رەسىم:
بىر ئايال ئەخمەد نىجادقا ئاچ قالدىم دەپ ۋارقىرىدى
خەلقئارا لىنىيە تورىنىڭ 20-ئاپرېل خەۋىرى: BBC تورىنىڭ 4-ئاينىڭ 19-كۈنىدىكى خەۋىرىگە ئاساسلانغاندا، ئىران پرېزىدېنتى ئەخمەد نىجاد ئىراننىڭ جەنۇبىدىكى شەھەرنى كۆزدىن كەچۈرگەندە ياردەم تەلەپ قىلغان ئامما قورشىۋالغان، بىر ئايال ھەتتا ئۇنىڭ شەخسىي ماشىنىسىغا چىقىپ ئەخمەد نىجادقا ۋارقىرىغان.
ئەخمەد نىجاد جەنۇبىي قىسىمدىكى باندار ئابباس شەھىرىنى كۆزدىن كەچۈرگەندە، ئىران ئاممىسى بەس-بەستە كېلىپ ئۇنىڭ شەخسىي ماشىنىسىنىڭ مېڭىشىغا توسقۇنلۇق قىلغان. ئاممىغا بولغان يېقىنلىقىنى ئىپادىلەش ئۈچۈن، ئەخمەد نىجاد ماشىنىسىنىڭ ئۈستىدىن بېشىنى چىقىرىپ ئاممىغا ھۆرمەت بىلدۈرگەن، ئىككى مۇھاپىزەتچىسى ئارقىسىدا يېقىن تۇرغان، كىشىلەر ئەخمەد نىجادقا ياردەم تەلەپ قىلىپ يازغان كونۋېرتلارنى سۇنغان، ئەخمەد نىجاد كونۋېرتلارنى ئېلىپ قالغان.
دەل شۇ چاغدا، بىر ئايال ماشىنىنىڭ ئالدىدىن ماشىنا بېىشىغا يامىشىپ چىقىپ، ئەخمەد نىجادنىڭ ئالدىدا ئولتۇرغان ھەمدە ئۇنىڭغا:«مەن ئاچ قالدىم، مەن ئاچ قالدىم!» دەپ ۋارقىرىغان بولۇپ، قارىماققا كەيپىياتى ناھايىتى جىددىي بولغان، كىشىلەر كۆپ بولغانلىقتىن، ئۇنىڭ ئەخمەد نىجادنى زادى قانداق تەنقىت قىلغانلىقى ياكى ئۇنىڭدىن نېمە ياردەم سورىغانلىقىنى ئېنىق ئاڭلىيالمىغان.
نەپرەت تەرجىمىسى
مەنبە.ئوكيان تورى
[ بۇ يازمىنىsirik 2012-04-20 23:29قايتا تەھرىرلىدى ]
