مەركىزىي تېلېۋىزىيە ئىستانىسىنىڭ رىياسىەتچىسى جاۋ پۇ يېقىندا مىكرو بىلوگىدا قېتىق بىلەن
مېۋە ئۇيۇتمىسى كونا خۇرۇم ئاياغدىن ياسىلىشى مۇمكىنلىكىنى ئاشكارلىدى.ياريېلىم دۆلەت
ئىشلىتىشكە ئىجازەت قىلغان يېمەكلىك خۇرۇچى.شۇڭا يېمەكلىك ساھەسىدە، يەنى مېۋە
ئۇيۇتمىسى، ماروژنى ، قېتىق،يۇمشاق كەمپۈت،سۈت كەمپۈت،قېزا،جاڭيۇ قاتارلىقلارنى ئىشلەشتە
كۆپ ئىشلىتىلىدۇ، لېكىن يېمەكلىك بىلەن دورىغا ئىشلىتىلىدىغان ياريېلىم ناھايىتى ئاز،
نۇرغۇنلىرىغا سانائەتتە ئىشلىتىلىدىغان ياريېلىم ئىشلىتىلىدۇ. بۇلتۇر دۆلىتىمىز بويىچە ئىشلەپچىقىرىش
ئىجازەتنامىسى ئالغان ئون نەچچە چوڭ تىپتىكى كارخانا پەقەت 50 مىڭ توننا ياريېلىم ئىشلەپچىقارغان .
بىرقىسىم كىچىك كارخانىلارنىڭ ياريېلىمىنى چەت ئەللەرگە ئېكسپورت قىلىشى نەتىجىسىدە،
سۈپەتلىك ياريېلىم ئاز بولۇش ئەھۋالى كۆرۈلگەن .ياريېلىم ئادەتتە ھايۋاننىڭ تېرىسى،
سۆڭىكىدىن ياسىلىدۇ، ئالتە تۈرلۈك پىششىقلاپ ئىشلەش تەرتىپىدىن ئۆتكەندىن كېيىن،
قاقلاش، قۇرۇتۇش ئارقىلىق ياريېلىمغا ئېرىشىش ئۈچۈن بىر قىسم خۇرۇم قالدۇقلىرى ،
قىرىندىلىرى ھەمدە كونا خۇرۇملارنى ياريېلىم ئىشلەپچىقىرىدىغان خام ماتېرىيال قىلغان.
جۇڭگو ياريېلىم جەمىيىتىنىڭ كېڭەش باشلىقى ۋاڭ جىڭجۇڭنىڭ تونۇشتۇرۇشىچە،يېمەكلىككە
ئىشلىتىلىدىغان ياريېلىمنى بىر توننا ئىشلەپچىقىرىش ئۈچۈن 2000 يۈەندىن 300 يۈەنگىچە
ماتېرىيال كېتىدىكەن . لېكىن كونا خۇرۇمنى خام ماتېرىيال قىلغاندا، بۇنىڭغا پەقەت 100
يۈەندىن 200 يۈەنگىچىلا تەننەرخ كېتىدىكەن .بازارغا كىرگەندىن كېيىن ،20مىڭ يۈەندىن
30 مىڭ يۈنگىچە سېتىلىدىكەن . نۆۋەتتە دۆلىتىمىزدە ياريېلىم ئىشلەپچىقىرىدىغان قانۇنسىز
زاۋۇتتىن 100 دىن ئارتۇقى بولۇپ،ئىشلەپچىقىرىش ئىجازەتنامىسى ئالغانلىرى 20 گە يېقىن
ئىكەن. ئىستىمالچىلار ئادەتتە يېمەكلىك خۇرۇچى ئۈچۈن راست ياريېلىم ياكى كونا خۇرۇمدىن
ياسالغان ياريېلىم ئىشلىتىلگەنلىكىنى بىلەلمەيدىكەن ،پۇرىقىنى پەرقلەندۈرۈش تەس ئىكەن.
خۇرۇم ئىشلەپچىقىرىدىغان زاۋۇتلار خۇرۇمغا خىمىيەلىك تەركىب ئىشلىتىدىكەن. بۇ ئادەم
سۆڭىكىنى بۇزغۇنچىلىققا ئۇچرىتىپلا قالماستىن، ئېغىر بولغاندا راك كېسەللىكىنى پەيدا قىلىشى مۇمكىنكەن .
مۇخبىر زىيارەت جەريانىدا ساپ قېتىق،ھەىرخىل مېۋە تەملىك قېتىق ھەمدە سۈتلەر گىمۇ
ياريېلىم قاتارلىق خۇرۇچلارنىڭ ئىشلىتىلىدىغانلىقىنى بايقىغان.
شىنجاڭ قانۇنچىلىق گېزىتى
كەڭ ساي مۇنازىرە مۇنبىرى » ئەبجەش پاراڭلار » كونا خۇرۇم ئاياغتا قېتىق ۋە مېۋە ئۇيۇتمىسى ياسىغىلى بولامدۇ؟ 
