تازا يامغۇر يېغىپ كەتكەن پاتقاق چاغدا تارتىپتىكەن بۇنى.
قەشقەر دۆلەتباغدىكى بۇ يىزا ئىگىلىك، چارۋا مال بازىرى دۆلەتباغ يىزىسىغا جايلاشقان. كۆلىمى خېلى چوڭ ئىشقىلىپ. يەم خەشەك بازىرى بىلەن ئۇلاغ بازىرى تام قوشنا. ھەممىدىن قىززىيدىغىنى ئۇلاغ بازىرى. ئۇلاغ بازىرىدا قوي، كالا، ئات، ئېشەك، ئۆچكە، قوتاز قاتارلىق ئۆي ھايۋانلىرى سېتىلىدۇ. بۇلارمۇ ئىچىدىن نەچچىگە بۆلىنىدۇ. ئورۇق قوي بازىرى، قاسساپ قوي بازىرى، ئەكەك قوي بازىرى، ساغلىق بازىرى دىگەندەك. ھەممىسىنىڭ ئورنى ئايرىم.
بازارغا ھەر يەكشەنبە قەشقەرنىڭ ھەر قايسى ناھىللىرىدىن، ئاتۇشتىن، يەكەن، مارالبېشى قاتارلىقيىراق ناھىيلىرىدىنمۇ ماللار كەپ تۇرىدۇ. يەكشەنبە كۈنى ئوت بولۇپ كىتىدۇ ئوت. بەلىمـــــــــا؟... ساتلىمـــــــا؟... ئاسىــــــلا بەردىم... دىگەن گەپلەر قەدەمدە بىر ئاڭلىنىپ تۇرىدۇ. ئالدى ساتتىلارنىڭ گەپلىرى، تاۋۇزچىلارنىڭ، دوغچىلارنىڭ، كاۋاپچى، سامسىپەر، شورپىچىلارنىڭ ماللىرىنى داڭلاپ توۋلاشلىرى... بۇ بازارنى ئاجايىپ بىر تۈسكە كىرگۈزۋىتىدۇ. قەدىمكى ئۇيغۇر تۇرمۇشىنىڭ تىپىك كارتىنىسى بۇ بازاردا تېپىلىدۇ. قەشقەرگە كەلسىڭىز بۇ بازارغا كەلمەي كەتمەڭ. چەت ئەللىكلەرمۇ يېغىپ كىتىدۇ يەكشەنبە كۈنى.
ھەر يوغان بۇقا كالىلار، مۈڭگۈزلىرى يۆگىشىپ كەتكەن قوچقارلار، يۈگرۈك چىلان تورۇق ئاتلار ھەۋىسىڭىزنى كەلتۈرۋىتىدۇ. ئېشەكلەرنىڭ ھاڭراشلىرى قۇلاق مىڭىڭىزنى يەيدۇ
بىر يىلنىسى بۇ بازارغا ئاجايىپ يوغون بىر بۇقا كالا كىرىپتىكەن. تېخى چىش يىمىگەن بۇقا ئىكەن. بويى مەندىن ئىگىز تۇرىدۇ. (مەن 1.73 كېلىمەن). ئۆزىمۇ ناھايىتى سېمىز. ئاۋىستىرالىيە بۇقىسىنىڭ ئۇرۇغىدىن ئىكەن، مەنمۇ شۇ چاغقىچە ئۇنداق يوغان كالىنى كۆرۈپ باقمىغان. ئىگىسى 5 توننا كۈنجۈر يىگۈزۈپ بولدۇم دەيدۇ. دادامنىڭ بۇ بۇقىغا كۆزى چۈشۈپ، سودىلاشتى. ئادەملەر يىغىلىپ كەتتى. ئۇياققا تارتىشىپ، بۇ ياققا تارتىشىپ بۇ بۇقا 12500 سومغا پۈتۈشىلدى. شۇ كۈنى بازاردىكى بۇ موزايدىن باشقا ئەڭ چوڭ كالىنى (قاسساپلار سويىدىغان) 8000 سومغا سېتىپتىكەن. ئاچچىقىپ سويدۇق. نەخ 550 كىلوگىرام گۆش چىققان ئىدى. تېرىسى دىگەن بەكلا چوڭ ھەم قېلىن، چوڭ بىر ئۆيگە گىلەم قىلىپ سېلىپ قويسا بولغۇدەكلا چۈپتىكەن. ھازىرغىچە ئۇنداق چوڭ كالا كۆرۈپ باقمىدىم.
