپ تۇرۇشتا نۇرغۇن ھىكمەت بار .

ھامىنى ئۆلۈپ كىتىمىز تۆۋبەقىلىشقا ئالدىرايلى

ئەسسالامۇ - ئەلەيكۇم ،       اللە  سىزگەكۆپ ئەجىرلەر ئاتا قىلسۇن ، بىزلەرگە شۇ ئەھمىيەتلىك تېمىلىرىڭىزدىن مەنپەئەت ئاتا قىلسۇن ، اميىن !

ئىنىيۇن  ئەمەس <ئىللىيون>دەڭ 
                                                        83- سۈرە مۇتەففىفىن

ئۇلار (تارازىدا، ئۆلچەمدە) كەم بېرىشتىن يانسۇن، يامان ئادەملەرنىڭ نامە-ئەمالى چوقۇم سىججىندا بولىدۇ. 83- سۈرە(7)

سىججىن دېگەن نېمە؟ ئۇنى قانداق بىلەلەيسەن؟83-سۈرە(8)

ئۇ (يامان ئادەملەرنىڭ قىلمىشلىرى) خاتىرىلەنگەن بىر دەپتەردۇر.83-سۈرە(9)


راستلا ياخشى بەندىلەرنىڭ نامە-ئەمالى شەك-شۈبھىسىز ئىللىيوندا بولىدۇ.83-سۈرە(18)

ئىللىيوننىڭ نېمە ئىكەنلىكىنى سەن قانداق بىلەلەيسەن؟83-سۈرە(19) (ئۇ) ياخشىلارنىڭ ئەمەللىرى خاتىرىلەنگەن دەپتەردۇر.83-سۈرە(20)

سىزگىمۇ ئاللاھنىڭ رەھمىتى بولغاي!

ئىشلىتىش

بۇ مەزمۇن 6قەۋەتتىكى takwa656 نىڭ 2012-04-22 11:46 يوللىغان يازمىسىغا نەقىل  2-قەۋەت (نارات) نىڭ يازمىسىغا :
ئىنىيۇن  ئەمەس <ئىللىيون>دەڭ 
                                                        83- سۈرە مۇتەففىفىن

ئۇلار (تارازىدا، ئۆلچەمدە) كەم بېرىشتىن يانسۇن، يامان ئادەملەرنىڭ نامە-ئەمالى چوقۇم سىججىندا بولىدۇ. 83- سۈرە(7)

.......

ناھايتىمۇ ياخشى چۈشەندۈرۈپ قويىپسىز ،سىزدىن تولىمۇ مىننەتتار بولدۇم قېرىندىشىم!

ئىشلىتىش

بۇ مەزمۇن 6قەۋەتتىكى takwa656 نىڭ 2012-04-22 11:46 يوللىغان يازمىسىغا نەقىل 2-قەۋەت (نارات) نىڭ يازمىسىغا :
ئىنىيۇن  ئەمەس <ئىللىيون>دەڭ 
                                                        83- سۈرە مۇتەففىفىن

ئۇلار (تارازىدا، ئۆلچەمدە) كەم بېرىشتىن يانسۇن، يامان ئادەملەرنىڭ نامە-ئەمالى چوقۇم سىججىندا بولىدۇ. 83- سۈرە(7)

.......

رەخمەت قېرىندىشىم ئاللاھ ئەجىرىڭىزنى بەرسۇن قېرىندىشىم.