رەسىم:
نەۋرۇز پائالىيەتلىرى تۈركىيەدە باشقىچە مەخسەتلەردە ئېلىپ بېرىلغان بولسىمۇ،ئوتتۇرا ئاسىيانىڭ يۈرىكى تۈركىستاندا داغدۇغۇلۇق تەبرىكلەندى.
قەدىمدىن ھازىرغىچە 21-22.مارت كۈنلىرى باھارنىڭ كېلىشىنى بايرام قىلىپ تەبرىكلىنىپ كەلگەن نەۋرۇز بايرىمى، تۈركىيەدە باشقىچە مەخسەتلەردە ئېلىپ بېرىلغان بولسىمۇ،ئوتتۇرا ئاسىيانىڭ يۈرىكى تۈركىستاندا داغدۇغۇلۇق تەبرىكلەندى.نەۋرۇز پائالىيەتلىرى تۈركى جۇمھۇريەتلەرنىڭ ھەممىسىدە ئېلىپ بېرىلغىنىغا ئوخشاش،قازاقىستاننىڭ تۈركىستان شەھرىدە داغدۇغۇلۇق تەبرىكلەندى (قۇتلاندى).
مەيدانلاردا پائالىيەتلەرگە قاتناشقان مىھمانلارنى كۈتىۋالىدىغان چېدىرلەر قۇرۇلغان بولۇپ،تەبرىكلەشلەر بىر-بىرىدىن رەڭگارەڭ مەيدانلارغا سەھنە بولدى.
خوجا ئاخمەت يەسەۋى خەلقئارالىق تۈرك-قازاق ئۇنۋېرستېتى بولغان تۈركىستان شەھرى بۇ پائالىيەتلەر داغدۇغۇلۇق تەبرىكلەنگەن يەرلەردىن بىرى بولدى.تەبرىكلەش پائالىيەتلىرىدە ئۇسۇل ئەترەتلىرى ئۆز ھۈنەرلىرىنى كۆرسەتتى،ئوقۇلغان ناخشىلار،كۆڭۈل ئېچىش پائالىيەتلىرى تاماششىبىنلارنى سۆيۈندۈردى.مىللى ئۇسۇللار چوڭقۇر ئالقىشقا ئېرىشتى،داش قازانلاردا پۇشۇرۇلغان يىمەكلىكلەر مىھمانلارغا سوۋغا قىلىندى.
نەۋرۇزنى تەبرىكلەش پائالىيىتى ئۈچۈن تۈركىستانغا كەلگەن ئۇنۋېرستېتنىڭ سابىق كېڭەش ھەيئەت باشلىقى،تۈركىيە دېمگۇرات پارتىيىسنىڭ رەئىسى نامىك كامال زەيبەكمۇ قاتناشتى،تەبرىكلەش پائالىيەتلىرىنىڭ بۈگۈن ۋە ئەتىمۇ داغدۇغۇلۇق ئېلىپ بېرىلىىدىغانلىقى بىلدۈرۈلدى.
تۈركىيەدىكى ئەھۋال:
تۈركىيەدە بولسا ئەھۋال ناھايىتى پەرىقلىنىپ تۇراتتى،بولۇپمۇ بەزى سىياسى ئېقىمدىكىلەر ۋە نەۋرۇزنى باھانە-سەۋەپ قىلىۋالغان تېرورلۇق تەشكىلاتى PKK يانداشلىرىنىڭ مەيدانلارنى ئۇرۇش ھالىتىگە سۆرەپ كىرىشى،ھەپتە ئاخىرىدىن بېرى(ۋەتەنداشلار)پۇخرالار ۋە ئامانلىق ساقلىغۇچىلار ئۈچۈن چوڭ قىيىنچىلىقلارنى ئېلىپ كەلدى.
ھۆكۈمەتنىڭ ھەر يىلى 21.مارت نەۋرۇزنى تەبرىكلەش پائالىيىتى ئېلىپ بېرىش توغرىسىدىكى ئەنئەنىسىگە نىسبەتەن،BDP(تېنىچلىق ۋە دېمگۇرات پارتىيىسى)نىڭ بۈگۈن باتمان،مەرسىن،ھاككارى،شانلىئۇفا،شىرناك ۋە بىتلىستە ئېلىپ بارغان پائالىيەتلىرىدە ۋەقە چىقتى.
كۆرسەتكۈچىلەر بىلەن ساقچىلار ئوتتۇرسىدا يۈز بەرگەن سۈركىلىشلەردە،ئەتراپ ئۇرۇش ھالىتىگە كەلدى،ئامانلىق ساقلىغۇچىلارغا ئوقلار ئېتىلدى،تاشلار ياغدۇرۇلدى،ۋەقەلەردە ئونلاچە پۇخرا ۋە ساقچى يارىلاندى.
يۇقۇرقىلار بولسا ئوتتۇرا ئاسىيا ۋە تۈركىيەدىكى پەرىقلىق نەۋرۇز.
تۈركچىدىن تەرجىمە قىلغۇچى:ئىمىنجان تۇرسۇن ئۆزتۈرك
مەنبە: http://www.haber7.com/haber/20120321/Turkiye-ile-Turkistanin-nevruz-farki.php
