KKMدۇنياسى - «كۈچ»نىڭ ئۇنۇمسىز دائىرىسى
نۆۋەتتىكى فىزىكا نەزەرىيىلىرى ئۈنۈملۈك تەسۋىرلەش ئىلىپ بارالمايدىغان پىلانىك ئۇزۇنلۇقىنى چىگرا قىلغان تېخىمۇ مكرۇ بولغان بىر دۇنيا بار. مەن بۇ دۇنيانى شەكىل نەزەرىيىسىدە تەشەببۇس قىلىنغان KKM ئۆلچىمى بىلەن تەسۋىرلىگىلى بولىدىغان
KKM دۇنياسى دەپ ئاتاشنى توغرا تاپىمەن.
«غەيرى نوقتا»بىلەن پىلانىك ئۇزۇنلۇقىغىچە بولغان بۇ ئارىلىق بۇنداق دۇنيانىڭ ھەقىقەتەن مەۋجۈتلىگىنىڭ نەزەرىيىۋى ئاساسىي.
KKM دۇنياسىدا كىلاسسىك ۋە رىئال مەنىدىكى «كۈچ ئىدىيىلىرى ئورۇنلۇقمۇ؟» نۆۋەتتىكى فىزىكا بۇ سۇئالغا جاۋاب بىرەلمەيدۇ. بۇ يەردە ئىككى خىل تاللاش بار:
1- پىلانىك ئۇزۇنلۇقىدىن قىسقا بولغان بۇ دۇنيادىكى (KKM دۇنياسىدىكى) فىزىكىلىق جەريانلارنى «كۈچ»ئۈقۈملىرىنى ئىشلەتمەي تۇرۇپ تەسۋىرلەش يولىدا ئىزدىنىپ كۆرۈش.
2- ئەگەر مۇمكىن بولسا «كۈچ» ئۈقۈملىرىنىڭ تەدبىقلىنىش دائىرىسىنى KKM دۇنياسىغا كېڭەيتىش (مېنىڭچە بۇ بەك مۇشكۈل).
مەن 1-لايىھەگە مايىل. بۇ يەردە پەقەت ئۆزئارا سوقۇلۇشتىن ئىبارەت بىرلا خىل مۇناسىۋەت مەۋجۈت دەپ پەرەز قىلىشقا بولىدۇ. ئىنېرتسىيە قانۇنى تۈپ قانۇن؛ KKM دۇنياسىدىكى ئالاقىدار جەريانلارنى تۈزۈتۈش كىرگۈزۈلگەن ئىنېرتسىيە قانۇنى ئارقىلىق تامامەن چۈشەندۈرگىلى بولىدۇ.
KKM دۇنياسى -«دولقۇن»ئۇقۇمى ئورۇنسىز دۇنيا
KKM دۇنياسىدا خۇددى «كۈچ»ئۈقۈملىرى ئورۇنسىز بولغىنىدەك، «دولقۇن»ئۈقۈملىرىمۇ ئوخشاشلا ئورۇنسىزدۇر. چۈنكى، دولقۇن ئىدىيىسىنى تۇرغۇزۇش ئۈچۈن ئەڭ كەم دېگەندىمۇ بىر دولقۇن ئۇزۇنلۇقىدىن ئارتۇق قىممەتكە ئىگە بولغان ئارىلىق بولۇشى كېرەك.
زەررىچىلىك خۇسۇسىيەت پۇتكۇل KKM دۇنياسىنىڭ تۈپ ئوبرازى.
خۇلاسە
KKM دۇنياسىدا كىلاسسىك ۋە ئەمەلىي فىزىكىدىكى «كۈچ»، «دولقۇن» ئىدىيىلىرى ئۈنۈمىنى يوقىتىدۇ. بۇ دۇنيادا زەررىچىلىك خۇسۇسىيەت ۋە 29-تېئۇرمىچە ئېغىش ئەڭ رۇشەن ئىپادىلىنىدۇ.
يۇقۇرقىچە ئىدىيىلەرنى چىقىش قىلىپ كۋانت دۇنياسىدىكى فىزىكىلىق رىئاللىقلارنى «كۈچ»، «دولقۇن» ئىدىيىلىرىدىن مۇستەسنا ھالدا تەسۋىرلەشكە بولامدۇ؟، زادى قانچىلىك دائىرە ئىچىدە قانچىلىك تەسۋىرلىگىلى بولىدۇ؟ مانا بۇ بىز نۆۋەتتە ئويلۇنۇشقا تېگىشلىك مۇھىم مەسىلە.
قاسىم سىدىق
2011.9.17
مەنبە:
