ئەي كەرەملىك پەرۋەردىگار رەببىم ئاللاھ
بارچە ماختاش ،مەدھىيەلەرخاستۇر ساڭا
شىرىگىڭ يوق تەڭدىشىڭ يوق ئىگىمىزسەن
ساڭىلادۇر ھەر ئىبادەت ،تەلەپ-دۇئا

ئالەملەرنىڭ خۇجايىنى ،سۇلتانى سەن
مەۋجۇداتنى ياراتقۇچى ،راززاقى سەن
مەغفىرەت قىل ،ئىبادىتىم قۇبۇل ئەتكىن
قىيامەتنىڭ ئىگىسى سەن ،رەھمانى سەن

سالام بولسۇن پەيغەمبىرىڭ مۇھەممەدكە
رەھمەت قىلغىن ساھابىسى ئەۋلادىگە
رەھمەت قىلغىن ئاتا-ئانام،ئەجداتلېرىم
قېرىندىشىم،ئەھلى-ئەۋلات ،دوستلېرىمگە

ئىلاھا مەن ئاجىز قۇلۇڭ ،گۇناھكارمەن
تەۋبە قىلدىم،تەۋبە قىلدىم نىجاتكارسەن
مەغفىرەت قىل،ھىدايەت قىل،سالامەت قىل
دۇئالىرىم ئىجابەت قىل ئۈمۈتۋارمەن

*      *       *       *      *      *      *
ئۇلۇغ رەببىم خەزىنەڭدىن رەھمەتنى بەر
بىزگە ھەر چاغ ھالال رىزىق نېئمەتنى بەر
غەزىپىڭدىن يىراق قىلغىن ،پاناھ بەرگىن
ئۆزۈڭ رازى، ياخشى تەقدىر-قىسمەتنى بەر

توغرا يول بەر ،ئېلىم-ئىرپان ھىكمەتنى بەر
ھەربىر سۆزۈم ،ھەركىتىمدە سۈننەتنى بەر
قىلما رەسۋا بۇدۇنيادا،مەھشەردە ھەم
رەسۇلۇڭغا شاپائەتكە رۇخسەتنى بەر

تاپشۇرۇلدۇم ،ھاياتىمغا قىممەتنى بەر
پاناھ بەرگىن مۇھتاجلىقتىن شەرەپنى بەر
ئازدۇرمىغىن،قوغدا شەيتان ۋەسۋەسىدىن
بەندېلىرىڭ ئىچىدە ھەم ئىززەتنى بەر

يەكسان قىلغىن ،دۈشمىنىمگە زۈلمەتنى بەر
ئىككى دۇنيا خارلىق ئازاپ كۈلپەتنى بەر
دوستۇڭغا دوست،دۇشمىنىمگە دۈشمەن ئەيلە
ياۋغا قارشى كۈچ-قۇدىرەت نۇسرەتنى بەر

ھاياتلىقتا ۋاپادار جۇپ ئۈلپەتنى بەر
ئەۋلادىمغا ئىمان غورور ،ھىممەتنى بەر
خارقىلمىغىن،يىتىم قىلما،پېقىر قىلما
ئىككى ئالەم بەخىت ،تاجۇ-دۆلەتنى بەر

ئائىلىمىز ،سودىمىزغا بەركەتنى بەر
تەنگە ساقلىق ،دىلىمىزغا شەپقەتنى بەر
مەھشەر كۈنى سايىداتقىن سايەڭ بىلەن
پىلسىراتتىن ئۆتكىلى ھەم قۇۋۋەتنى بەر

قىيامەتتە ئول فىردەۋىس جەننەتنى بەر
دەۋزىخىڭدىن قۇتۇلدۇرغىن ھۆرمەتنى بەر
قەبرىدىكى ئازاپلاردىن ساقلا بىزنى
جەننەت كەبى باغچىلاردا شەربەتنى بەر


2012-يىلى 3-ئاينىڭ 11-كۈنى
مەنبە :قەلىمىم

ياخشى يېزىپسىز.     

ياخشى تىما ئىكەن  رەھمەت سىزگە  بۇ يېڭىچە  بىر  دۇئا تلەكمۇ  يا    لىكىن بەك ياخشى توقىلىپتۇ   بۇ دۇئالار

ئاللاھ رەخمەت قىلسۇن يەنىمۇ تىرشىڭ

مەزمۇنى بەك  ياخشى چىقىپتۇ، شىئېرىي دۇئا دىسە بولغۇدەك !

راست ياخشى يېزىلىپتۇ.

ياخشى يېزىپسىز،چىكىت پەشلەر ئۆيدە قالغان ئوخشىمامدۇ......مىسرا كۇبلىتلار ئاخىرىغا ھېچنىمە قويماپسىز.......
شىرىگىڭ يوق، تەڭدىشىڭ يوق ،ئىگىمىزسەن ......ماۋۇ مىسراغا مەن پەش قۇيىۋەتتىم جۇمۇ...

ئىشلىتىش

بۇ مەزمۇن 6قەۋەتتىكى salmanuyghur نىڭ 2012-03-28 21:46 يوللىغان يازمىسىغا نەقىل :
ياخشى يېزىپسىز،چىكىت پەشلەر ئۆيدە قالغان ئوخشىمامدۇ......مىسرا كۇبلىتلار ئاخىرىغا ھېچنىمە قويماپسىز.......
شىرىگىڭ يوق، تەڭدىشىڭ يوق ،ئىگىمىزسەن ......ماۋۇ مىسراغا مەن پەش قۇيىۋەتتىم جۇمۇ...

رەھمەت،بۇندىن كىيىن دىققەت قىلاي.

بەزىلەر  بۇشىئىرنى  كۆرسە  كىگىز  كۆرپىدىن بىرەسىنى ئارتۇق يىرتىدىغان  بولدى س ەكرەپ  يۇرۇپ ئاللاھقا سېغىنىشى ئېشىپ كىتىپ  ئاللاھ  رەھمەت قىلىپ  توغرا يولدا ئىشىلىتەر  بۇ  شىئىر ى  دۇئانى  لىكىن  بەكمۇ  مەنىلىك  چۇشەنچىلىك  چىقىپتۇ بۇتۇقۇلما  

رەھمەت سىزگە بۇ شېئېرى دۇئا قالتىس ياخشى چىقىپتۇ .